MAZMUR 1:3 - KITAB NU TUMPU ALLA LELE MA'IMAI'

³ Apaa na anu nukahanda'i nu bau nu mian aijo' iwi-iwi' nu humpak; ia sumo kau' tumuu' i sohipi' nu kau'nyo anu mimbua' de tokamo na lonunyo ka' saja' madi' toho' mangkaluale na honnyo.

MAZMUR 1:3 Iomraidhean Croise

KAJADIAN 39:23

Kapala nu talungku' aijo' madi'mo daagi' monjagai iwi-iwi' anu pinalentahkonnyomo hi Yusuf, kalana Tumpu nontulungimo ia, sahingga ningkalianganmo iwi-iwi' na anu binaunyo.

KAJADIAN 39:3

Tuannyo nontoa taalu' Tumpu montulungi i Yusuf, ka' kalana aijo' apaa na anu nu bau i Yusuf, iwi-iwi' saja' mingkaliangan ma'i-ma'ima'.

2 TOMU-TOMUNDO' 18:7

Mokonyo' aijo' saja' Tumpu montulungi ia, sahingga apa-apaa na anu nu bau saja' mingkaliangan. Ia nongewamo i tomundo' Asyur, ka' madi' nongka'oho' tinulut hi ia.

1 TAWARIKH 22:11

Lantas po'ule' pinoto'i i Daud, “Uuka aiya, anaku o' amalakon da Tumpu Allah nu beleyum saja' montulungi beleyum. Ka' O' amalakon na beleyum da moko ala mompotimbali laigan nu Tumpu anu obau aijo' susumo anu jinanji'-Nyomo.

1 TAWARIKH 22:13

De beleyum montuluti iwi-iwi' palentah anu binee'mo nu Tumpu hi Musa anu ogunakon hi bansa Israel, beleyum moko ala mompotimbali laigan aijo'. Beleyum tionyo ahi' totu-totu'u na kinyonyoa ka' baani. Boli mabuhuk na mongahopi maumo pa'apaa.

2 TAWARIKH 31:21

Apa-apaa na anu tinanga'annyomo obau, pinoko ala nyomo binau kalana kapentingan nu Laigan nu Tumpu ka' mule' montuluti to atu-atulan nu Tumpu, binaunyomo nu kinyonyoa totu-totu'u kalana ia totu-totu'u mongka'ima'i Tumpu Allah-nyo.

2 TAWARIKH 32:23

Manjoo'mo na mian toka i Yerusalem momboa anu osombahkon hi Tumpu ka' palasen anu obee' hi Hizkia, sahingga mulai aitu ia ingangga'anmo nu iwi-iwi' na bansa.

AYUB 14:9

panyo de nukonamo nu uee ia po'ule'mo tumuu'; susumo anu sala'je sinu'an sinin na sumpenyo singkapmo lubat.

AYUB 22:28

Apa-apaa na anu nubau saja'mo mingkaliangan, ka' jingka monjingkaimo kantumuu'an nu beleyum.

MAZMUR 128:2

Beleyum mongkaanmo hasin nu anu nu kalaja, kantumuu'an sukupmo ka' mongoa'imo kasanangan.

MAZMUR 129:8

To mia-mian anu motulu madi' montaloakon, “O'amalakon da beleyum nu balakati nu Tumpu kami mombalakati beleyum hi sanggo nu Tumpu.”

MAZMUR 92:14

Aha sumomo kau' anu sinu'an kiijo' i Laigan nu Tumpu, ka' nodensu'mo na kodaka'nyo kiijo' i Laigan nu Tumpu Allah-nto.

MAZMUR 92:15

Kau' anu daagi' saja' mimbua' maumo ia talalomo hondo pinin na tinumuu', panyo sabole-boleh molumba' ka' molunoi.

YESAYA 27:11

De to panga-panga'nyo manggasmo ka' mopato'mo tokamo mae nu ala nu to bou-boune da bau kau' anu oposun. Bansa aijo' madi' ko anu nu pisumbu-sumbu', sahingga Tumpu anu nompotimbalimo ia madi'mo daagi' mongkalibosi aha.

YESAYA 3:10

Tumpu notatae, “Poto'i hi mian anu tulu-tulutan hi beleng-Ku, saba aha mohumpakmo kantumuu'an ma'ima' ka' salamatmo. Nu lasaimo nu aha na lawe nu pakalaja'an nu aha.

YESAYA 44:4

Aha molumba'mo na tumuu' susumo hemput anu tumuu' koko uee, susumo kau' gandarusa isonibi nu kaunyo.

YESAYA 58:11

Aku saja' monjagai ka' nombee'i mongkaan belemiu i tano' anu nategesmo; Ku jagai na belemiu da tataap sehat ka' mahoson. Belemiu kakanannyo sumo ale' anu sukup na ueenyo, susumo mata nu uee anu madi' toho' mo'oti.

