MAZMUR 67:4 - KITAB NU TUMPU ALLA LELE MA'IMAI'

⁴ O'amalakon da iwiiwi' na bansa mompuji' Belento o Tumpu, o'amalakon da iwi-iwi' na bansa monsumbu' montalima kaseh hi Belento.

MAZMUR 67:4 Iomraidhean Croise

MAZMUR 98:9

Kalana ia toka mae da momputusimo hukuman nu dunia; iwi-iwi' na bansa oputusimo na hukuman-Nyo, ka' adin ka' madi' hondo sala'.

MAZMUR 9:8

Tumpu mompalentah sampe toka sidu-sidutu'; Ia nompotinjomo kapalentahan-Nyo da oputusimo na dunia.

MAZMUR 82:6

Aku notataemo tukoongku belemiu aiya sipatnyo sumo Tumpu belemiu iwi-iwi' to ana-anak nu Tumpu Anu Daka' na Kuasa-Nyo.

ROMA 2:5

Panyo komiu panggaga hondo, madi' mongka'oho' mombabaali'i. Kalana aijo' posi komiu na nombau hukuman miu mompaka maboat i Sinaa Kakiamatan, de Tumpu mompotoamo tambuha'nyo, ka' monabu'akonmo hukuman anu adin.

YESAYA 55:4

Totu-totu'unyo, ia Ku pojadimo timbali bau polaya' ka' talenga', sakisi nukuasang-Ku toka hi to bansa-bansa.

MAZMUR 96:10

Polelemo hi to bansa-bansa, “Tumpu aijo' Tomundo! Dunia mahoson madi' opoko ala ogayu'; Ia momputusi hukuman nu to bansa-bansa adin hondo.”

MAZMUR 2:8

Poitamo mae, saba' iwi-iwi' na bansa Ku bee'mo hi beleyum, ka' songko-songko na dunia Ku bee'mo beeyumo na tumpunyo.

PO'ULE' INGULIT 32:43

O bansa iwi-iwi', puji' na mian anu pinalesayamo hi Tumpu, kalana Tumpu mohukum iwi-iwi' na anu mompatei aha. Ia na mombalosakon hi sampobali' nu aha panyo mongampuni dosa' nu mian anu pinalesayamo hi Ia.”

KAJADIAN 18:25

Boli to mia-mian anu madi' ko sala'nyo aijo' opateimo hingga-hinggat tiba anu ko sala'nyo. Boli Tumpu! Kalana de obau nu Belento Tumpu, mian anu madi' ko sala'nyo tantu o hukumo hingga-hinggat tiba anu ko sala'nyo. Te toho mule' mian kopian nu songko-songko na dunia momputusi madi' adin!”

GALATIA 4:27

Kalana i uno nu Kitab nu Tumpu tinulismo, “Balame'-lame'mo na beleyum boune lengke', anu madi' toho' nompohampe. Bila-bilahimo ka' lewa'mo pinsoso oya' na beleyum anu madi' toho' mongka'oa'i monganak! Kalana boune anu pinala'ianmo nu mo'anenyo, lebe mohumpak manjoo' na anak molingkudui boune anu tumuu' tiba langkai'nyo.”

SISIKON NU TO RASUL-RASUL 17:31

Kalana Ia nontantukanmo sa'angu' na tempo' da momputusi adi-adin songko-songko na dunia aiya. Kalaja aijo' nubauje nu samian anu noko pile'anmo nu Tumpu na mombau aijo'. Ka' da iwi-iwi' na mian palesaya totu-totu'u i han aijo', sahingga mian anu sinilakamo po'ule'mo pinotumuu' nu Tumpu!”

YESAYA 54:1

O, Yeruslaem, u'utu mae beleyum sumo boune anu lengke' anu madi' moko ala monganak. Panyo uuka aiya balame-lame'mo, ka' bila-libahimo na manyanyi! Kalana to ana-anak nu beleyum manjoo' hondo, molingkudui anak nu boune anu madi' nupala'i nu langkai'nyo.

YESAYA 60:6

Lipu' nu belemiu nu sihukimo nu unta manjoo' hondo aha nolengkat mae i Midian ka' Efa. Mian momboa ame mosoni' tiba kamangian lengkat mae i Syeba, lantas mompuji'mo palabuatan nu Tumpu.