LUKAS 9:22 - KITAB NU TUMPU ALLA LELE MA'IMAI'

²² I Yesus po'ule' notatae, “Anak nu Mian memang tionyo mongoa'i sansala manjoo', ka' nu ewa nu to pola-polaya' tiba kapala nu to ima-imam, ka' gulu-gulu' agama. Ia tionyo o patei, panyo sinaa kototolu'nyo po'ule'mo opotumuu'!”

LUKAS 9:22 Iomraidhean Croise

KAJADIAN 3:15

Oko ka' boune aijo' saja' mompaha ka'i-ka'ideki, lee'nyo ka' lee'um saja' mompahabali'. Lee'nyo mohansuni ubakum ka' oko monsa'u pantigan nu aha.”

DANIEL 9:26

De lapasmo na aijo' polaya' anu pinile'anmo nu Tumpu opateimo, padahan ia madi' ko kasala'an. Sahingga tokamo mae na suludadu nu tomundo', samian na anu baani hondo lantas mohansunimo kota' Yerusalem tiba Laigan nu Tumpu. Kakiamatan tokamo mae susumo iaba' anu momboamo mae pahampahampatean tiba kahansunan susumo anu tinantukanmo nu Tumpu.

ZAKHARIA 13:7

Tumpu Anu Daka' na kuasanyo notatae, “Tinjomo mae o, bajak ka' tumbuhimo na polaya' potuu'on anu mokalaja hi beleng-Ku! Pateimo na Ia sahingga to domba-domba mosungke-sungkehetmo. Kutumbuhimo na mian anu palesayamo hi beleng-Ku,

MATIUS 17:12

Panyo Aku motatae hi komiu, i Elia tinokamo, panyo to mia-mian madi' monsumbu' ia; aha nombau ia, iyamo pongka'oho' nu aha. Ka' sumo aitumo na aha suele mombau Anak nu Mian.”

MATIUS 17:22

Tempo'nyo anu saja' mombatuki Yesus sinihukmo i Galilea, i Yesus notatae hi aha, “Madi'mo pin, Anak nu Mian o bee'mo hi kuasa nu mian.

MATIUS 27:63

ka' notatae, “Kita Tuan, kami tinonginau'mo tempo'nyo mian anu baleko' aijo' daagi' tumuu', Ia toho' notatae, ‘Sailapas tolunsinaa, Aku po'ule'mo tumuu'.’

MARKUS 8:31

Lapas aijo', i Yesus nontampu'unimo nongajan anu saja' mombatuki Ia tukoonyo, Anak nu Mian tionyo mongoa'i manjoo' na kasansala'an, ka' ogagakon nu to pola-polaya', kapala nu to ima-imam, ka' to gulu-gulu' agama. Ia opatei, panyo i sinaa kototolu'nyo Ia po'ule' opotumuu'.

MARKUS 9:31

kalana Ia hau-haunyo mongajan anu saja' mombatuki Ia. “Anak nu Mian obee'mo i kuasa nu mian,” sumo aijo' na koonyo i Yesus, “ka' Ia opatei, panyo sinaa ko totolu'nyo Ia po'ule'mo tumuu'!”

LUKAS 17:25

Panyo momonanyo Ia tionyo mongoa'i manjoo' na kasansala'an ka' madi' otalima nu to mia-mian tempo' uuka.

LUKAS 24:26

Te misa' Tomundo anu Momposalamat tionyo mongoa'i pe'e kasansala'an aijo', atina'je ka' mohumpak Kadaka'an?”

LUKAS 24:44

Lapas aijo' Ia notataemo hi aha, “Aiyamo na hahan anu pinoto'ingkumo hi komiu tempo'nyo Aku daagi' nojajalan tiba komiu: tukoongku apa-apaa na anu tinulis mongkona Aku i uno nu Kitab-kitab i Musa, to Nabi-nabi, ka' Mazmur, tionyo timbali.”

LUKAS 24:7

tukoonyo ‘Anak nu Mian tionyo obee' hi mian baladosa', lantas o salib, ka' i sinaa kototolu'nyo Ia po'ule'je tumuu'.’ ”

LUKAS 9:44

“O intomakon ima-ima' ka' boli okolilimi na potataeng-Ku aiya: Anak nu Mian tionyo obee' i kuasa nu mian.”

1 KORINTUS 15:4

saba' Ia i lamun panyo ilapas mae Ia po'ule'mo pinotumuu' i sinaa kino itolunnyo. Aijo' suele tinulismo i uno nu Kitab nu Tumpu.

1 PETRUS 1:11

Aha monselidiki mosia ka' hipian na han aijo' timbali, apaa na anu kokoonyo nu Roh i Kristus anu kiijo' i butong nu aha. Tempo'nyo aitu Roh-Nyo na nompoto'i hi aha mongkona kasansala'an-kasansala'an anu tionyo nu oa'i i Kristus ka' mongkona katalasanggoan-Nyo anu nutalimaje lapas aijo'.