YEREMIA 17:8

Ia sumomo ahi' kau' isonibi nu kaunyo anu mo'ili, bakatnyo mo insu'mo toka-tokamo mokiijo' i uee. Ia na madi' ahi' mongkabuhuk tempo' nu posinaa, honnyo saja' molunou. Maumo ahi' lipu' nu tokaimo mae nu posinaa, ia na madi' ahi' mangada' kalana ia na saja' ahi' mimbua'.

YEHEZKIEL 17:8

Padahan kau' anggur aijo' tinumuu'mo i tano' anu ma'omuk ka' mule' ueenyo manjoo' hondo sahingga tambok na honnyo, mahampe na bua'nyo, ka' tinimbalimo kau' anggur anu ma'-ima'.

YEHEZKIEL 19:10

Tina nu beleyum sumomo ahi' kau' anggur anu ma'ima hondo anu tinumuu' i ale' koko sepa'nyo nu kaunyo. Ia tinambokmo na honnyo ka' nimbua'mo, kalana ueenyo ikiijo' manjoo' hondo.

YEHEZKIEL 31:5

Kalana ueenyo madi' toho' maga'a, ia tumuu' molumba', panga'nyo daka' ka' mule' mantan. Iwi-iwi' na kau' isongko-songko na alas, iamo na anu lebe matangkas maloloyuk mokiita'.

YEHEZKIEL 47:12

Tutus poti-potimbiha' na sonibi nu kaunyo aijo' tinumuu'mo na ngangahan nu kau' anu okaan nu bua'nyo. Honnyo nu kau' aijo' madi' toho' magayou ka' bua'nyo madi' kokamingkotannyo. Kau' haha aijo' saja' mimbua' bua'nyo anu salaje mule' sambitu'on toka sambitu'on, kalana uee anu monguei nolengkat mae i Laigan nu Tumpu. Bua'nyo haha aijo' timbali kaanon ka' honnyo mule' haha aijo' mingguna bau pakuli'.”

NOMBILANGMO 24:6

Sumomo bangka'nyo anu ewa ka' bolaa, kabai ale' nu bunga-bunga i sohipi' nu kaunyo; sumomo kau' gaharu anu sinu'an nu Tumpu, kabai kau' aras i sohipi' nu kaunyo.

MATIUS 13:6

Panyo salatan sinaa tolohangkatmo, bine' anu sala'je tumuu' aijo' magayou, lapas aijo' ia manggas ka' mate, saba' bakatnyo madi' talalo maleeng.

MATIUS 21:19

Ia nontoa sangkau na kau' ara i sambiha' nu jalan. Ia namba i pu'unnyo, nu kau' aijo', panyo madi' nohumpak sa'angu' pe'e na bua'nyo, boli mompiakon hohonnyo. Lantas i Yesus notatae i kau' aijo', “Oko madi'mo daagi' mimbua'!” Lau-laus kau' ara aijo' nagayou.

MATIUS 21:34

Salatan tinokamo na tempo'nyo nu pontipuan bua'nyo nu anggur, tumpu nu tano' aijo' nonsai to posa-posaihonnyo mamba hi anu mongkalaja ale' aijo', da montalimakon baginyo.

MATIUS 21:41

Aha nontaami, “Tantu ia mompatei to mia-mian ma'idek aijo', lantas montamboakon ale' nu anggur aijo' hi mian sangga'at anu mongka'oho' mombee'i sangga'at na hasin nu tano' aijo' hi ia de tokamo na tempo'nyo.”

YOHANES 15:6

Mian anu madi' saja' mosa'angu' tiba Aku, o'alin sumo panga', lantas timbali manggas. To panga-panga' susumo aijo' olimu' ka' olumbu'akon mokiijo' i uno nu apu.

PO'ULE' INGULIT 28:8

Tumpu Allah nu belemiu mombalakatije apaa na anu obau nu belemiu ka' mongisije alang miu iwi-iwi' nu gandum. Ia mombalakatije belemiu i lipu' anu binee'-Nyomo hi belemiu.

YUDAS 1:12

Tempo'nyo komiu nombau bau-bauon nongkakaan, kalakuan nu mian haha aijo' nonsaduakonmo komiu to'ua. Kalana aha mongkaan mabebes madi' ko ambangnyo, ka' ola mosi tutugi posi butong. Aha sumo sehu' anu nu puhakon nu mombuun, panyo madi' montudunakon ujan. Aha mule' suele sumo kau' anu madi' mimbua' mau mule' lonunyomo nu pimbua'an nu kau'; to kau-kau' anu ginautakonmo na bakatnyo ka' i nanggasmo hondo-hondo.

ANU PINOTO'I HI YOHANES 22:2

i totonga' nu jalan i kota aijo'. I sonibi nu kaunyo aijo', poti-potimbiha'nyo daagi' ko kau' pinolengkatan mae nu kantumuu'an, anu mimbua' pinsampulu' ka' ohua' sataun, aijo'mo minsan sambitu'on. Honnyo o'ala bau pakuli' pompa'alin sakit nu to bansa-bansa.