MAZMUR 13:3 - KITAB NU TUMPU ALLA LELE MA'IMAI'

³ Hipian na kopinnyo na aku tionyo ahi' montanggung kasusa'an, ka' mongoa'i susa' na kinyonyoa sansina-sinaa? Hipian na kopinnyo na aku nukuasai nu sampobali'ku?

MAZMUR 13:3 Iomraidhean Croise

EZRA 9:8

Panyo uuka aiya, o Tumpu Allah mami, belento ma'isa pinin na nongkalibosimo kami. Belento nompobebasmo pa' aha sangkuka na mian aiya hi kami da madi'mo obotuani da tumuu'mo bilahi i tampat anu susi' aiya. Belento nombee'imo kantumuu'an bu'ou hi kami.

MAZMUR 119:153

Toakon mae na kasansala'anku ka' posalamatakon mae na aku, kalana aku madi' mongkolilimi atulan nu Belento.

MAZMUR 18:28

Mian anu madi' mintige-tige nuposalamat nu Belento, panyo mian anu lewa' kobubuun nupatundu' nu Belento.

MAZMUR 25:19

Toamo ahi' manjoo' hondo na sampobali'ku; aha mongka'ideki mae hondo aku.

MAZMUR 31:7

Mian anu monsombah pilogot nu ka'ideki nu Belento; panyo aku na palesaya ahi' hi Tumpu.

MAZMUR 5:1

Anu mongkapalai panyanyi, o tiopakon puloit. Mazmur i Daud.

MAZMUR 9:13

Kalana Ia monginau' mian anu nongoa'imo kasansala'an ka' madi' mongkolilimi aha anu tinolokihismo; mian anu talalo buhingison hi sangko mian mohumpak hukuman hi Ia.

YEREMIA 51:39

Panyo jota nu aha kahanda' mongkaan na tahahumo ahi'. Ku posadiaimo anu okaan na aha, ka' molanguimo aha ka' malintunga'mo na ubak sampe tohoyotmo ka' madi'mo daagi' moko ala mobula.

YEREMIA 51:57

Ku languimo na to mia-mian anu kopangkatnyo ipamalintahan Babel mian anu toto pande-pande, to pola-polaya' tiba to sulu-suludadu. Aha madi'mo daagi' sola' po ule' mobula, panyo sahoyotnyomo sampe toka sidu-sidutu'. Aku, notataemo; Akumo na tomundo', Aku, Tumpu Anu Balakuasa hondo.

MOHAANGI 5:1

Inau' pe'e mae, o Tumpu, apaa na anu jinadimo aiya hi kami. Toa mae na kami, ka' tonto'i mae na kahina'an mami.

LUKAS 2:32

Sumo jingka anu monjingkai jalan bagi nu to bansa-bansa sangga'at, da toka hi Belento; aijo'mo jingka anu mompotoka mae kadaka'an bagi nu mian-To anu palesayamo Israel.”

EFESUS 5:14

Kalana iwi-iwi' anu manasamo na otoa, aijo' majingka. Mokonyo aijo' tinaloakonmo, “Hee pobulamo na beleyum anu hoyot, ka' anu sinilakamo, po'ule'mo tumuu'! I Kristus monjingkaimo beleyum.”

ANU PINOTO'I HI YOHANES 21:23

Kota aijo' madi' palalu nujingkai nu batu nu sinaa kabai bitu'on, kalana katalasanggoan nu Tumpu na monjingkai, ka' Anak nu Domba aijo', atina'mo na sulu'nyo.

1 SAMUEL 14:27

Panyo i Yonatan madi' nonsumbu' tuumanyo taalu' nompopobuhukmo mian da'isan nu kutuk aijo'; kalana aijo' sinusukakonnyomo na tokonnyo i juu' nu uani' aijo' lantas ingalanyomo ka' inginumnyomo na juu'nyo aijo'. Sinangkinihap na ia, nongoa' imo butongnyo na ima'mo ka' nompaka pahosonmo.

1 SAMUEL 14:29

Tinaaman i Yonatan, “Talalomo hondo na palentah nu tuumangku aijo' hi bansanto! Soba toa mae na butongku aiya nompaka pa'ima'mo salatan aku nongkaanmo ka' nonginumo juu' nu uani' aijo'.