LUKAS 9:18 - KITAB NU TUMPU ALLA LELE MA'IMAI'

¹⁸ Daagi' ko sansinaan tempo'nyo i Yesus hau-haunyo balado'a sausa', anu saja' mombatuki tinokamo hi Ia. I Yesus nompokilawamo hi aha, “Koonyo nu mian Aku aiya ihe?”

LUKAS 9:18 Iomraidhean Croise

MATIUS 14:23

Salatan mian da'isan aijo' mambamo, i Yesus noliba'mo i sa'angu' na bungkutnyo sausa'nyo da balado'a. Tempo'nyo aitu pinihimo, i Yesus daagi' kiijo' mae sausa'nyo.

MATIUS 26:36

Lapas aitu, i Yesus nambamo tiba anu saja' mombatuki Ia, i sa'angu' na tampat sanggonyo Getsemani. I kiijo' mae Ia notatae hi aha, “Suhangmo i aiya hau-haunyo Aku mamba balado'a.”

LUKAS 11:1

Daagi' ko sansinaan i Yesus binalado'a i sa'angu' na tampat. Noko balado'a sala'samian na anu saja' mombatuki Ia notatae, “Kita Tumpu, soba potingan mae na kami balado'a sumo i Yohanes nompotingan aha anu saja' mombatuki ia balado'a.”

LUKAS 3:21

Salatan iwi-iwi' na mian aijo' pinalamandikanmo, i Yesus suele pinalamandikanmo. Ka' hau-haunyo Ia binalado'a langit tinabuka'mo,

LUKAS 6:12

Tempo'nyo aitu i Yesus nindako i sa'angu' na bungkutnyo da balado'a. I kiijo' Ia binalado'a hi Tumpu sinampahu.

LUKAS 9:19

Aha nontaami, “Daagi' ko anu notatae, i Yohanes anu Mompalamandikan. Daagi' mule' ko anu notatae, i Elia, sangga'at mule' notatae, sala'samian na nabi naipuan mae anu po'ule'mo tinumuu'.”

LUKAS 9:28

Kila-kila sa'angu' na duminggu noko lapas na i Yesus nongajanakon hahan aijo', Ia nomboa i Petrus, i Yohanes tiba i Yakobus i bawo nu sa'angu' na bungkutnyo da balado'a.

LUKAS 9:29

Hau-haunyo i Yesus balado'a i kiijo', ohup-Nyo sinangalasanmo tiba baju'-Nyo nopute'mo lonyi-lonyingkaban.