LUKAS 9:39 - KITAB NU TUMPU ALLA LELE MA'IMAI'

³⁹ De roh ma'idek aijo' montokamo ia, ia nu busak sapolo-poloboo' ka' butongnyo hojok sampe nganga'nyo mimbuha'. Roh aijo' saja' monsakisa ia madi' mongka'oho' mosabat lengkat hi ia!

LUKAS 9:39 Iomraidhean Croise

MARKUS 9:18

De roh aijo' mongkonamo ia, butongnyo nupada-padahakon i tano', nganga'nyo mimbuha', bese'nyo koyokoban ka' iwi-iwi' na butongnyo timbalimo hojok. Pinoitangku da anu saja'; mombatuki Kita Tuuma molaa'akon roh ma'idek aijo', panyo madi' pinoko bau nu aha.”

MARKUS 9:20

Aha mule' nomboa anak aijo' hi Yesus. Salatan roh ma'idek aijo' nontoa i Yesus, binaunyo na butong nu anak aijo' i hojok sahingga anak aijo' nanabu' ka' kinumaliuntun i tano'. Nganga'nyo mimbuha'.

MARKUS 9:26

Roh ma'idek aijo' noloboo', lantas nombau butong nu anak aijo' i hojok, lapas aijo' nosabatmo lengkat hi anak aijo'. Anak aijo' otoa sumomo bangke' sahingga iwi-iwi' na mian notatae, “Ia sinilakamo!”

LUKAS 4:35

“Hokot!” sinegaan i Yesus na roh ma'idek aijo'. “Posabatmo lengkat hi mian aiya!” Lantas roh ma'idek aijo' nonsapahakon mian aijo' i ahop nu aha iwi-iwi', lapas aitu nosabatmo lengkat hi mian aijo', madi'mo nompasakiti.

LUKAS 8:29

Mian aijo' notatae sumo aitu, kalana i Yesus nompalentah roh ma'idek aijo' mosabat lengkat hi ia. Saja'mo ia nukona nu roh ma'idek aijo', sahingga mau mule' lima ka' tengkenyo o pungumo nu lante' ka' ia o toongi hoso-hoson hondo, ia daagi' moko botu'akon lante' aijo', lantas nuboa nu roh ma'idek i padang bone'.

LUKAS 9:38

Samian na mo'ane i totonga' nu mian da'isan aijo' noloboo', “Tuumangku Gulu', tulungi toakon na anakku – samba-sambatunyomo na anakku!

LUKAS 9:40

Pinoitangkumo na anu saja' mombatuki kita Tuumangku, da molaa' roh aijo', panyo madi' pinoko ala nu aha.”

YOHANES 8:44

Ibilis na tuuma miu, ka' komiu mongka'oho'mo mombatuki kahanda' nu tuuma miu. Lengkat pe'e imoonanyo Ibilis aijo' saja'mo nompatei. Ia madi' toho' mosambiha' i kahondoan, kalana madi' ko kahondoan hi ia. De ia baleko', aijo' pantas, kalana sumo aijo'mo na sipatnyo. Ia baleko' ka' pinolengkatan nu leko'.

1 PETRUS 5:8

Balajaga-jaga ahi' na komiu ka' mosadia! Kalana Ibilis atina'mo na sampo bali' miu. Ia sumo singa lumajang mokiijo', mo'uuka, ka' molohuu' molio kaanonnyo.

ANU PINOTO'I HI YOHANES 9:11

Aha daagi' ko tomundo'nyo anu mompalentah aha, ka' tomundo aijo' atina'mo na malaikat anu monjagai tumban nu kapatean aijo'. Sanggonyo i uno basa' Ibrani aijo'mo i Abadon; ka' i uno nu basa' Yunani Apolion (anu alati'nyo “Pongidei”).