MAZMUR 100:2 - KITAB NU TUMPU ALLA LELE MA'IMAI'

² Sombahmo na Tumpu ka' opolame' ahi', tokamo mae i ahopnyo ka' nyanyimo na nyanyian anu mompolame'!

MAZMUR 100:2 Iomraidhean Croise

1 TOMU-TOMUNDO' 8:66

I sinaa kino alunnyomo i Salomo nompalentahmo mian haha aijo' da minsusule'mo i laigan nu aha, kinyonyoa nu aha i lame'mo, kalana iwi-iwi' na balakat anu binee'mo nu Tumpu hi posaihon-Nyo i Daud ka' hi bansa Israel mian anu pinalesayamo hi Ia.

2 TAWARIKH 29:30

I tomundo ka' to mia-mian anu tasanggo nompokaumo da aha mian nu Lewi monyanyiakon pompuji' Tumpu anu tinulis i tomundo Daud ka' i Nabi Asaf. Iwi-iwi' mian i lame'mo hondo na nonyanyi ka' aha tinolodadupumo ka' nonsombahmo Tumpu Allah.

2 TAWARIKH 31:2

I Tomundo Hizkia po'ule'mo nohangkat gombuan nu to ima-imam ka' mian nu Lewi ka' pinosi bebee'an kalaja na aha. Anu nu kalaja nu aha aijo'mo: monsombahkon koloban anu opotunu, ka' koloban anu bau pompodame, mongatun anu monsombah i Laigan nu Tumpu, ka' mompuji' ka' mule' montalima kase hi Tumpu iyaya mae na tampat anu kiijo' i Laigan nu Tumpu.

MAZMUR 42:4

Sinaa pihi aku sola'mo humang, me mongkaan lolu'ku. Sansina-sina na sampobali'ku mompokilawa mae, “Iyamo mae na Tumpu nu beleyum?”

MAZMUR 71:23

Aku nontaligalai kalana sinanangmo hondo na kinyonyoa, ka' nonyanyiakonmo bau pompuji' Belento. Santuu'ku ka' butongku manyanyi lame'mo hondo, kalana Belento nomposalamatmo mae aku.

MAZMUR 95:2

Imbo' da kita mangadap hi Ia ka' manyanyi nyanyian bau pontalima kaseh, montaligalai Ia ka' manyanyi, nyanyian anu bau pompuji'.

PO'ULE' INGULIT 12:12

Okalame'i i ahop nu Tumpu Allah nu belemiu, hingga-hinggat tiba to ana-anak nu belemiu, to posa-posaihon nu belemiu ka' to mia-mian nu aha Lewi anu jojoong i iwi-iwi' na kota nu belemiu, kalana mian nu aha Lewi madi' binagian tano' i lipu' nu belemiu.

PO'ULE' INGULIT 16:11

I ahop nu Tumpu Allah nu belemiu i tampat anu pinile'an-Nyomo, belemiu tionyo ahi' bilahi hingga-hinggat tiba to ana-anak nu belemiu, to posa-posaihon nu belemiu ka' aha mian nu Lewi, mian anu lengkat mae i salipu'an, anak anu madi'mo ko tuuma ka' tinanyo, ka' to balu-balu anu jojoong i songko-songko na kota nu belemiu.

PO'ULE' INGULIT 16:14

Balasana-sanang hingga-hinggat tiba to ana-anak nu belemiu, to posa-posaihon miu, aha mian nu Lewi, mian anu lengkat mae i salipu'an, anak anu madi'mo ko tuuma ka' tinanyo ka' to balu-balu anu jojoong i songko-songko na kota nu belemiu iwi-iwi'.

PO'ULE' INGULIT 28:47

Belemiu binalakatanmo nu Tumpu Allah nu belemiu i han iwi-iwi', panyo belemiu madi' mompalesaya Ia nu kinyonyoa anu totu-totu'u ka' madi' mongoa'i sanang.

FILIPI 4:4

O'amalakon da komiu saja' lame' kalana komiu tinumuu'mo nosa'angu' tiba Tumpu. Po'ule' pe'e kutaloakon: Obau lame-lame'!