MAZMUR 81:8 - KITAB NU TUMPU ALLA LELE MA'IMAI'

⁸ Tempo'nyo belemiu sinusa'mo, belemiu notataemo mae nongkakase, sahingga aku nomposalamatmo belemiu. I uno nu gohung pipinaninsulukanku tinaamankumo mae na belemiu, inguji'kumo na belemiu i mata nu uee Meriba.

MAZMUR 81:8 Iomraidhean Croise

MAZMUR 50:7

“Potombihingakon mae, o mian anu palesayamo hi Beleng-Ku, Aku mongka'oho'mo motatae, O Israel, Aku mongka'oho'mo timbali sakisi mongkona belemiu; Aku aiya Tumpu, Tumpu nu belemiu.

MAZMUR 81:13

Kalana aijo' pinojoho-Kumo na aha da pinanggagamo, bakasmo na aha da mombatukimo posi pongka'oho' nu aha.

NOSABATMO 15:26

Tumpu nompoto'imo, “Tuluti na Aku totu-totu'u, ka' obau apaa na anu koong-Ku ma'ima', obau na aijo', tuluti iwi-iwi' na palentah-ngKu. De aijo' obau nu belemiu, belemiu madi' Ku hukum nu to panya-panyakit anu Ku pokona hi mian nu Mesir. Akumo na Tumpu anu nompo'alinmo belemiu.”

NOSABATMO 17:7

Tampat aijo' sinanggohanmo Masa kalana i tampat aijo' aha mian nu Israel nonsobaimo Tumpu tempo'nyo aha nompokilawa, “Pa' Tumpu monsangalui mae kita kabai madi'?” Tampat aijo' sinanggohanmo suele Meriba kalana i tampat aijo' aha mian nu Israel nososonmo.

NOSABATMO 19:16

I sinaa kino itolunnyomo daagi' subu, kino gohungmo ka' kilat. Kundom anu butolu hondo tinoamo aita' i bungkutnyo ka' i hongomo na onyi'nyo nu tolompet anu ma'onyi' hondo. Iwi-iwi' na mian kiijo' i kemah i lakatnyomo ka' nabuhukmo hondo.

YESAYA 1:19

De belemiu kahanda' ahi' tulu-tulutan hi beleng-Ku, belemiu timbali mongoa'i iwi-iwi' anu ma'ima' anu nu hasinakon nu lipu' nu belemiu.

NOMBILANGMO 20:13

Aijo'mo na bulakan nu uee Meriba. I tampat aijo' aha mian nu Israel lewa'mo nososon hi Tumpu ka' ikiijo' suele na Tumpu nompotoamo kuasa-Nyo anu susi' hi bansa aijo'.

YOHANES 3:11

Palesayamo: kami monsisik ola apaa na anu osumbu' mami, ka' kami timbali sakisi ola apaa na anu tinoamo mami; panyo komiu madi' mongka'oho' montalima anu sinakisian mami.

SISIKON NU TO RASUL-RASUL 20:21

Mau hi to mia-mian Yahudi kabai hi to mia-mian bansa sangga'at aku saja' mompokinde'i da aha bolimo mombau to dosa-dosa' nu aha ka' tokamo hi Tumpu, tiba palesaya hi Tumpu Yesus.

PO'ULE' INGULIT 32:46

i Musa notataemo, “Palahatikan na palentah iwi-iwi' anu binee'kumo hi belemiu sinaa aiya. Opotingan hi to ana-anak nu belemiu, da aha sabole-bole mombau iwi-iwi' na atulan nu Tumpu.

PO'ULE' INGULIT 5:27

Kalana aijo' lako'mo Musa, ka' hongo mae iwi-iwi' apaa na anu nu poto'i nu Tumpu Allah-nto lantas poto'i mae hi kami apaa na anu Nu poto'i hi beleyum. Kami mohongoje ka' tulu-tulutanmo.’

1 YOHANES 5:9

Kita palesaya hi anu sinakisianmo nu mian, panyo anu sinakisianmo nu Tumpu na lebe totu'u. Ka' aijo'mo na anu sinakisianmo nu Tumpu mongkona Anak-Nyo.