MAZMUR 82:3 - KITAB NU TUMPU ALLA LELE MA'IMAI'

³ Tinjohi na anak anu unon, anu madi'mo ko tuumanyo ka' tinanyo ka' mian anu madi'mo mahoson, bee'i ka'adilan na mian kasiasi ka' anu sansala na kantumuu'annyo.

MAZMUR 82:3 Iomraidhean Croise

AYUB 29:12

Kalana, ku tulungi na mian kasiasi anu momoita tulung; ku tulungi na anak anu madi'mo ko tuumanyo ka' tinanyo anu madi'mo ko anu mompalakai.

AYUB 31:21

De bisuannyo aku toho'mo nonsansalai anak anu madi'mo ko tuumanyo ka' tinanyo, kalana da aku untung i palakalangku,

MAZMUR 10:18

Anak anu madi'mo ko tuumanyo ka' tinanyo ka' mian anu binee'anmo kasansala'an, ti ninjohanmo nu Belento na palakalanyo, da madi'mo ko mian anu sola' monggala-gala aha.

NOSABATMO 23:3

De mongulus palakala nu mian boli obeda-bedakon maumo anu o'ulus aijo' mian anu kasiasi.

NOSABATMO 23:6

O'ulus na mian misikin adi-adin de ia toka mongkalak palakalanyo hi mian kopian.

AMSAL 31:9

Sangaja'iakon na aha, ka' jadimo mian kopian anu adin. Jagaiakon na hak nu mian anu kasiasi ka' mian anu pinosansalamo.”

YESAYA 1:17

o'ajan na mombau ka'ima'an. O toongi dodo-dodo na ka'adinan ka' boli obau na mongkabisa'i; bee'akon na hak nu aha anak anu madi'mo kotuumanyo ka'tinanyo ka'otinjohi na palakala nu anu balumo.”

YESAYA 1:23

To pola-polaya' nu belemiu la lewa' motomuhuk ka' lewa' mombulingakon obee' hi mian; aha mongka'ima'i mongala palasen, ka' doi anu pontamboi nu mian. Aha madi' mongka'oho' montinjohi anu madi'mo ko tuumanyo ka' tinanyo iulusan nu aha mian kopian; ka' mule' madi' mongka oho' kabalatan nu tobalu-balu.

YEREMIA 22:3

“Tionyo ahi' adin ka' hodi' na kinyonyoa. Pobebasmo na mian anu me saja' o ala na tenaganyo nu aha anu balakuasa anu saja' mongala tenaga nu mian. Boli mombee'i kasansala'an kabai mombau anu ma'idek hi aha mian anu isalipu'an mae, hi aha anak anu madi'mo ko tinanyo ka' tuumanyo, kabai hi aha anu binalumo. Boli mompatei mian anu madi' ko sala'nyo itampat aiya.

YEREMIA 5:28

Ka' nolompo'mo ka' sinanangmo na kantumuu'an nu aha. Palabuatan nu aha anu ma'idek madi'mo ko batasnyo. Aha madi'mo kino ka adinan i uno nu palakala mongulus to ana-anak anu madi'mo ko tuumanyo tiba tinanyo, ka' madi' mompototu'uakon hak nu to mia-mian anu saja'mo osuka-sukai na mompalentah.

ZAKHARIA 7:9

“Pa' sangkuka na taun anu ihikuhakonmo binee'-Kumo na palentah haha aiya hi mian anu palesayamo hi belengku, ‘Belemiu tionyo ahi' saja' adin, ka' mongkalibosi mian, ka' mule' manonong hi sangko manusia.

PO'ULE' INGULIT 10:18

Ia mongala-alapakon hak nu anak anu madi' ko tuumanyo ka' tinanyo, ka' to balu-balu da adin na mongulus palakala nu aha; Nu kalibosi na mian anu lengkat mae i salipu'an anu mo'imboa hingga-hinggat bansanto ka' mombee'i aha anu okaan ka' anu opake.

PO'ULE' INGULIT 24:17

Boli mongagoi hak nu mian anu lengkat mae i salipu'an ka' anak anu madi'mo ko tuuma ka' tinanyo, ka' boli mongala baju' nu mian anu binalumo bau ponggadei.

YAKOBUS 1:27

Tulu-tulutan i agama anu obau sahondo-hondonyo ka' madi' ko sala'nyo, susumo koonyo nu Tumpu Tuumanto aijo'mo: montulungi to ana-anak anu unon madi'mo ko tina ka' tuumanyo, ka' to balu-balu anu sinusa'mo, ka' mombala'ingati butong da boli nu idei nu dunia aiya.