LUKAS 9:41 - KITAB NU TUMPU ALLA LELE MA'IMAI'

⁴¹ I Yesus nontaami, “Palias na komiu aiya! Komiu totu'u to mia-mian anu tageo' ka' madi' palesaya! Toka ipian na aku tionyo jojoong hingga-hinggat komiu ka' sabaan hi komiu? Boa mae na anakum aijo' mo'uuka mae!”

LUKAS 9:41 Iomraidhean Croise

2 TOMU-TOMUNDO' 5:8

Han aijo' i hongomo i nabi Elisa, ka' pinotuunyomo hi tomundo' Israel, “Kadaka' nabuhukmo? Sai mae na mian itina' hi belengku da nu sumbu' nu mian itina', na aiya i Israel daagi' ko nabi samian!”

MAZMUR 78:8

da aha madi'mo susumo mompolee' nu aha anu mongka'ima'i saja' motomuhuk ka' mingkalakuan palagenta; tulunan anu madi' totu-totu'u palesaya ka' madi' tulu-tulutan hi Tumpu.

NOSABATMO 10:3

Lantas i Musa ka' i Harun nambamo nangadap hi tomundo ka' nompoto'i hi ia, “Tumpu, Tumpu Allah nu aha bansa Ibrani notataemo, 'Sampe toka hipian na kopinnyo na belento madi' mongka'oho' tulut hi beleng-Ku? Pobee'mo na mian anu pinalesayamo hi beleng-Ku mamba, da aha timbali monsombah Aku.

NOSABATMO 16:28

Lantas Tumpu notataemo hi Musa, “Sampe toka hipian na belemiu madi' mongka'oho' mohongo-hongo iwi-iwi' na palentah-ng-Ku?

YEREMIA 4:14

O Yerusalem alinmo na palabuatan anu ma'idek anu lengkat ikinyonyoa nu beleyum da beleyum oposalamatmo. Sampe toka hipian na kopinnyo na pikilan toto ide-idek haha aijo' daagi' opo una' nu beleyum i uno nu kinyonyoa nu beleyum?

NOMBILANGMO 14:11

Tumpu notataemo hi Musa, “Daagi' hipian na kopinnyo na mian haha aijo' panggaga hi beleng-Ku? Sampe toka hipian na aha madi' mongka'oho' palesaya hi beleng-Ku, padahan Aku nombaumo manjoo' hondo na anu okabangangi hi aha?

NOMBILANGMO 14:27

“Sampe toka hipian na mian haha aiya anu toto ide-idek na kinyonyoanyo mososon mae hi beleng-Ku? Iwi-iwi' na pososon nu aha i hongong-Kumo.

MATIUS 11:28

Tokamo mae hi beleng-Ku na komiu iwi-iwi' anu malawe, ka' anu mongoa'i koboatnyo nu boaon; Aku mompilaweije komiu.

MATIUS 12:39

“Palias na ko ideknyo ka' ko geguannyo na to mia-mian tempo' aiya!” tinaaman i Yesus. “Komiu mompoita Aku mombau anu okabangangi? Komiu madi' daagi' obee'i sa'angu' pe'e na anu okabangangi, ola ahi' anu okabangangi i Nabi Yunus.

MATIUS 12:45

Lantas ia namba ka' nomboa popitu' na roh sangga'at anu lebe ma'idek molingkudui ia. Lantas aha ninsoop i uno nu mian aijo' ka' ia jinojoong i kiijo'. Ka' ahennyo balu-balu'nyo nu mian aijo' timbali lebe ma'idek molingkudui uuka mae momona. Aijo'mo suele na timbali tiba to mia-mian tempo' uuka.”

MATIUS 16:4

“Ibeh na ko ideknyo ka' ko geguannyo na to mia-mian tempo' aiya. Komiu mompoita Aku mombau anu okabangangi. Komiu madi' obee'i sa'angu' na anu okabangangi, boli mompiakon anu okabangangi i Nabi Yunus.” Salatan notatae sumo aitu, i Yesus nompala'imo aha, lantas i nambamo.

MATIUS 17:17

I Yesus nontaami, “Palias na komiu aiya! Komiu totu-totu'u to mia-mian anu palangues ka' madi' palesaya. Piangkuka na kopinnyo na Aku tionyo jojoong tiba komiu ka' monsabaanakon komiu? Boamae na anak aijo'!”

MATIUS 23:36

Palesayamo: Iwi-iwi' aijo' nu tanggungje nu to mia-mian tempo' uuka!”

MATIUS 3:7

Manjoo' suele na mian nu Farisi tiba Saduki tinoka hi Yohanes da o palamandikan. Panyo tempo'nyo ia nontoa aha tinokamo mae ia notatae hi aha, “Komiu mian ma'idek! Ihe na nontaloakon komiu timbali molapas lengkat i hukuman nu Tumpu anu tokaje mae?

