LUKAS 8:48 - KITAB NU TUMPU ALLA LELE MA'IMAI'

⁴⁸ I Yesus notatae hi ia, “Anak-Ku, kalana beleyum palesaya hi beleng-Ku, beleyum na'alin. Lako'mo sinalamatmo.”

LUKAS 8:48 Iomraidhean Croise

2 TOMU-TOMUNDO' 5:19

I Elisa notataemo, “Lako'mo ma'i-ma'ima'.” Lantas i Naaman nambamo. Madi' pinin salatan i Naaman nambamo,

NOSABATMO 4:18

Lapas aijo' i Musa ninsusule'mo i laigan hi Yitro tuuma nu bengkele'nyo, ka' notatae hi ia, “Pobee'mo mae na aku minsusule'mo mamba i Mesir molenga to utu-utusku ka' montoa pa' aha daagi' tutuu'.” I Yitro notatae hi Musa, “Timbali; mambamo ka' kopi-kopian mae.”

MATIUS 12:20

Balo anu mopekok madi' o pato'akon, pansona' anu mokokihom madi' o poho'. Ia bala usaha sampe ka'adilan o humpak;

MATIUS 8:13

Lantas i Yesus notatae hi suludadu aijo', “Pinsusule'mo, apaa na anu nu palesaya aijo' tionyo timbali.” Ka' tempo'nyo aitu mule' posaihonnyo aijo' na'alinmo.

MATIUS 9:2

I kiijo' mian nomboa hi Ia samian anu lupe, pinomale' i ampas. Tempo'nyo i Yesus nontoa kinodaka'nyo na palesaya nu to mia-mian haha aijo', Ia notatae hi mian lupe aijo', “Sabaan, anak-Ku! Dosa-dosa'um ingampunanmo.”

MATIUS 9:22

Tempo' aitu i Yesus nosiloi ka' nontoa boune aijo' balo notatae hi ia, “Posabaan anak-Ku! Kalana beleyum palesaya hi beleng-Ku, beleyum ma'alinmo!” Tempo'nyo aitu mule' i na'alinmo na boune aijo'.

MARKUS 5:34

Lantas i Yesus notatae hi boune aijo', “Anak-Ku, kalana beleyum palesaya hi beleng-Ku, beleyum ma'alin! Lako'mo ima-ima' beleyum sinehatmo totu-totu'u!”

LUKAS 17:19

Lantas i Yesus notatae hi mian aijo', “Bulamo ka' lako'mo. Kalana beleyum palesaya hi beleng-Ku, beleyum ina'alinmo.”

LUKAS 18:42

Lantas i Yesus notatae, “Desumo aitu, toamo! Kalana beleyum palesaya hi belengKu, beleyum ma'alinmo.”

LUKAS 7:50

Panyo i Yesus notatae hi boune aijo', “Kalana beleyum palesaya hi beleng-Ku, beleyum oposalamat. Lako'mo ma'i-ma'ima'!”

LUKAS 8:47

Boune aijo' tinonginau'mo, taalu' anu binaunyo sinumbu'mo. Jadi ia tinoka batuk nu lakat tinolodadupumo hi ahop i Yesus. Lantas sinisiknyo i ahop nu mian iwi-iwi', ka' kadaka' ia nontiik i Yesus, ka' mule' panyakitnyo na'alinmo tempo'nyo aitu mule'.

SISIKON NU TO RASUL-RASUL 14:9

Mian aijo', sinumuhang aijo' mae mohongo i Paulus notatae. I Paulus nontoa, mian aijo' palesaya ka' kalana aijo' ia pina'alinakon. Sahingga i Paulus nontonto'imo ia,

2 KORINTUS 6:18

Aku timbalimo Tuuma miu, ka' komiu timbalimo to ana-anak-Ku, sumo aitu na koonyo nu Tumpu Anu Matangkas na kuasanyo.”

IBRANI 4:2

Kalana Lele Ma'ima' aijo', pinolelemo hi kita pokakana sumo hi aha. Panyo hi aha lele aijo' madi' kino kaliangannyo. Kalana mau mule' i hongomo nu aha, aha madi' ahi' palesaya.

1 SAMUEL 1:17

Lantas notataemo na i Eli, “De sumo itina' pinsusule'mo ma'i-ma'ima'. O'amalakon da Tumpu Allah nu Israel mompopo ii'mo apaa na anu nu poita.”