MAZMUR 5:4 - KITAB NU TUMPU ALLA LELE MA'IMAI'

⁴ Kalana hi Belento na pompotokanku do'a aiya, o Tumpu, potombihingakon mae na anu ku kakase aiya salatan subu-subumo. Daagi' subu ku boamo na anu ku sombahkon ka' ku tanda'imo na pontaami mae nu Belento, o Tumpu.

MAZMUR 5:4 Iomraidhean Croise

1 TAWARIKH 29:17

Ku sumbu' toto samian o uji' nu Belento na kinyonyoanyo ka' oka'ima'i nu Belento na kinyonyoa nu mian anu lomas. Tiba kinyonyoa sanang ka' sahondo-hondonyo ku sombahkonmo na iwi-iwi' aiya hi belento. Tinoangkumo mosia na mian anu pinalesayamo hi belento anu sinilimu'mo i aiya nomboa mae anu nu sombahkon nu aha hi belento, kinyonyoa nu aha sanang hondo.

MAZMUR 101:7

Anu sola mongakali balang nu mian madi' timbali jojoong i laiganku; mian anu baleko' madi' moko ala mompaha ahop tiba aku.

MAZMUR 11:5

Tumpu monguji' mian anu ma'ima' na kinyonyoanyo ka' mian anu ma'idek na kinyonyoanyo Ia mongka'ideki mian anu saja' singgi.

MAZMUR 140:13

Ku sumbu' Belento mombee'i ka'adilan hi mian anu pinosansalamo, ka' montinjohimo palakala nu mian anu kasiasi.

MAZMUR 50:21

Aijo'mo na anu sola' nu bau, panyo ola Ku hokotakon, jadi nu tutugi nu beleyum Aku sumo beleyum. Panyo uuka aiya Ku pisala'imo na beleyum, ka' iwi-iwi' aijo' Ku pojadimo da nyata' hi beleyum.

MAZMUR 63:2

O Tumpu, belentomo na Tumpungku, ku lio ka' ku indi mamba hi Belento. Sumomo tano' anu kinunmo i negotmo nu uwe sumomo aijo' na aku i negotmo hi Belento.

MAZMUR 88:14

Panyo aku mongkakase da otulungi mae nu Belento o, Tumpu, de subu-subumo ku potokamo hi Belento na do'angku.

MAZMUR 92:15

Kau' anu daagi' saja' mimbua' maumo ia talalomo hondo pinin na tinumuu', panyo sabole-boleh molumba' ka' molunoi.

MAZMUR 94:20

Belento madi' mosangaja' tiba to mia-mian kopian anu ma'idek na kinyonyoanyo, anu montanga'imo mombau anu ma'idek panyo monggunakon atulan.

HABAKUK 1:13

Panyo mosia na Belento ka' moko ala montoa mian haha aijo' anu ma'idek na kinyonyoanyo ka' anu buhingison aijo'? Temisa' Belento na talalo ahi' susi' na montoa palabuatan ma'idek haha aijo'? Temisa Belento na mongoa'i ahi' monguahi na montoa palabuatan anu madi' adin? Jadi kadaka' Belento ola momohokot salatan montoa mian anu palesaya ohansunimo nu mian anu palaganta?

MALEAKHI 2:17

Belemiu nongosaimo Tumpu nu potatae nu belemiu. Panyo pinokilawamo nu belemiu, “Te mosia na kami nongosaimo Tumpu?” Ka' notataemo, “Iwi-iwi' na mian anu nombaumo palabuatan anu ma'idek nu anggap nu Tumpu ma'ima', ka' mule' Ia situju hi aha.” Kabai nompokilawa mule' ahi', “Iya na Tumpu anu o'a-o'anggap adin aijo'?”

YOHANES 14:23

I Yesus nontaami, “Mian anu mongkalibosi Aku, tionyo mombatuki pangajalan-Ku. Tuumang-Ku mongkalibosije ia. Tuuma ka' Aku tokaje hi ia ka' jojoong hingga-hinggat ka' ia.

IBRANI 12:14

Bala usaha da tumuu' simbulu tiba to mia-mian. Ka' Bala usaha mule' da tumuu' susi', na palesaya hi Tumpu. Kalana madi' ko samian pe'e na moko ala montoa Tumpu de madi' ia tumuu' sumo aijo'.

2 PETRUS 3:13

Panyo kita montanda'imo apaa na anu jinanji'mo nu Tumpu Allah, aijo'mo langit anu bu'ou ka' tano' anu bu'ou, anu daagi'mo ko ka'adilan-Nyo.

ANU PINOTO'I HI YOHANES 21:23

Kota aijo' madi' palalu nujingkai nu batu nu sinaa kabai bitu'on, kalana katalasanggoan nu Tumpu na monjingkai, ka' Anak nu Domba aijo', atina'mo na sulu'nyo.

ANU PINOTO'I HI YOHANES 21:27

Panyo mian anu mombau hahan anu pahengas kabai mian anu baleko' – o ala kodo-kodo' mau mule' apaa na anu mahenyu, madi' hondo-hondo minsoop i unonyo. Anu minsoop ola ahi' mian anu sanggonyo kiijo' tuli-tulis i uno nu Kitab nu Mian anu Tumuu', Kitab Anak nu Domba aijo'.