LUKAS 9:47 - KITAB NU TUMPU ALLA LELE MA'IMAI'

⁴⁷ Nu sumbu' i Yesus na pikilan nu aha, sabab aijo' Ia nongala samian na anak ise' ka' pinotinjonyo na anak i sohipi'-Nyo.

LUKAS 9:47 Iomraidhean Croise

MAZMUR 139:2

Belento na monsumbu'mo iwi-iwi' apaa na anu binaungkumo; maumo majo'on na Belento panyo monsumbu' pikilanku.

MAZMUR 139:23

Selidiki mae na aku o, Tumpu, ka' palesa mae na kinyonyoangku, uji' mae na aku ka' sumbu' mae na pikilanku.

YEREMIA 17:10

Aku, Tumpu monselidiki kinyonyoa kinyonyoa nu manusia Ku uji'. Batu-batu mian Ku balosakon sitimbang tiba kalakuannyo, ka' Ku bee'i hukuman sitimbang tiba palabuatannyo.”

MATIUS 12:15

Nu sumbu' i Yesus saba', to mia-mian Farisi aijo' ko gau' ma'idek hi butong-Nyo. Jadi Ia namba nompala'i tampat aijo', ka' mian da'isan nombatukimo Ia. Lantas Ia nompa'alin iwi-iwi' na mian anu masakit.

MATIUS 9:4

Sinumbu' i Yesus na pikilan nu aha, jadi Ia notatae, “Kadaka' na pikilan miu kino ideknyo sumo itina'?

LUKAS 5:22

Nusumbu' i Yesus apaa na anu pinokilawa nu aha. Jadi Ia notatae, “Ka' kadaka' komiu mompokilawa sumo aitu i uno nu kinyonyoa miu?

YOHANES 16:30

ka' osumbu' mami te Tumpu monsumbu' iwi-iwi'. Madi' pilenje samian mompokilawa apa-apaa hi Tumpu. Kalana aijo' opalesaya mami Tumpu nolengkat mae hi Tumpu.”

YOHANES 2:25

Madi' pilenje mian mombee'i katalangan hi Ia mongkona mian pa' ihe, kalana nu posi sumbu' pa' apaa na i uno nu kinyonyoa nu mian.

YOHANES 21:17

Kopintolunnyo i Yesus nompokilawa hi ia, “Simon anak i Yona, apaa beleyum mongkalibosi Aku?” I Petrus tinongkolibosonmo, kalana i Yesus nompokilawa hi ia sampe pinintolunmo. Sahingga i Petrus po'ule' nontaami, “Kita Tumpu, Kita Tumpu na monsumbu' iwi-iwi'. Nu sumbu' nu Kita Tumpu na aku mongkalibosi Kita Tumpu!” Lantas i Yesus notatae hi ia, “Palakaiyakon na domba-dombangku.

1 KORINTUS 14:20

To Utu-utus! Boli bapikin sumo to ana-anak. I han anu ma'idek, bakas da tataapmo na komiu susumo anak ise'. Panyo i han bapikin, tionyo ahi' komiu timbali mian anu motu'amo.

IBRANI 4:13

Madi' ko sa'angu' pe'e na anu konyawanyo na madi' nutoa nu Tumpu. Iwi-iwi na apaa langgo-langgo' ka' kantoan hi ahop-Nyo. Ka' kita tionyo ahi' mongakui apaa na anu binauntomo i hi Ia.

ANU PINOTO'I HI YOHANES 2:23

Anu mombatuki ia Kupatei suele da iwi-iwi' na jama'at sinsumbu' saba' Akumo na Ia anu mompangalati'i pikilan ka' kinyonyoa nu mian. Komiu Ku balosije sumo apaa na anu binaumo miu i toto samian.