MIKHA 1:5 - KITAB NU TUMPU ALLA LELE MA'IMAI'

⁵ Iwi-iwi' aijo' saidi' mae jadimo kalana aha mian nu Israel binaladosa'mo ka' saja'mo notomuhuk hi Tumpu. Ihe na nonsaduakonmo aha mian nu Israel sahingga binaladosa'mo? Temisa' Samaria ahi' puso nu kota' Yerusalem?

MIKHA 1:5 Iomraidhean Croise

1 TOMU-TOMUNDO' 11:7

Aita i bungkutnyo sasu kabete'an Yerusalem ia nombaumo bau ponsomban Kamos pilogot nu aha mian Moab, ka' mule' bau ponsomban Molokh pilogot nu aha mian Amon – ohu-ohua' aijo' pilogot anu okabaati.

1 TOMU-TOMUNDO' 13:32

Apaa na anu tinaloakonnyomo aijo' pinalentah nu Tumpu mongkona mezbah kiijo' i Betel ka' iwi-iwi' na tampat ponsomban i to kota-kota nu Samaria memang tionyo jadi.”

1 TOMU-TOMUNDO' 16:24

Panyo' lapas aijo' ia nongolimo sa'angu' na bungkutnyo olinyo 6.000 na doi salaka hi mian sanggonyo i Semer. Lantas ia nombaumo sa'angu' na kota' i bungkutnyo aijo'ka' sinanggohannyo Samaria, pinosanggonyomo hi Semer, tumpunyo u'utu mae nu bungkutnyo aijo'.

2 TAWARIKH 34:3

Salatan 8 taunmo na tinimbali tomundo, tempo'nyo aitu umunnyo ma'isa talalo motu'a, i Yosia nonsombahmo Tumpu Allah anu nusombah i Tomundo Daud mompolee'nyo. Salatan 4 taunmo na ia nompalentah ia nontampu'unimo lewa' nongidei iwi-iwi na tampat anu ponsomban pilogot, iwi-iwi na patong Pilogot boune Asyera ka' mule' tampat bapilogotan sangga'at.

2 TAWARIKH 34:4

Patong ka' bapilogotan haha aijo' ingideanmo nu suludadu i Yosia lantas abu'nyo kinakambuhakonmo nu aha i pinolamunan to mia-mian anu nonsombahkonmo koloban hi to pilo-pilogot haha aijo'. Sinin na mezbah nu Baal ka' mezbah pompapuan kamangian anu daagi' i kiijo' i hobo'akonmo nu aha.

YESAYA 7:9

Israel madi' lebe mahoson molingkudui Samaria puso nu kota'nyo, ka' mule' Samaria madi' lebe mahoson molingkudui i Tomundo' Pekah. De belemiu madi' totu-totu'u palesaya hi beleng-Ku memang belemiu madi'mo moko ala totahan.”

YEREMIA 2:17

Posi beleyumo ahi' na nonsabapi iwi-iwi' na anu jinadimo hi butong nu beleyum kalana tempo'nyo beleyum tinaka'-Kumo na ilumajang beleyum nohikumo mae Aku, Tumpu Allah nu beleyum.

YEREMIA 2:19

Posi palabuatanmo nu beleyum ma'i-ma'idek na nohukum butong nu beleyum, beleyum sinakisamo kalana madi'mo nongala Aku, Tumpu Allah nu beleyum. Aku, Tumpu Allah nu beleyum notataemo; Akumo na Tumpu Allah Anu Matangkas na Kuasanyo ka' Balakuasa hondo.”

YEREMIA 23:13

Dosa' nu to nabi-nabi nu aha Samaria tinoang-Kumo. Aha motatae mompake atas sanggo nu Baal ka' nompotageo'mo pikilan nu Israel, mian anu palesayamo hi beleng-Ku.

YEREMIA 23:14

Panyo mule' ahi' i Yerusalem tinoang-Ku to nabi-nabi nombaumo palabuatan anu lebe ma'idek mule'. Aha binaleko'mo ka' nasala'mo ka' mule' nonsangaja'imo mian anu mombau palabuatan anu ma'idek sahingga madi'mo daagi' ko samian na kahanda' balatobat. Ku anggap na aha iwi-iwi' na'idekmo susumo mian anu jojoong i Sodom tiba i Gomora.”

YEREMIA 4:18

O Yehuda posi beleyumo na nompotoka mae balaa' aijo' hi posi butong nu beleyum. Bau-baunyo nu kantumuu'an nu beleyum tiba palabuatan-palabuatan nu beleyum nonsaduakonmo iwi-iwi' na kansalasala'an aijo' anu nonsusukmo kinyonyoa nu beleyum.

YEREMIA 5:25

Panyo dosa'mo nu belemiu haha atina' na nonsaduakon sahingga apaa na anu ma'ima' madi'mo ilasa nu belemiu.

YEREMIA 6:19

Palahatikan o dunia! Mian anu palesayamo hi beleng-Ku madi' mongka'oho pangajalan-Ku mae na balaa' hi aha.

MOHAANGI 5:16

Katalasanggoan mami madi'mo daagi kami binalaa'mo kalana binaladosa'mo.

YEHEZKIEL 16:46

Utus tu'a nu beleyum atina'mo Samaria isasu utara tibamo kampungnyo anu toto ise-ise'. Ka' utus ise nu beleyum atina'mo Sodom isasu salatan tibamo kampungnyo anu toto ise-ise'.

HOSEA 7:1

Tumpu notatae, “De Aku kahanda'mo mompa alin mian-Ku Israel anu palesayamo ka' po ule'mo mompokopiani kalakuan nu aha, panyo anu Ku toa ola ka'idekan tiba dosa' nu aha. Aha mompaha bale-baleko'i, aha mompinsoopi laigan nu mian ka' mombulingi, ka'aha mongagoi anu nu mian i jalan-jalan.

AMOS 6:1

Silakamo na belemiu anu tumuu' ima-ima' i Sion, ka' belemiu anu mongoa'i sanang i Samaria, belemiu o to tua'a-tu'anyo nu mian da'isan nu bansa Israel anu talalo oholomati, belemiu anu biasa pomoitan tulung nu mian.

AMOS 7:9

Iwi-iwi' na tampat anu pinake nu tulunan i Ishak binau pogalejaan ohansunimo. Iwi-iwi' na tampat anu susi' nu mian Israel oideimo. Kuhopu'imo na tulunan i Tomundo Yerobeam.”

AMOS 8:14

To mia-mian anu basumpa' tiba sanggo nu pilogot Samaria ka' notatae, ‘Tiba sanggo nu pilogot bansa Dan’, kabai ‘Tiba sanggo nu Pilogot Bersyeba’ – tombahangkangmo ka' madi'mo daagi' mobula.”

MIKHA 1:13

Belemiu mian anu jojoong i Lakhis pokonamo na ajahan i kareta anu opake mahampate! Belemiu nontihomo dosa' iwi-iwi' anu bibinaumo nu aha mian kiijo' i Israel sahingga nonsaduakonmo Yerusalem suele binaladosa'mo.