MAZMUR 26:9 - KITAB NU TUMPU ALLA LELE MA'IMAI'

⁹ De mompateimo mian anu baladosa', boli tibamo aku na opatei, kabai monggautmo nyawa nu mian anu saja'mo nombubusakon, baso' boli tibamo nyawangku na ogaut.

MAZMUR 26:9 Iomraidhean Croise

2 SAMUEL 16:7

I Simei nontotobi'akon nu potatae sumo uuka, “Tula' lamba! Anu lewa' mompatei! Anu lewa' mombau anu ma'idek.

2 SAMUEL 21:1

Tempo'nyo i Daud daagi' nompalentah tinokamo na balaa' kasusa'an i anu okaan tinotolu' na taun na kinopinnyo. Lantas i Daud nomoitamo pokinde' hi Tumpu pa' mosiamo na han anu sumo aijo', jadi pinoto'imo nu Tumpu, “Balaa kasusa'an i anu okaan atina' kalana kasala'an i Saul tibamo aha sa'anakan, aha nompateimo to mia-mian nu Gibeon.” (

MAZMUR 139:19

De timbali da mian anu ma'idek na kinyonyoanyo nupateimo nu Belento, O, Tumpu, pojo'onakon mae hi belengku na to mia-mian anu lewa' mombubusakon baso'!

MAZMUR 51:14

Po'ule' mae polame' na aku kalana kasalamatan anu lengkat mae hi Belento bee'i mae na aku kinyonyoa anu mongka'oho tulu-tulutan hi Belento.

MAZMUR 55:23

De bata-batamo na beleyum kalana mabuhukmo asanakonmo hi Tumpu, sahingga Iaje na montulungi beleyum; kalana mian anu hodi' na kinyonyoanyo, madi' ola nu pojohok nu Tumpu na ia opatundu.

MALEAKHI 3:18

Mian anu palesayamo hi beleng-Ku montoa mule' bedanyo mosia na mian anu manonong tiba mian anu maidek na kalakuannyo, ka' mule' mian anu monsombah Aku tiba mian anu madi' monsombah Aku.”

MATIUS 24:51

Saba' posaihon-posaihon aijo' pinahandokeakon totu-totu'u nu tuannyo ka' ingalin nokiijo' i tampat nu to mia-mian anu palangues. Aha humaang ka' mongoa'i sansala i kiijo' mae.”

MATIUS 25:32

Iwi-iwi' na bansa olimu' i ahop-Nyo. Lantas Ia mongga'atakon aha timbali ohua' na tompuk, sumo polaya' binatang mongga'atakon domba ka' mee'.

MATIUS 25:44

Lantas aha notatae hi Ia, ‘Tumpu, naipian na kami nontoa Tumpu mo'ohop kabai megot, kabai sumo samian, mian nu salipu'an, kabai madi' ko baju', kabai masakit, kabai tinalungku', kami madi' nontulungi Kita Tumpu?’

MATIUS 25:46

Saba' to mia-mian aijo' o hukummo nu hukuman anu sampe toka sidu-sidutu', panyo komiu to mia-mian anu mombau kahanda' nu Tumpu, mongoa'i kantumuu'an talakana' ka' sampe toka sidu-sidutu'.”

1 SAMUEL 25:29

De ko samian montumbuhi belento Tuanku ka' monsoba-soba mompatei belento Tuanku saba' belento Tuanku na nu jagai ahi' nu Tumpu Allah susumo halata' anu nu jagai nu tumpunyo. Panyo sampo bali' nu belento Tuanku o alinmo jo'o-jo'on nu Tumpu, salambeta na pongalin jo'o-jo'on.