LUKAS 9:32 - KITAB NU TUMPU ALLA LELE MA'IMAI'

³² Tempo'nyo aitu i Petrus tiba to sanga-sangalunyo kinahoyotanmo, panyo monti-montiik nobulamo ka' nontoa i Yesus jinongkilabanmo, ka' ua ua'aha na mian aijo' tinjo-tinjo tiba Ia.

LUKAS 9:32 Iomraidhean Croise

YESAYA 60:19

Beleyum madi'mo daagi' nu timpa'i nu singgit de sinaamo ka' mule' madi'mo palalu nu jingkai nu bitu'on de pihimo. Kalana Aku Tumpu na timbalimo jingka sampe toka sidu-sidutu' hi beleyum, Aku monjingkaimo beleyum nu kaholomatan-Ku.

DANIEL 10:9

Salatan aku nohongomo potataenyo pinoso'mo na aku sahingga tinondahapa i tano'.

DANIEL 8:18

Hau-haunyo ia notatae mae aijo' aku pinoso'mo. Panyo tinoongannyomo mae na aku ka' nontulungimo mae aku da po ule' tinuminjo. Lantas ia notataemo,

MARKUS 14:40

Lapas aijo' Ia po'ule' ninsusule' hi anu saja' mombatuki Ia ka' nontokai aha sahoyotnyo, kalana aha talalomo namatatundu'. Sahingga aha madi'mo monsumbu' apaa na anu tionyo otaloakon nu aha hi Yesus.

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

YOHANES 17:24

Kita Tuuma, Ku kahanda'i da aha anu binee'mo nu kita Tuuma hi beleng-Ku mogalum ka' Aku i tampat kajojoongan-Ku, da aha montoa kadaka'an-Ku; aijo'mo kadaka'an anu binee' nu kita Tuuma hi beleng-Ku, kalana kita Tuuma mongkalibosi Aku ma'isa pe'e dunia aiya pinotimbali.

2 PETRUS 1:16

Tempo'nyo kami nompoto'i hi belemiu i Yesus Kristus Tumpunto toka talasanggo hondo, kami madi' nohongo hi sisik anu toto bale-baleko' anu ola pohumpakan puji' nu mian. Katalasanggoan i Kristus aijo' tinoamo mami nu posi mata mami.

1 YOHANES 3:2

To Utu-utus anu okanonongi! Kita tempo' uuka to ana-anakmo nu Tumpu, panyo mosia na ka'ada'anto saidi' mae ma'isa nanasa. Panyo osumbu'to, saba' de i Kristus tokamo, kita timbalimo sumo Ia, kalana kita montoamo Ia anu sahondo-hondo-Nyo.