MIKHA 1:2 - KITAB NU TUMPU ALLA LELE MA'IMAI'

² Potombihing mae o bansa-bansa! Opalahatikan belemiu mian anu jojoong i songko-songko na dunia! Tumpu Anu Matangkas na kuasanyo tokamo mae susumo sakisi mongahopimo belemiu iwi-iwi'! Potombihing na Ia motataemo lengkat mae i Laigan-Nyo anu susi' kiita i suluga'.

MIKHA 1:2 Iomraidhean Croise

1 TOMU-TOMUNDO' 22:28

I Mikha notatae, “De belento Tomundo' minsusule'mo mae ma'i-ma'ima', nyata' taalu' Tumpu memang madi' nompoto'i mae susumo anu pinoto'ingkumo! Iwi-iwi' na anu sinihuk i aiya timbalimo sakisi.”

2 TAWARIKH 18:27

Notatae na i Mikha, “De belento Tomundo minsusule' mae ima-ima', yo sangadinyo Tumpu madi' nompoto'i mae hi belengku, susumo anu pinoto'ingkumo. Iwi-iwi' na mian anu i aiya na jadi sakisi.”

MAZMUR 11:4

Tumpu kiita' mae i Laigan-Nyo anu susi' hondo, kasuhangan-Nyo kiita' mae i suluga'. Ia lewa' mompotomatakon mian ka' monsumbu' iwi-iwi' apaa na anu nubau nu aha.

MAZMUR 24:1

Mazmur i Daud. Tano' aiya ka' isinyo iwi-iwi' anu nu Tumpu, dunia aiya ka' iwi-iwi' na anu jojoong i unonyo.

MAZMUR 28:2

Potombihingakon mae na anu ku kakase aiya de aku moloboo'mo momoita tulung ka' mohangkatmo limangku sasu mokiijo' i Laigan nu Belento anu susi'.

MAZMUR 50:1

Mazmur i Asaf. O Tumpu, Tumpu Anu Balakuasa hondo, notataemo; Ia nompoto'imo hi songko-songko na dunia lengkat pe'e mae ikabete'an sampe tinoka toka i sasu kinsoban.

MAZMUR 50:12

De maluanyo Aku mo ohop, madi' pilenje ku poto'i hi belemiu kalana apaa na anu i unonyo nu dunia Aku mule' ahi' na tumpu-Nyo.

MAZMUR 50:7

“Potombihingakon mae, o mian anu palesayamo hi Beleng-Ku, Aku mongka'oho'mo motatae, O Israel, Aku mongka'oho'mo timbali sakisi mongkona belemiu; Aku aiya Tumpu, Tumpu nu belemiu.

AMSAL 8:4

“O belemiu mian aku motatae hi belemiu; batu-batu mian anu idunia, opalahatikan na potataengku!

YESAYA 1:2

Potombihing pe'e mae langit, palahatikan pe'e mae tano'! Tumpu notatae, “To ana-anak anu kinale sangkumo notomuhukmo hi beleng-Ku.

YESAYA 18:3

O, belemiu iwi-iwi' anu monjojoongi dunia aiya! Soba palahatikan de bandela' opotinjo' ito bungku-bungkutnyo! Soba potombihing de tolompet opo'onyi'mo!

YESAYA 50:7

Kalana Tumpu montulungimo mae aku, sahingga aku madi'mo ahi' opopo'ambang. Aku nompohosonmo kinyonyoangku da sabaan ahi'; ku sumbu' saba' aku na madi' ahi' opopo'ambang.

YEREMIA 22:29

Paya' na lipu'ku, potombihing mae apaa na anu pinoto'imo nu Tumpu,

YEREMIA 29:23

Sumo aijo'mo na uki' nu aha kalana nombaumo dosa' toto daka-daka' hi aha Israel: aha nasala'mo, ka' nompakemo sanggo nu Tumpu na monsisik hahan anu madi' totu'u. Han aijo' madi' sosok tiba tanga'an nu Tumpu. Nu sumbu' apaa na anu nu bau nu aha, ka' posi iamo ahi' na jadi sakisi mongewa aha. Tumpu notataemo.”

YEREMIA 42:5

Aha notataemo mae hi belengku, “Opoita mami da kita Tuuma balado'amo hi Tumpu Allah-nto, kalana kami montulutimo Ia, da kantumuu'an mami jadimo ma'ima'. Jadi, ma'ima' kabai ma'idek na anu nu poto'i nu Tumpu aijo', otulutimo mami. Tumpumo ahi' na timbali sakisi anu madi' tageo' ka' madi' mongkolilimi mae kami de maluanyo kami madi' montuluti iwi-iwi' na palentah anu binee'mo nu Tumpu hi kami nunu poto'i mae nu belento Tuuma.”

YEREMIA 6:19

Palahatikan o dunia! Mian anu palesayamo hi beleng-Ku madi' mongka'oho pangajalan-Ku mae na balaa' hi aha.

YUNUS 2:8

To mia-mian anu monsombah pilogot anu madi' ko gunanyo nompala'imo Belento ka' madi'mo daagi nontuluti Belento.

HABAKUK 2:20

Tumpu kiijo' i uno nu Laigan-Nyo anu susi'; tionyo ahi' iwi-iwi' na mian i dunia aiya boli manjoo' na katalangan i ahop-Nyo.

MALEAKHI 2:14

Belemiu nompokilawamo kadaka' Ia madi'mo nontalima. Kalana sinumbu'mo nu Tumpu na belemiu madi' mompalakai ima-ima' boune anu inika'anmo nu belemiu daagi tempo'nyo olitau na belemiu. Boune aijo' sangalu nu belemiu i uno nu kantumuu'nu belemiu, panyo belemiu nongkabisa'imo ia, maumo ahi' ia aijo' i ahop nu Tumpu jinanji'mo nu belemiu sabole-bole ahi' tataap montuluti Ia.

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

PO'ULE' INGULIT 32:1

“Potombihing mae langit, aku kahanda'mo motatae; o tano' potombihing mae.

ANU PINOTO'I HI YOHANES 2:11

Ihe na mohongo, tionyo ahi' mompalahatikan apaa na anu tinaloakon nu Roh nu Tumpu toka hi to jama-jama'at! Aha anu inguntungmo i uno nu kasabalan madi'mo sahondo-hondonyo mongoa'i kasansala'an apa-apaa nu kapatean anu kopinduannyo.”

ANU PINOTO'I HI YOHANES 2:17

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at! Aha anu inguntungmo i uno nu kasabalan, Ku pobee'je na mongkaan manna anu ma'isa nusumbu' nu aha, ka' toto samian mohumpakje hi beleng-Ku sambatu na batu mopute'. I batu aijo' tinulis sa'angu' na sanggo anu sala'je, anu madi' nu sumbu' nu mian mau pe'e pa' ihe, de misa' mian anu memang mohumpak.”

ANU PINOTO'I HI YOHANES 2:29

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at!”

ANU PINOTO'I HI YOHANES 2:7

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu hi to jama-jama'at! Aha anu noko alamo sinabaan ka' nontahan soba'an, Ku pobee'je mongkaan bua' nu kau' kantumuu'an anu tinumuu' i Kalaja'an Suluga' nu Tumpu.”

ANU PINOTO'I HI YOHANES 3:13

De ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at!”

ANU PINOTO'I HI YOHANES 3:22

De ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at!”

ANU PINOTO'I HI YOHANES 3:6

De ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at!”

TO MIA-MIAN KOPIAN 11:10

Tinaaman nu aha, “Kami mongka'oho'mo. Tumpu na timbali sakisi.”