MAZMUR 70:3 - KITAB NU TUMPU ALLA LELE MA'IMAI'

³ Bakas da mian anu kahanda'mo mae, monsilakai aku opatundu'mo ka' mopalaimo sahingga madi'mo nusumbu-sumbu' na popalaiannyo. Bakas da mian anu nohagaimo mae aku anu nohumpakmo kasusa'an sumo aiya opatundu'mo ka' opopo'ambangmo.

MAZMUR 70:3 Iomraidhean Croise

MAZMUR 35:21

Aha sola' moloboo' mae hi belengku ka' motatae koonyo nu aha, aha nontoamo palabuatanku.

MAZMUR 35:25

Boli opojohok na aha motatae i uno nu kinyonyoa “Talimakaseh kita nompomingkotmo nyawanyo. Apaa na anu kinahanda'anto tinongalamo hi kita!”

MAZMUR 40:15

Sahanyo mian anu kahanda'mo mompatei mae aku opatundu'mo ka' mopalaimo kalana bingongmo. Sahanyo mian anu mongkokojoi mae aku, kalana kasoe'anku, ololoi'mo ka' o'alumo.

MAZMUR 71:13

Bakas da mian anu montumbuhi mae aku opopo'ambangmo ka' osilakaimo. Bakas da mian anu kahanda'mo, monsilakai mae aku, bingongmo ka' mongoa'imo ma'ambang.

MAZMUR 71:24

Sansina-sinaa ku bebakon na ka'adilan nu Belento, kalana to mia-mian anu kahanda'mo monsilakai mae aku pinatundu'moka' pinopo'ambangmo.

YEHEZKIEL 25:3

Palentah na bansa aijo' da mohongo mae apaa na anu Ku poto'i hi aha,

YEHEZKIEL 26:2

“O, manusia anu madi' tumuu' batu, aha mian anu jojoong i Tirus sola'mo nontaligalai ka' nontaloakon, ‘Yerusalem ihansunmo! Kamajuan nu aha baladagang imadi'anmo! Ia madi'mo moko ala mongkakanai mae kita!’ ”

YEHEZKIEL 36:2

‘Salatan to bansa-bansa anu haha aitu mae montumbuhimo mae ka' montololangimo belemiu, saba' aijo' sumo-sumomo aha nompopo'ambangmo Israel. Lame'mo na aha montaloakon, puge'nyo haha aita' anu salatanmo pe'e dunia aiya uuka aiya aha mo na tumpunyo. Mokonyo aijo' o, to bungku-bungkutnyo ka' mule' puge'nyo-puge'nyo, to panga-panga'nyo nu kaunyo tiba bangka'nyo, o, kota-kota' anu ihansunmo ka' anu pinala'ianmo nu miannyo ka' mule' tinololanganmo ka' mule pinopo'ambangmo nu bansa-bansa anu haha aitu mae, soba potombihing mae apaa na anu pinoto'imo nu Tumpu Anu Matangkas na Kuasanyo hi beleyum: I uno nu tambuha'-Ku anu taha-tahahumo aiya Ku pisala'imo hondo na bansa-bansa anu haha aitu mae hi belemiu, lebe-lebe Edom, kalana aha sinanangmo na mompopo'ambang ka' nongalamo ka' mule' nongalamo tano'-Ku ka' nongagoimo iwi-iwi na padang anu ko hemputnyo. Uuka aiya Aku motambuha'mo ka' mule' mongamu'mo kalana bansa haha aijo' talalomo ahi' na nompopo'ambang ka' madi'mo nompajuli belemiu.

SISIKON NU TO RASUL-RASUL 1:18

I Yudas aiya nohumpakmo tano' bau polamunan anu ihumpaknyo salaku tambonyo lewa' nombau anu ma'idek mongkabisa'i mian. Ia nanabu' ka' i nate ka' kompongnyo nobiha' sampe isi nu kompongnyo nosabat iwi-iwi'.