MARKUS 10:14

Montoa han aijo', i Yesus pinusa lantas Ia notatae hi anu saja' mombatuki Ia, “Pojohok da to ana-anak aijo' toka hi beleng-Ku! Boli montewa' aha, kalana to mia-mian anu susumo aiya na timbali minsoop mian anu palesayamo hi Tumpu.

MARKUS 10:49

Sahingga i Yesus tinolotinjo lantas notatae, “Lagamo mae na ia.” Jadi aha nolaga mian mapisok aijo'. Aha notatae hi ia, “Boli hengge'! Beleyum ilagamo i Yesus, tinjomo!”

MARKUS 9:19

Sahingga i Yesus notatae hi aha, “Palias na komiu aiya! Komiu totu-totu'u mian anu madi' palesaya. Toka hi pian na Aku tionyo jojoong hingga-hinggat tiba komiu ka' sabaan hi komiu? Boamae na anak aijo'!”

LUKAS 8:25

Lantas i Yesus notatae hi anu saja' mombatuki Ia, “Ka' kadaka' komiu madi' palesaya hi beleng-Ku?” Aha binangang ka' nabuhuk. Ka' notatae na aha samian ka' samian, “Ihe sabenannyo na mian aiya sampe mompalentah baleba' ka' bokon, ka' Ia mule' i hongonyomo!”

LUKAS 9:40

Pinoitangkumo na anu saja' mombatuki kita Tuumangku, da molaa' roh aijo', panyo madi' pinoko ala nu aha.”

LUKAS 9:42

Hau-haunyo anak aijo' laja-lajang mompanjolongi Yesus, roh ma'idek aijo' nonsapahakonmo ia ka' nombau butongnyo i hojok. Panyo i Yesus nompalentah roh ma'idek aijo' posabat, sahingga na'alinmo na anak aijo'. Lantas anak aijo' po'ule'mo binee' hi tuumanyo.

YOHANES 14:9

Panyo i Yesus nontaami, “Sumo u'ukamo na kinopiinnyo Aku no'imboa tiba komiu, ka' madi' mule' beleyum monsumbu' Aku, Filipus? Mian anu nontoamo Aku, nontoamo Tuuma. Mosia ka' beleyum timbali notaloakon, ‘Potiju'akon mae na Tuuma hi kami’?

YOHANES 20:27

Lapas aijo' koo-Nyo i Yesus hi Tomas, “Toa na limang-Ku, ka' posusuk na bua' nu limaum i aiya. Tajuakon mae na limaum ka' posusuk i sihung-Ku. Boli daagi' bata-bata, panyo palesayamo!”

SISIKON NU TO RASUL-RASUL 13:18

Sinabaanakonnyo na mongkona kalakuan nu aha i padang bolaa patompulu' na taun na kopinnyo.

SISIKON NU TO RASUL-RASUL 2:40

Sumo aitumo na i Petrus nompotalangakon hi aha. Ka' manjoo' na potatae sangga'at, suele pinoto'inyo hi aha da butong nu aha boli maninggalo' i bansa anu ma'idek aiya, anu nu hukumje nu Tumpu.

ROMA 2:4

Kabai o oa'i miu dengke na kanonongan nu Tumpu tiba ka'ima'an nu kinyonyoa ka' kasabalan-Nyo anu daka' hondo sumo aijo'? Tantu osumbu' miu te Tumpu mompotoa ka'ima'an nu kinyonyoa-Nyo kalana Ia mongkahanda'i da komiu bolimo daagi' mombau to dosa-dosa' miu.

PO'ULE' INGULIT 32:5

Panyo belemiu bansa anu madi' mohongo-hongo, ka' madi'mo pantas timbali mian anu pinalesayamo hi Ia, bansa anu saja'mo gineguan ka' saja' mombau dosa'.

IBRANI 3:19

Uuka aiya sinumbu'tomo, saba' aha madi' timbali minsoop, kalana aha madi' palesaya hi Tumpu.

IBRANI 4:11

Kalana aijo', imbo' na kita da bala usaha totu-totu'u da mohumpak pingkainan anu jinanji'mo nu Tumpu aijo'. Boli sampe ko samian anu aiya hi kita na moteba' susumo aha naipuan mae, kalana madi'mo palesaya hi Tumpu.

IBRANI 4:2

Kalana Lele Ma'ima' aijo', pinolelemo hi kita pokakana sumo hi aha. Panyo hi aha lele aijo' madi' kino kaliangannyo. Kalana mau mule' i hongomo nu aha, aha madi' ahi' palesaya.

IBRANI 7:25

Mokonyo aitu sampe toka sidu-sidutu' i Yesus timbali momposalamat to mia-mian anu toka hi Tumpu, montului Ia, mokonyo aijo' Ia tumuu' sampe toka sidu-sidutu' da mompotokakon apaa na anu nu poita nu to mia-mian hi Tumpu.