MIKHA 1:7 - KITAB NU TUMPU ALLA LELE MA'IMAI'

⁷ Iwi-iwi' na patong anu mahan na olinyo ohansunimo ka' balang anu binee'mo hi to bou-boune anu mokalaja' i kuil opapuimo, ka' mule' iwi-iwi' na pilogotnyo ohansunimo. Balang haha aijo' anu ohumpak de aha monsombahmo pilogot momombee'i kalumba'an nu tano'. Uuka aiya iwi-iwi' aijo' oboamo nu sampobali' da bau palasombahan salaku pontalimakase hi to pilo-pilogot nu aha.”

MIKHA 1:7 Iomraidhean Croise

2 TAWARIKH 31:1

Salatan lamean ilapasmo, mian da'isan iwi-iwi' nambamo i batu-batu kota' nu Yehuda lantas nohobo'akonmo tugu nu pilogot, mompahahobo'akon, iwi-iwi' na patong anu pinotinjo ponsombaan Pilogot boune Asyera, ka' nongideimo iwi-iwi' na mezbah ka' tampat anu lewa' ponsomban pilogot. Sumo aijo' mule' na aha nombau tampat sangga'at i da'erah Yehuda, ka' suele i da'erah Benyamin, Efraim ka' Manasye. Lapas aijo' aha ninsusule'mo i tampat nu aha toto samian.

YESAYA 2:18

To pilo-pilogot imadi'anmo ingko-ingkot.

YESAYA 23:17

De lapasmo pitumpulu' nataun aijo' Tumpu po ule'mo monginau' Tirus ka' mompobee'mo ia po ule' mombau pakalaja'annyo susumo naipuan mae. Ia po ule'mo badagang tiba iwi-iwi' na kalaja'an idunia aiya.

YESAYA 27:9

Panyo dosa' nu aha Israel ola timbali o, ampuni de mazbah nu to pilo-pilogot ogiling sampe hansun susumo tilon. Iwi-iwi' na anu bau pompapuan kamangian ka' anu molambangakon Pilogot boune Asyera tionyo ahi' suele ohansuni.

YEHEZKIEL 6:6

Iwi-iwi' na kota' nu aha Israel ohansunimo, iwi-iwi' na mezbah tiba pilogotnyo o'ideimo ka' oposungkehetmo, anu sola'pompapuan kamangian obiha-biha'mo, ka' mule' iwi-iwi apaa na anu binaumo nu aha madi'mo daagi' otoa.

HOSEA 2:12

Ku hansunimo na to kau-kau' anggur ka' to kau-kau' nu ara, maumo koonyo aijo' binaumo tambo pongkalibosinyo aha sindua'annyo. Ku abali'imo na to ale-ale' nu anggur ka' to ale-ale' nu ara da tinimbalimo kuhat; to bina-binatang anu mahangas na mongidei.

HOSEA 2:14

Tumpu notataemo, “Kalana aijo' Aku momboamo ia mamba i padang mateges; ikiijo' mae ia Ku hase'je nu potatae sindua'an.

HOSEA 2:5

Tina nu beleyum masala' ka' madi' monsumbu' ma'ambang. Ia notatae, ‘Aku mamba hi to sindu-sindu'anku anu nombee'imo aku anu okaan ka' anu o inum, hude wol ka', hude lenan, lanya' nu zaitun tiba anggur'.’

HOSEA 8:5

Ku ka'ideki na sapi' mosoni' anu nu sombah nu aha anu jojoong i Samaria. Aku pi nusamo hondo hi aha. Pa' tokaje hi pianna kopinnyo na aha saja' mombusiki butong nu aha kalana monsombahmo pilogot?

HOSEA 8:6

Sapi' mosoni' anu osombah kiijo' i Samaria aijo', anu bibinau nu to mia-mian anu pakawelan i Israel! Aijo' misa' Tumpu, kalana aijo' tionyo ahi' ohansuni!

YOËL 3:3

Aha nombuangmo onde da osumbu' pa' ihe na mongala mian anu binoamo mae aijo'. Aha nompobalukmo to lalangkoyang tiba to oli-olitau da opotimbali botuan. Ka' doinyo nu pake nu aha ikapaluan lewa' masala' ka' lewa monginum anggur.

IMAMAT 26:30

Ku honsuhimo na tampa-tampat pontalakanian nu belemiu aita' i puge'nyo, ka' mohobo'akonmo mezbah-mezbah nu belemiu, tampat pompapuan kamangian, ka' mombahetakonmo to bangke-bangke' nu belemiu, mokiijo' i bapilogotan nu belemiu anu nohobo'mo aijo'. Kalana nongkahumimi'imo,

PO'ULE' INGULIT 23:18

Ka' mule' suele doi anu o humpak nu aha kalana masala' aijo' madi' timbali oboa i laigan nu Tumpu Allah nu belemiu bau pombayan anu i niatakonmo, kalana Tumpu Allah nu belemiu mongka'ideki anu masala' i tampat-tampat ponsomban pilogot ka' tambonyo nu aha anu nasala'mo.

PO'ULE' INGULIT 9:21

Patong sapi' logam na tinutuk, i lumbu'akonku i apu. Lantas i hansunanku ka' inguja'ku sampe nahute susumo abu', ka' abu' aijo' i lumbu'akonku i sepe' anu ko ueenyo mo'ili mae lengkat i bungkutnyo aijo'.

ANU PINOTO'I HI YOHANES 18:3

Kalana iwi-iwi na bansa nonginummo anggur napisu anu binaunyo nasala'. To tomu-tomundo nu dunia nasala'mo tiba ia, ka' to daga-dagang i dunia kinayamo nu napisu anu madi'mo opoko bali'i aijo'.”

ANU PINOTO'I HI YOHANES 18:9

To tomu-tomundo i dunia anu suele nombaumo han masala' aijo' ka' napisu nu boune aijo' mohangije ka' montando'imo kota aijo' de aha montoamo tibuk ko puha-puha lengkat i apu anu montoyo'ije ia.

1 SAMUEL 5:4

Panyo dodododopnyo subu-subu tinoa nu aha na patong aijo' unanabu'mo mule' daha-dahapa i ahop nu Peti' Palajanjian aijo'. Kinopinduannyo aijo' ubak nu patong aijo' tiba limanyo ohu-ohua' nopato'mo ka natitimpasmo i ahop nu sabatannyo; Ola butongnyo nu patong aijo' na daagi sa'a-sa'angu'. (