MIKHA 1:8 - KITAB NU TUMPU ALLA LELE MA'IMAI'

⁸ Kalana aijo' aku, i Mikha nolibosmo na kinyonyoa ka' nompele-pele'mo. Aku i lumajangmo langgo-langgo' ka' madi'mo ni sapatu da pompotoa talalomo hondo nolibos na kinyonyoangku. Aku nolohu'mo susumo dedeng nu alas ka' nolokekmo susumo tominsi' unta.

MIKHA 1:8 Iomraidhean Croise

2 TOMU-TOMUNDO' 18:13

I taun ko sampulu'nyomo ka' opat na i Tomundo' Hizkia nompalentah Yehuda, kota-kota' nu Yehuda anu ko bentengnyo tinumbuhanmo ka' pinatundu'mo i Sanherib tomundo' nu Asyur.

ESTER 4:1

Salatan i Mordekhai nohongomo apaa na anu jinadimo, bineaknyomo na baju'nyo ka' nompusok hude kalung salaku tanda sinusa'mo hondo na kinyonyoanyo. Kinakambuhakonnyomo na abu' aita' i ubaknyo lantas ilumajangmo i kota' ka' lewa'mo i humang daka-daka' ka' tinongkolibosonmo.

AYUB 30:29

Potataengku talalomo hondo nolibos susumo keek nu serigala ka' tomonsi' unta.

MAZMUR 102:6

Aku nolokihismo hoso-hoson; butongku me kilit kampi-kampit i buku.

YESAYA 13:21

Tampat aijo' nujojoongimo nu binatang anu toto ela-ela'. Mongkoek mimpetamo ilaigan nu aha haha aijo' ka' mule' tomonsi' unta jojoongmo ikiijo' mae. Mee' toto ela-ela' maha lumpa-lumpatanmo i, olot nu laigan anu singkapmo nohobo'-hobo'.

YESAYA 13:22

Huu' nu dedeng nu alas tiba serigala ohongomo lengkat mae aijo' ilaigan lewa-lewa' ponsombahan pilogot ka' ilaigan nu tomundo' Babel. Kahansunannyo malia'mo toka na tempo'nyo ka' tempo' aijo' madi'mo daagi' otunda.”

YESAYA 16:9

Uuka aiya aku mohangimo anggur anu kiijo' i Sibma susumo aku nohangimo Yaezer Aku nonjujuhakonmo lolu'ku kalana Hesybon tiba Eleale, kalana isi nu ale'nyo ingingkotanmo nu sampobali'.

YESAYA 21:3

Anu tinoangku aijo' nompobingungmo hondo aku sampe aku madi'mo noko ala nontoa kabai nohongo. Aku nabuhukmo ka' mule' nasakitmo sumomo ahi' samian na boune anu kahanda'mo monganak.

YESAYA 22:4

Boli mae mompalahatikan aku; bakas da ku haangi ahi' na to mia-mian bansangku anu sinilakamo.

YESAYA 32:11

Sampe tempo uuka aiya kantumuu'an nu belemiu sanang madi'mo nolasai kasusa'an. Panyo uuka aiya nu lakatmo kalana mabuhukmo! Ukatakon na baju' nu belemiu ka' posasa' na hude kalung ikompong nu belemiu.

YEREMIA 4:19

Sinansalamo hondo na kinyonyoangku, madi'mo ku poko ala montahan kasansala'an. Aku madi'mo moko ala monsabaanakon butongku sulengku nangada'mo i uno nu saha'anku, kalana ihongongkumo na tolompet ingumonyi'mo, tiba ais nu pahampatean nayontokmo mae.

YEREMIA 9:1

Ma'ima' hondo de ubaku sumo bubung anu pinobuke'anmo nu uee, ka' mataku sumo soluduk anu saja' mo ili na ueenyo! Sahingga aku timbali saja' humang sinaa tiba pihi, mohangi to mia-mian bubuu' bansangku anu pinateanmo nu sampobali'.

YEREMIA 9:10

Aku, i Yeremia notatae, “Aku humangmo ka' susamo na kinyonyoa kalana padang tampat nu hemput anu mateges ka' aita' ibungkutnyo iwi-iwi' anu nanggasmo kinumahengkengmo ka' mule' madi'mo tinulu nu mian. Lewo' nu potuu'on madi'mo daagi' ko anu ihongo, binatang anu lumahap tiba binatang-binatang sangga'at nopalaimo ka' imadi'anmo.”

YEREMIA 9:19

Kiita' mae i Sion ihongomo na lewo' nu mian humang, “Kita silakamo ka' talalomo ingambangan. Lipu'to tionyo ahi' opala'intomo, laiganto iwi-iwi' hansunmo ka' motanatamo.”

YEHEZKIEL 32:18

“O manusia anu madi' tumuu' batu, haangmo kalana ko anumo sinilaka na aha mian da'isan nu Mesir. Pakatumo na aha da mambamo i dunia nu mian anu sinilakamo hingga-hinggat tiba lipu-lipu' sangga'at anu mahoson.

MIKHA 2:4

Nasib nu belemiu nu gunakonmo nu mian bau ponsindin ka' aha mongajanmo nyanyian anu onyanyiakon de ko anumo silaka, sumo uuka, ‘Tumpu nonsilakaimo lipu' mami aiya ka' mule' nombee'mo hi aha anu nomboamo kami. Kami memang ahi' ihansunmo totu-totu'u.’ ”

1 SAMUEL 19:24

Salatan tinokamo kiijo' mae, ia nongukatakonmo baju'nyo ka' lewa'mo nonsalele ka' mule' suele lewa'mo nolo ais hi ahop i Samuel lantas tinombahangkangmo i tano' langgo'-langgo' sinansinaa ka' sinampahu. (Aiyamo na pinolengkatan momona nu sisik anu nontaloakon, “Pa' ugaat suele i Saul tinimbali nabi?”)