LUKAS 9:1 - KITAB NU TUMPU ALLA LELE MA'IMAI'

¹ I Yesus nolagamo sampu-sampulu' ka' ohua' anu saja' mombatuki Ia, lantas nombee'i aha kuasa molaa' roh ma'idek ka' nompa'alin panyakit.

LUKAS 9:1 Iomraidhean Croise

MATIUS 16:19

Aku mombee'je hi beleyum gunsing lengkat i Dunia Bu'ou nu Tumpu. Apaa na anu nu poliwa'i i dunia, suele opoliwa'i i suluga'. Ka' apaa na anu nu pototu'u nu beleyum i dunia, suele mule' opototu'u i suluga'.”

MATIUS 4:24

Lele mongkona i Yesus aijo' tinolelemo i songko-songko na tano' Siria, sahingga manjoo' na mian tinoka hi Ia. Aha nomboamo mae to mia-mian anu mongoa'i manjoo' na lupa-lupa nu panyakit tiba kasusa'an. To mia-mian anu pininsoopanmo nu roh ma'idek, anu mongkingkimi ka' anu lupe, iwi-iwi' pina'alin i Yesus.

MATIUS 8:9

Kalana aku mule' tionyo mohongo i palentah nu Kapala, ka' i aluku daagi' mule' ko sulu-suludadu anu ku palentah, anu tionyo mohongo palentangku. De aku mompalentah samian na suludadu i alukku, ‘Lako'!’ ia suele mamba. Aku montaloakon hi anu sangga'at, ‘Imbo' aiya!’ ia mule' toka; ka' de aku mompalentah posaihonku, ‘Obau na aiya!’ ia mule' mombau.”

LUKAS 10:1

Lapas aijo' Tumpu nompile'i mule' pitumpulu' na anu saja' mombatuki, lantas nonsai aha toto ua'aha mamba i moona i toto sa'angu' na kota ka' tampat anu okahanda'i o lambani.

LUKAS 10:19

Osumbu'mo! Komiu binee'ankumo kuasa da komiu timbali mompeja' ulo tiba beyua' ka' mompato'i iwi-iwi' na kahosonan nu sampo bali', tiba madi' ko apa-apaa na anu timbali monsilakai komiu.

YOHANES 14:12

Totu'u hondo na potataeng-Ku aiya: Mian anu palesaya hi beleng-Ku tionyo mombau apaa na anu binaung-Kumo, – aitu pe'e ia tionyo mombau anu lebe daka' mule' – kalana aku mamba hi Tuuma.

SISIKON NU TO RASUL-RASUL 1:8

Panyo komiu mohumpakje kuasa, de Roh nu Tumpu tokamo hi komiu. Ka' komiu timbalimo bau sakisi-sakising-Ku i Yerusalem, i songko-songko Yudea, i Samaria ka' toka-toka i puus nu tano'.”

SISIKON NU TO RASUL-RASUL 3:16

To utu-utus nontoamo ka' nonsakisimo apaa na anu jinadimo tiba mian kapi' aiya. Ia po'ule'mo nahoson ka' sinehat kalana ia palesaya hi Yesus ka' kuasa-Nyo. Kalana palesaya hi Yesus, sahingga mian aiya po'ule'mo sinehat i ahop nu to Utu-utus iwi-iwi'.

SISIKON NU TO RASUL-RASUL 4:30

Otulungiakon-To mae da mian masakit opa'alin ka' anu okabangangi ka' hahan anu madi' toho' opia timbali kalana kakuasa'an ka' kahosonan anu nolengkat mae hi Yesus, Posaihon-To anu Susi' aijo'.”

SISIKON NU TO RASUL-RASUL 9:34

I Petrus notatae hi Eneas, “Eneas, i Yesus Kristus mompa'alinmo beleyum. Bulamo ka' poko piani na kamale'anum.” I Tempo'mo aitu na i Eneas nobula.