LUKAS 8:5 - KITAB NU TUMPU ALLA LELE MA'IMAI'

⁵ “Samian na topo ale' namba nonsau bine'. Hau-haunyo ia monsa'u, daagi' ko bine' anu ola nanabu' i jalan. Sambagian pineja' nu mian ka' sangga'at tinoluk nu tomonsi'.

LUKAS 8:5 Iomraidhean Croise

KAJADIAN 15:11

Antoknyo nu binatang haha aijo' tinengke'anmo nu to tomo-tomonsi' anu lewa' montoluk bangke', panyo i laa'an i Abram.

MAZMUR 119:118

Belento madi'mo mongala mian anu moselemo madi'mo montuluti atulan nu Belento, ola palansuma na aha kahanda'mo mombatekai.

MATIUS 13:37

I Yesus nontaami, “Mian anu monsa'u bine' anu ma'ima', aijo'mo na Anak nu Mian.

MATIUS 5:13

“Komiu timuson nu dunia. De timuson timbalimo matawas te daagi' opoko po'asing mule'? Madi'mo ko gunanyo, panyo o alin ka' o peja-peja' nu mian.

MARKUS 4:15

Bine' anu nanabu' i jalan, sumomo to mia-mian anu mohongo lele mongkona mosia na Tumpu mompalentah. Sala'je ihongo Ibilis tinoka ka' mongala apaa na anu sinau i uno nu kinyonyoa nu aha.

LUKAS 8:4

To mia-mian saja' toka hi Yesus lengkat mae i ngangahan nu kota. Ka' salatan nanjoo'mo na mian sinihuk, i Yesus nonsisikakonmo hi aha kantuangan sumo uuka:

LUKAS 8:6

Daagi' mule' ko anu ola nanabu' i tampat anu ko batunyo. Salatan tinumuu'mo, anu sinu'annyo aijo' ola nangkaluale, kalana tano'nyo madi' ma'omuk.

IBRANI 2:1

Mokonyo aijo' kita tionyo lebe totu-totu'u mintoong i pangajalan anu i hongontomo, da kita boli mompala'i kapalesaya'anto.