MIKHA 1:10 - KITAB NU TUMPU ALLA LELE MA'IMAI'

¹⁰ Boli mompoto'i hi aha sampobali'to anu kiijo' mae i Gat mongkona anu jinadimo mae hi kita. Boli mompojohok aha montoa mae belemiu humangmo. O mian anu jojoong i Bet-le-Afe, pingkaliade'mo atina' i abu' salatan madi'mo ko anu otaha'imani apa-apaa!

MIKHA 1:10 Iomraidhean Croise

2 SAMUEL 1:20

O'amalakon da mian nu aha Gat boli nohongo mae lele haha aijo'. O'amalakon da jalan toto ise-ise' kiijo' i Askelon madi' nohumpak lele aijo'. Dumo boune nu aha Filistin lewa'mo bilahi, dumo boune nu aha mian halipulu talalomo mongaisakon kalame'an.

AYUB 2:8

Lantas i Ayub sinumuhangmo koko tambulan nu duhehe ka' nongalamo kubeng nu lean bau lewa' pongkahutnyo butongnyo.

YEREMIA 6:26

Tumpu notataemo hi mian anu palesayamo hi Ia, “Pusokmo na hude kalung ka' pingkaliade'mo i uno nu abu'. Oa'imo na kasusa'an ka' hangimo tala-talalo susa' susumo mian mohangi kalana ko anumo sinilaka na anaknyo anu tumpenyo, kalana anu mompatei montumbuhimo mae belemiu nu potolokengkeng mae.”

MOHAANGI 3:29

Sahanyo kita mompoduku butong ka' boli mombau apa-apaa. Kalana ugaat daagi' ko anu otaha'imani.

AMOS 5:13

Kalana kalakuan nu belemiu aijo', sahingga to mia-mian anu pande mongoa'i lebe ma'ima' ola momohokot i tempo' anu ma'idek susumo aijo'.

AMOS 6:10

Samian na anu i laigan anu mokalaja mongatun kubulannyo, tokamo mae momboa mayat nu sangalunyo. Ia noloboo'imo mian aitu mae i sasu padut nu laigan aijo', “Pa' daagi' ko anu tinumuu' sambiha'nyo na beleyum?” Saba' o hongomo na pontaami mae “Madi'mo!” Samian na anu i laigan anu mokalaja molamun mayat notatae, “Bolimo daagi' motatae! Kita bolimo monsanggo, sanggo nu Tumpu.”