MIKHA 1:11 - KITAB NU TUMPU ALLA LELE MA'IMAI'

¹¹ Belemiu mian anu jojoong i Safir, lako'mo i tampat pomboan ka' pompojoongan bolimo pilenje mibaju' ka' pa'ambangmo! Aha mian nu Zaanan madi'mo baani na mosabat lengkat i kota' nu aha. Kihis nu mian anu jojoong i Bet-Haezel momposumbu' hi belemiu saba' ikiijo' mae madi'mo ko anu montulungi.

MIKHA 1:11 Iomraidhean Croise

YESAYA 16:2

Aha to mia-mian nu Moab nontanda'imo isonibi nu Kaunyo Arnon ka' lewa'mo nahalajangan kalana biningongmo sumomo tomonsi' anu sinieanmo aijo' i petaanyo.

YESAYA 20:4

Tomundo' nu Asyur saidi' mae mohakopmo to mia-mian anu hi ohua' na lipu' aijo' ka' aha oboamo langgo-langgo na lumajang. Anu motu'amo kabai anu ma'isa motu'a iwi-iwi' lumajang madi' mompusok baju ka' sapatu suele madi' mompusok jadi ahop nu aha kinantoaanmo salaku bau pongambangi aha Mesir.

YEREMIA 13:22

Ugat opokilawamo nu belemiu kadaka' iwi-iwi aijo' nongkonamo mae butong nu belemiu, kadaka' baju' nu belemiu bineakmo ka' belemiu pinakisamo na nompatiduhusi. Da osumbu' nu belemiu saba' aijo' jinadimo kalana dosa' nu belemiu dinaka'mo hondo.

YEREMIA 48:6

Koonyo nu aha, ‘Lia-lia'! Posalamat na nyawa nu beleyum! Popadeka'mo susumo keledai anu ma'ela' itampat anu mateges!’

YEREMIA 48:9

Pokonaimo paliasa' na kota' Moab, kalana madi'mo daagi' pin na lipu' aijo' hansunmo ingko-ingkot. Sinin na kota'nyo singkapmo mohobo' ka' madi'mo daagi' kosamian na jojoong ikiijo'.”

YEHEZKIEL 16:37

Kalana aijo' anu toho'mo nonsinta beleyum, iwi-iwi' Ku posihukmo, mau anu nu ka'ima'i nu beleyum mau anu nu ka'ideki nu beleyum. Aha tuminjoje saidi' mae montikubi beleyum ka' mongukatakonmo iwi-iwi' baju' nu beleyum sahingga timbalimo nu toa nu aha songko-songko na butong nu beleyum anu ilanggo'mo atina.

YEHEZKIEL 23:29

Kalana aha nongka'idekimo beleyum, sahingga iwi-iwi' na lawe nu beleyum nu agoimo nu aha. Beleyum opala'imo langgo-langgo' madi'mo daagi' ko hude i butong nu beleyum salaku mian anu saja' masala' ka' sola'mo nu toa nu mian da'isan. Napisu taha-tahahu majota hi mo'ane ka' sola' masala' na beleyum

MIKHA 1:8

Kalana aijo' aku, i Mikha nolibosmo na kinyonyoa ka' nompele-pele'mo. Aku i lumajangmo langgo-langgo' ka' madi'mo ni sapatu da pompotoa talalomo hondo nolibos na kinyonyoangku. Aku nolohu'mo susumo dedeng nu alas ka' nolokekmo susumo tominsi' unta.

NAHUM 3:5

Tumpu Anu Daka' na Kuasanyo notataemo, “O Ninewe, beleyum Ku silakaimo! Baju' nu beleyum Ku ukatakonmo i ahop nu to bansa-bansa, sahingga node nu beleyum nu toamo nu aha.

ZAKHARIA 14:5

Belemiu mopalaije mamba motulu i bangka'nyo anu nobagimo ohua' na puge'nyo titinimbalimo ohua'. Belemiu mopalaije susumo mompolee' nu belemiu kikinolulu'mo tempo'nyo kapalentahan i Uzia, tomundo' nu Yehuda. Lantas tokamo na Tumpungku nutuntuni mae nu malaekat iwi-iwi'.

YOSUA 15:37

Ka' suele sampulu' ka' anom na kota aiya tibamo kampu-kampung anu kiijo' i da'erahnyo: Zenan, Hadasa, Migdal-Gad, Dilean, Mizpa, Yokteel, Lakhis, Bozkat, Eglon, Khabon, Lahmas, Khitlis, Gederot, Bet-Dagon, Naama tiba Makeda.