MAZMUR 99:1 - KITAB NU TUMPU ALLA LELE MA'IMAI'

¹ Tumpu aijo'mo na Tomundo'; to bansa-bansa langkakatan. Ia sumuhang aita' i to mala-malaekat, dunia gayu'an.

MAZMUR 99:1 Iomraidhean Croise

2 SAMUEL 6:2

Aha binoanyomo i Baale-Yehuda da mongala mae kiijo' Peti Palajanjian anu osa-osanggohi Tumpu Daka' hondo na kuasanyo anu naninsuhang aita hi to mala-malaikat.

1 TAWARIKH 16:30

Langkakatan i ahop-Nyo, o dunia songko-songko! Tano' mahoson madi' opoko ala ogegut.

MAZMUR 18:10

Langit biniha'-Nyomo lantas nintatau'mo mae na Ia kundom anu pinikatmo na akaong i aluk nu tengke-Nyo. Nontau'akon Ia.

MAZMUR 2:6

Ia notatae, “Kiita' mae i Sion puge'Nyo anu susi' aijo' anung-Ku i hangkatkumo na tomundo' anu pinile'an-Kumo.”

MAZMUR 80:1

Anu mongkapalai panyanyi. Ingala i lagu nu nyanyian: Bunga Bakung. Mazmur mongkona han anu sinakisianmo i Asaf.

MAZMUR 80:2

O, Polaya' nu Israel, potombihingakon mae, Belento na nolaya'mo lee' i Yusuf susumo potu'on, sanggombu. Belento na anu sinumuhangmo aita' i malaekat, tinokamo mae, na'ima'mo hondo na tinoa, hi ahop i Efraim, Benyamin tiba hi Manasye.

MAZMUR 82:5

Belemiu madi' ko anu opisumbu-sumbu', ponga' ka' sala' na bapikin, kalana belemiu, sahingga atulan nu kantumuu'an nu mian da'isan tinabuntala'mo.

MAZMUR 93:1

Tumpu aijo'mo na tomundo'; Ia mompusok baju' anu bau katalasanggoan ka' mule' bau kahosonan. Dunia nanintinjomo hoso-hoson madi' mingkokohenggo.

MAZMUR 96:10

Polelemo hi to bansa-bansa, “Tumpu aijo' Tomundo! Dunia mahoson madi' opoko ala ogayu'; Ia momputusi hukuman nu to bansa-bansa adin hondo.”

MAZMUR 96:9

Osombah na Tumpu, mompusok baju' anu opake de monsombah mo Ia! Langkakatanmo i ahop-Nyo, o dunia songko-songko!

MAZMUR 97:1

Tumpu aijo'mo na Tomundo'! Dunia tionyo ahi' balame-lame'mo ka' iwi-iwi' na togong suele ahi' balame-lame'mo.

MAZMUR 97:4

Kilatnyo nonjingkaimo dunia, dunia ilakatnyomo na nontoa.

NOSABATMO 25:22

I tampat aijo' na kasingkabotan-Ku tiba beleyum, ka' aita' mae i kolopnyo i olot nu ohua' na anu sumo malaekat aijo', beleyum Ku bee'ije to atu-atulan-Ku da opake hi bansa Israel.”

YESAYA 19:14

Tumpumo na nombau aha da jinadi mian anu lewa' mompokinde'i ola-ola mompobingung mule'. Ahennyo mae Mesir sinala'mo iwi-iwi' ka' tinombabihing mo susumo mian anu nalangumo ka' tinongkelejutmo kalana ilenda'mo nu lua'annyo.

YEREMIA 4:24

Tinoangku na bungkutnyo tiba puge'nyo anu toto tangka-tangkas talalomo ahi' na ginayu'an.

YEREMIA 49:21

De maluanyo Edom matundu'mo na kahengge'an anu daka' hondo sahingga songko-songko na dunia kalangkabutmo; tando' nu mian anu jojoong ikiijo' kahongoanmo toka-toka i Ambai Gelaga.

YEREMIA 5:22

Aku na Tumpu; kadaka' belemiu madi'mo nongkabuhuk Aku? Sabenannyo belemiu tionyo ahi' langkakatan mae hi beleng-Ku! Aku na nompotimbali sonibi nu ambai binau potempasan nu ambai anu madi' nu poko ala nu tului sampe toka sidu-sidutu'. Ambai timbali mokokembong ka' bokon timbali mangamu', panyo madi' moko ala moliu-liu potempasan aijo.

YEREMIA 50:46

De maluanyo Babel opatundu'mo, ohongomo na anu hengge anu tahahumo hondo sahingga songko-songko na dunia tolokengkengmo ka' mabuhukmo; tando' nu to mia-mian anu jojoong ikiijo' kahongoanmo hi to bansa-bansa sangga'at.”

YEHEZKIEL 43:7

“O manusia anu madi' tumuu' batu, aiyamo na kajojoongan-Ku. Aiyamo na tampat kajojoongan-Ku itotonga' nu aha mian Israel ka' mompalentahmo aha sampe toka sidu-sidutu'. Maumo aha kabai to tomu-tomundo' nu aha, madi'mo daagi' mohumimi'i sanggong-Ku anu susi', nu saduakon nu aha monsombahmo pilogot kabai kalana mongkolobanakonmo bangke' nu to tomu-tomundo' nu aha itampat aiya.

LUKAS 19:12

I Yesus notatae, “Daagi' ko samian lee' nu mian daka' anu namba i lipu' majo'on da o hangkat timbali tomundo, lapas aijo' ninsusule'mo mae.

LUKAS 19:14

Panyo tumpu nu lipu' aijo' mongka'ideki ia. Jadi, salatan ia i nambamo, aha nonsaimo bobotokon da mompoto'i, ‘Kami madi' mongka'oho' mian aiya timbali tomundo mami.’

LUKAS 19:27

Ka' uuka boamo mae na sampo bali'ku haha atina' anu madi' mongka'oho' aku timbali tomundo'nyo. Pateimo na aha iwi-iwi' aiya i ahopku!’ ”

FILIPI 2:12

Mokonyo aijo', to Utu-utus anu okanonongi, susumo komiu saja' montuluti aku tempo'nyo aku daagi' itina' hi komiu, saba' lebe-lebe mule' uuka aiya tempo'nyo to majo'onanmo, tionyo ahi' komiu tataap montuluti aku. Komiu pinosalamatmo nu Tumpu Allah, jadi saja' ahi' o usahakon da kabilahian miu mompaka pa'ima'. Obau na aijo' bau pongadati ka' tulu-tulutan hi Tumpu,

ANU PINOTO'I HI YOHANES 11:17

Aha notatae, “Tumpu, Tumpu Anu Matangkas na kuasanyo, anu daagi'mo, ka' anu polo-polo'mo daagi'! Kami montalima kase hi Kita kalana Kita nompakemo kuasa-nTo anu daka', ka' nontampu'unimo mompalentah!

ANU PINOTO'I HI YOHANES 20:11

Lapas aijo', aku nontoamo sa'angu' na kasuhangan mopute' ka' daka', ka' Ia anu sinumuhang aita'. Langit ka' tano' i madi'mo ko anu i ahop-Nyo, sahingga madi'mo daagi' tinoa.

ANU PINOTO'I HI YOHANES 6:14

Langit madi'mo tinoa sumomo kalatas anu i lulunmo, ka' iwi-iwi' na bungkutnyo ka' togong ilalinmo nompala'imo tampatnyo.