MIKHA 2:12 - KITAB NU TUMPU ALLA LELE MA'IMAI'

¹² Tumpu notatae mule, “O, mian nu Israel anu daagi' tinontuha'! Belemiu Ku posihukmo ka' mule' Ku posa'angu'mo susumo domba anu ninsusule'mo mae i pangkunnyo. Susumo hemput padang anu kahomo domba, sumo aitumo na lipu' nu belemiu mompaka da'isanmo na miannyo.

MIKHA 2:12 Iomraidhean Croise

YESAYA 11:11

Toka isinaa aijo' Tumpu po ule' mule' monggunakon kakuasa'an-Nyo ka' monsule'akonmo mae mian anu palesayamo hi Ia anu tinasisa i Asyur ka' i Mesir, ka' mule' i iwi-iwi na lipu' Patros, Sudan tiba Elam anu kiijo' i Babel, ka' mule' Hamat tiba iwi-iwi' na togong anu toto jo'o-jo'on.

YESAYA 27:12

Tempo'nyo aijo' Tumpu momposihukmo bansa-Nyo toto sa'angu' lengkat mae i Kaunyo nu Efrat toka-toka ipotempasan tiba Mesir. Nu posi po iwi'mo na aha susumo mian mompo iwi'mo batu nu gandum da madi' maninggalo' tiba ota'nyo.

YESAYA 34:6

Bajak nu Tumpu aijo' nu kampuhimo nu baso' ka' kahomo lompo' nu aha, sumomo ahi' baso' tiba lompo' nu binatang anu kinolobanakonmo. Kalana Tumpu nomposadiamo koloban i Bozra ka' nompahangkolotakonmo manjoo' hondo itano' nu Edom.

YESAYA 5:17

Ikota' anu ihansunmo saidi' mae mee' tiba domba mongototmo hemputnyo ka' mule' madi'mo kakulangan i anu okaan.

YEREMIA 23:3

Panyo tuha' nu mian anu palesayamo hi beleng-Ku po ule'mo Ku posihuk lengkat mae ilipu-lipu' anu pinomboan-Ku aha. Aha po ule'mo Ku sule'akon itano' kinahampean nu aha ka' lee' nu aha mompaka panjoo'mo.

YEREMIA 3:18

Israel mosa'angu'mo tiba Yehuda ka' hingga-hinggatmo mae toka lengkat ilipu' pinomboan isasu utara. Aha minsusule'mo mae ilipu' anu binee'-Kumo salaku tano' pusaka' hi aha lee' nu belemiu.”

YEHEZKIEL 34:11

Tumpu Anu Matangkas na Kuasanyo notatae, “Posi Akumo na molio dombang-Ku haha aijo' ka' mongkalesang aha,

YEHEZKIEL 34:13

Aha Ku sabatakonmo mae lengkat mae hi aha to bansa-bansa tiba to lipu-lipu' anu isalipu'an lantas Ku posihukmo ka Ku boamo iposi lipu' anu aha. Aha Ku laya'mo mamba ito bungku-bungkutnyo ka' ibangka'nyo haha aijo' i Israel ka' Ku boamo na aha ipadang tampat nu hemputon ka' anu ma'ima'an.

YEHEZKIEL 34:22

Panyo posi Akumo ahi' na momposalamat domba-dombang-Ku, da aha madi'mo daagi' sola'osigohi. Akumo na momputusi hukuman nu to domba-dombang-Ku toto sa'angu' ka' mule' mongga'atakon anu ma'ima' da madi'mo maninggalo' hi anu ma'idek.

YEHEZKIEL 34:31

Memang totu'u belemiumo na tompukan nu dombang-Ku anu Ku bee'i mongkaan. Belemiu atina'mo na mian anu palesayamo hi beleng-Ku, ka' mule' Aku, Tumpu nu belemiu. Aku, Tumpu Anu Matangkas na Kuasanyo notataemo.”

YEHEZKIEL 36:37

Tumpu Anu Matangkas na Kuasanyo notataemo, “O bansa Israel, belemiu Ku pobee'mo mule' momoita tulung hi beleng-Ku; Ku tuangimo na konjoo'nyo nu belemiu susumo gombuan nu domba.

YEHEZKIEL 37:21

Lantas poto'imo hi aha, taalu' Aku, Tumpu Anu Matangkas na Kuasanyo mongalamo mae iwi-iwi' na bansang-Ku lengkat mae ilipu'-lipu' anu kinalambananmo nu aha. Aha Ku posihukmo ka' po ule'mo Ku boa mae iposi lipu' nu aha.

HOSEA 1:11

Bansa Yehuda tiba bansa Israel oposa'angu'mo mule'. Aha po'ule'mo mohangkat samian bau polaya', ka' aha timbalimo da'isan ka' sanangmo mule' i lipu' nu aha. Memang Sinaa nu Yizreel tinimbalimo sinaa anu opopodaka'!

AMOS 1:12

Kalana aijo', Aku mombee'imo apu mokiijo' i kota' Teman, ka' nompapui to bente-bentengnyo nu Bozra.”

MIKHA 2:13

Ku buka'mo na jalan ka' momboamo belemiu mosabat lengkat i tampat pinomboan ka' pinompojoongan belemiu. Opaha sulakonmo nu belemiu na tumban nu sabatan daka' ka' belemiu bebasmo na mamba. Akumo na Tumpu, aiyamo na Tomundo' nu belemiu ka' mule' Akumo na polaya' nu belemiu mosabat.”

MIKHA 4:8

Ka' beleyum Yerusalem tampat nu Tumpu monjagai mian-Nyo anu palesayamo susumo polaya' anu monjagai tompukan nu dombanyo, beleyum po ule'mo timbali puso nu kota' nu kalaja'an nu belemiu susumo u'utu mae momona.

MIKHA 5:7

Aha mian nu Israel anu daagi' jinojoong hi aha to bansa-bansa sumomo singa itotonga' nu to bina-binatang anu i uno nu alas kabai itotonga' nu tompukan nu domba anu i daerah nu padang hemput. Singa aijo' minsoopmo mokiijo' itotonga' nu tompukan nu domba haha aijo' ka' mompahampeja'akonmo ka' mule' mombente-bentekmo; madi' ko anu moko ala molapasakon domba haha aijo'.

MIKHA 5:8

Israel mompatundu'mo iwi-iwi' na sampobali'nyo ka' mule' mohansunimo aha iwi-iwi'.

MIKHA 7:14

O, Tumpu ojagaiakon mae na mian anu palesayamo hi Belento, mian anu pinile'anmo nu Belento. Aha nosi tademo na jinojoong i uno nu alas anu ewa hondo i daerah nu tano' anu ma'omuk. Bisa-bisa aha mohumpak anu okaan i padang hemput kiijo' mae i Basan ka' mule' kiijo' mae i Gilead susumo tempo'nyo naipuan mae.

MIKHA 7:18

Madi' ko Tumpu anu sumo Belento, o, Tumpu anu mongampuni dosa' nu mian anu pinile'anmo nu Belento aijo'mo mian anu daagi' tinontuha'. Madi' sampemo sidu-sidutu' na Belento motambuha'; panyo ola ahi' belento sanang na mompotoa kanonongan nu Belento anu madi' ko batasnyo aijo'.

ZEFANYA 3:20

Tokaje mae na tempo'nyo anu jojoong i kota' atina' nono ga'a-ga'atmo po ule'mo Ku boa mae minsusule'. Belemiu Ku potalasanggomo i songko-songko na dunia aiya, Kabilahian nu belemiu i uno nu kantumuu'an po ule'mo Ku bee'.” Tumpu notataemo. 1