MAZMUR 81:12 - KITAB NU TUMPU ALLA LELE MA'IMAI'

¹² Panyo mian anu palesayamo hi belengku, madi'mo mohongo-hongo aku. Israel madi'mo tinulu-tulutan hi belengku.

MAZMUR 81:12 Iomraidhean Croise

KAJADIAN 6:3

Sahingga notataemo na Tumpu, “Aku madi'mo situju manusia tumuu' sampe toka sidu-sidutu'; aha anu ko nyawanyo madi'mo tumuu' sampe toka sidu-sidutu', aha tionyo ahi' silaka. Otampu'uni uuka aiya umun nu aha madi'mo molabii 120 na taun.”

2 TOMU-TOMUNDO' 18:12

Samaria pinatundu'mo kalana mian nu Israel madi'mo nontuluti Tumpu, Tumpu Allah nu aha. Aha madi'mo montapali apaa na anu jinanji'mo nu Tumpu hi aha, ka' aha madi'mo nombau apaa na anu pinalentahkonmo i Musa posaihon nu Tumpu aijo' Madi'mo aha mongka'oho' mohongo-hongo ka' madi'mo kahanda' montuluti.

NEHEMIA 9:16

Panyo mompolee' mami nindaka-daka'mo ka' mule' pinanggagamo; iwi-iwi' na palentah nu Belento madi'mo pinajulian nu aha.

AYUB 8:4

Ihe na monsumbu' ugaat to ana-anak nu beleyum binaladosa'mo hi ia, jadi konanyomo ahi' na aha nohumpak hukuman hi Ia.

NOSABATMO 11:9

Tumpu notataemo hi Musa, “I tomundo madi' mompajuli potatae nu beleyum, da Aku mombau lebe manjoo' na anu okabangangi hi songko-songko na Mesir.”

YESAYA 30:1

Tumpu notatae, “Silakamo na to pola-polaya' nu aha Yehuda kalana aha notomuhukmo mae hi beleng-Ku. Aha nontulutimo tanga'an-tanga'an anu misa' tanga'an-Ku. Aha nontandatanganimo palajanjian anu madi' sosok tiba pongka'oho'-Ku. Sahingga tinumalatambunmo na dosa' nu aha.

YESAYA 30:9

Kalana, aha aijo' sa'angu' na bansa anu saja' mongka'oho' motomuhuk hi Tumpu, saja' baleko', ka' madi' mongka'oho' mompotombihing pangajalan nu Tumpu.

YESAYA 42:24

Ihe na nombee'mo Israel da pinahuhuakon? Temisa' Tumpu ahi'? Hi Iamo na kita binaladosa'mo, kita madi'mo tinumuu' nombatuki palentah-Nyo, ka' madi'mo nontuluti pangajalan-Nyo.

YEREMIA 42:21

Uuka aiya pinoto'ingkumo na potuunon nu Tumpu Allah-nto hi belemiu, panyo belemiu madi' ahi' nontuluti potuunon aijo'.

YEREMIA 7:24

Panyo aha madi' mongka'oho' mohongo ka' mule' madi' mongka'oho' mompalahatikan. Aha ola mule' ahi' montuluti pongka'oho' nu kinyonyoa nu aha anu bangilan hondo ka' ma'idek hondo aijo'. Aha misa' da tinimbalimo na ima' panyo ola mule' ahi'da lebe na idek.

YEHEZKIEL 20:8

Panyo aha madi' montuluti Aku ka' madi' mongka'oho' mohongo Aku. Aha madi' mongka'oho' mongalin iwi-iwi na patong nu aha anu okahegati aijo' ka' mule' madi' ahi mongka'oho' belenti na monsombah pilogot haha aijo' anu lengkat mae i Mesir. Tempo'nyo aha daagi' kiijo' mae, Aku sabenannyo mompotudunmo ahi' tambuha'-Ku hi aha.

HOSEA 9:17

Tumpu anu kuku bau na anu nu pokauhakon aijo', madi'mo daagi montalima mian-Nyo anu palesayamo hi Ia, kalana aha madi'mo mongka'oho' montuluti Ia. Aha solidi' mae memo saja' mamba momoya hi to bansa-bansa sangga'at.

IMAMAT 26:14

Tumpu notataemo, “De belemiu madi' mohongo-hongo Aku ka' madi' mombau anu Ku palentahkon,

SISIKON NU TO RASUL-RASUL 14:16

Tempo'nyo naipuan mae Tumpu nompojohokmo to bansa-bansa tumuu' mombatuki posi pongka'oho' nu aha.

SISIKON NU TO RASUL-RASUL 7:42

Sahingga Tumpu nompala'imo aha ka' nompojohokmo aha monsombah to manda-mandala' i langit. Aijo' pokakanamo tiba apaa na anu tinulis i uno nu kitab nu to nabi-nabi. Sumo uuka, ‘O to mia-mian nu Israel! Misa'mo bau baging-Ku komiu mongkolot ka' mongkulubanakon binatang pinatompulu' na taun na kopinnyo i padang bone'.

ROMA 1:24

Mokonyo aitu Tumpu nompojohokmo aha nukuasai nu anu okamilui nu kinyonyoa nu aha da mombau anu mahenyu, sahingga aha mombau anu to ide-idek kona hi sangko mian.

1 SAMUEL 8:19

Panyo bansa Israel haha aijo' madi'mo mongka'oho mompajuli potatae i Samuel, ola mule' ahi' aha notatae, “Bakasmo! Maumo pa' mosia kami mongkahanda'imo tomundo'.