MAZMUR 101:2 - KITAB NU TUMPU ALLA LELE MA'IMAI'

² Aku mompasangkilamo kantumuu'an anu madi' ko kasala'annyo. Hipianje na Belento toka mae hi belengku? Aku tumuu'mo susi' i laiganku,

MAZMUR 101:2 Iomraidhean Croise

KAJADIAN 18:19

Ia pinile'an-Kumo da mompalentah to ana-anaknyo ka' lee'nyo da montuluti Aku ka' mombau apaa na anu ma'ima' ka' adin. De han aijo' nubau nu aha, iwi-iwi' anu jinanji'-Kumo hi Abraham tionyo ahi' Ku podaagi'.”

2 SAMUEL 8:15

Sumo aijo' na i Daud nompalentah songko-songko na Israel ka' nu jaga da mian anu nu palentah, opalentah ma'i-ma'ma' adin.

1 TOMU-TOMUNDO' 11:4

sahingga ia salatan ilangkai'mo pinoko alamo nu aha na pagala nonsale'i sahingga ia nonsombahmo to pilo-pilogot sangga'at. I Daud tuuma i Salomo montuluti hondo Tumpu, Tumpu Allahnyo panyo i Salomo madi'mo sumo tuumanyo.

1 TOMU-TOMUNDO' 9:4

De totu-totu'u na kinyonyoa nu beleyum palesaya hi beleng-Ku hodi' totu-totu'u na kinyonyoa nu beleyum susumo tuuma nu beleyum i Daud, ka' beleyum montuluti totu-totu'u atulan-Ku ka' palentah-ngku haha aijo',

2 TAWARIKH 15:17

Maumo madi' ingko-ingkot na tampat ponsomban pilogot i lipu' aijo' ingidean i Asa, panyo ia tataap tinulu-tulutanmo hi Tumpu i uno nu kantumuu'annyo.

2 TAWARIKH 30:12

I Yehuda suele Tumpu Allah nokalajamo ka' nomposa'angu'mo kinyonyoa nu mian da'isan da totu-totu'u tulu-tulutan hi pongka'oho' nu Tumpu Allah aijo'mo montuluti palentah i tomundo ka' to mia-miannyo anu ko pangkatnyo.

MAZMUR 101:6

Ku ka'ima'i na mian anu tulu-tulutan hi Tumpu; aha timbali jojoong i laiganku. Mian anu tumuu' madi' ko kasala'annyo atina' na timbali mombau anu ku palentahkon.

MAZMUR 119:106

Anu jinanji'kumo ka' sinumpa'mo tionyo ku ganapi, bau pintoongan i kaputusan nu Belento anu adin.

MAZMUR 119:115

O, mian anu ma'idek na kinyonyoanyo boli mae ohani hi belengku! Aku montulutimo palentah nu Tumpu Allah-ngku.

MAZMUR 26:11

Panyo kinyonyoangku hodi' hondo i uno nu kantumuu'anku, kalibosiakon mae na aku, ka' pobebasakonmo mae na aku.

MAZMUR 40:17

O'amalakon da iwi-iwi' na mian anu monsombah Belento bilahimo ka' lame'mo ka' iwi-iwi' na anu mongka'ima'i kasalamatan lengkat mae hi Belento tataap motatae, “Memang ahi' talasanggo na Tumpu!”

NOSABATMO 20:24

Baui na Aku sa'angu' na mezbah te tano' na obau lantas sombahkonmo ikiijo' domba ka' sapi' nu belemiu bau koloban anu otunui ka' koloban bau pompodame. Maumo pa'ia mae na tampat anu Ku tantukan hi belemiu salaku tampat ponsomban Aku, Aku tionyo mae toka ka' mombalakati belemiu.

YESAYA 38:3

“Tutugiakon mae na aku aiya nontulutimo hondo-hondo Belento nu kinyonyoangku anu sahodi-hodi'nyo. Aku saja'mo binala usaha nontuluti pongka oho' nu Belento.” Lantas i Hizkia ihumangmo ka' talalomo hondo nolibos.

PO'ULE' INGULIT 6:7

Opogulu'akon hi to ana-anak nu belemiu. Belemiu tionyo ahi' mombisalakon i uno nu laigan, kabai i sambiha'nyo nu laigan, tempo'nyo milawe ka' tempo'nyo mokalaja.

YOSUA 24:15

De belemiu madi'mo palesaya ka' mohongo-hongomo Tumpu poto'i mae nasa-nasa sinaa aiya ihe na anu opalesaya ka' o hongo-hongo nu belemiu; hi to pilo-pilogot sangga'at anu sinombahmo nu mompolee' miu kiijo' mae i Mesopotamia naipuan mae kabai hi to pilo-pilogot mian nu Amori anu lipu' nu aha kinajojoonganmo nu belemiu uuka aiya. Panyo kami – aku tiba kami salaigan – mompalesayamo ka' mohongo-hongomo samata-mata hi Tumpu.”

1 SAMUEL 22:14

Lantas tinaamanmo i Ahimelekh, “Panyo te ia misa' i Daud kapala nu suludadu nu belento Tomundo' anu mongkapalai suludadu anu talalo hondo tulu-tulutan. Ia monian nu belento Tomundo' ka' anu mongkapalai suludadu, anu monjagai belento Tomundo' ka' anu talalo hondo o angga'i nu mian iwi-iwi' i laigan nu belento Tomundo'.