LUKAS 8:47 - KITAB NU TUMPU ALLA LELE MA'IMAI'

⁴⁷ Boune aijo' tinonginau'mo, taalu' anu binaunyo sinumbu'mo. Jadi ia tinoka batuk nu lakat tinolodadupumo hi ahop i Yesus. Lantas sinisiknyo i ahop nu mian iwi-iwi', ka' kadaka' ia nontiik i Yesus, ka' mule' panyakitnyo na'alinmo tempo'nyo aitu mule'.

LUKAS 8:47 Iomraidhean Croise

MAZMUR 2:11

Sabole-boleh Tumpu na osombah ka' okabuhuk ka' tuluti na palentah-Nyo,

MAZMUR 38:9

Aku nohintutumo ka' madi' daagi' kokahosonan aku nolohehengmo kalana kinyonyoangku madi'mo sinanang.

MAZMUR 66:16

Tokamo mae ka' potombihingmo, o, belemiu iwi-iwi' mian anu tulu-tulutan, da ku sisikakonje hi belemiu na anu binaumo nu Tumpu hi belengku.

YESAYA 66:2

Songko-songko na dunia aiya, anu binau nu limang-Ku, saba' iwi-iwi' aijo' binaumo. Panyo anu Ku inde'i, aijo'mo mian anu ma'ima' na kinyonyoanyo, anu mongakui to dosa-dosa'nyo, anu mabuhuk ka' tulu-tulutan hi beleng-Ku.

HOSEA 13:1

Naipuan mae tulunan nu bansa Efraim o'angga'i hondo sahingga de kopalentahmo lengkat mae hi tulunan nu bansa aijo' to tulu-tulunan nu bansa sangga'at i Israel mabuhukmo. Panyo tulunan nu bansa Efraim binaladosa'mo, kalana nonsombahmo Baal.

HOSEA 5:3

Kusumbu' iwi-iwi' na kalakuan nu belemiu Israel! Madi' bisa na belemiu molahasiakon apa-apaa hi beleng-Ku. Beleyum nonsombahmo pilogot, ka' madi'mo nontuluti Aku. Kalana aijo' belemiu anu jojoong ikiijo' madi'mo daagi nonsombah Aku.”

HABAKUK 3:16

Nohongo aijo' kinyonyoangku ilakatnyomo, ka' biwingku suele ilangkakatanmo. Aku ilu'usmo madi'mo kinokahosonan, tengkengku tosumpunmo iyaya mae na kalajanganku. Pinotenangkumo na kinyonyoangku montanda'i; hukuman nu Tumpu anu opokona hi aha anu nontumbuhimo mae.

MATIUS 28:8

To bou-boune aijo' malia-lia' nompala'i kubulan aijo'. Kalana mongoa'i buhuk tiba lame' nogogalo'anmo, aha nopadeka' ka' nompoto'iakon han aijo' hi aha anu saja' mombatuki Yesus.

MARKUS 5:33

Boune aijo' anu monsumbu' apaa na anu tinimbalimo i butongnyo, i lakatnyo ka' nabuhuk ka' nonsombah i ahop i Yesus ka' ingakuannyo iwi-iwi'.

LUKAS 8:46

Koonyo i Yesus, “Panyo daagi' ko mian anu nontiik Aku. Kusumbu' na aijo', kalana daagi' ko kahosonan anu nosabatmo lengkat hi beleng-Ku.”

LUKAS 8:48

I Yesus notatae hi ia, “Anak-Ku, kalana beleyum palesaya hi beleng-Ku, beleyum na'alin. Lako'mo sinalamatmo.”

SISIKON NU TO RASUL-RASUL 16:29

Kapala nu talungku' aiya nompoita sulu' lantas nopadeka' i unonyo, ka' i lakatnyomo na ia dinumaladupu i ahop hi Paulus ka' hi Silas.

1 KORINTUS 2:3

Tempo'nyo aku tinokamo hi komiu, aku ilundengmo ka' ilakatmo nu buhuk.

2 KORINTUS 7:15

Uuka ia nompaka kalibosimo komiu, kalana nututugi komiu Utus iwi-iwi' mongka'oho' mohongo-hongo pongatunnyo, ka' mosia na komiu nontalimamo ia ka' nongadatimo ia ka' tulu-tulutan.

FILIPI 2:12

Mokonyo aijo', to Utu-utus anu okanonongi, susumo komiu saja' montuluti aku tempo'nyo aku daagi' itina' hi komiu, saba' lebe-lebe mule' uuka aiya tempo'nyo to majo'onanmo, tionyo ahi' komiu tataap montuluti aku. Komiu pinosalamatmo nu Tumpu Allah, jadi saja' ahi' o usahakon da kabilahian miu mompaka pa'ima'. Obau na aijo' bau pongadati ka' tulu-tulutan hi Tumpu,

IBRANI 12:28

Kalana aijo', kita tionyo ahi' montalima kase hi Tumpu, kalana kita montalimamo hi Ia sa'angu' na kalaja'an anu madi' tonggegut. Kita tionyo ahi' montalima kase ka' monsombah Tumpu, o angga'i ka' okabuhuk susumo anu pinoto'i-Nyomo ka' anu nu ka'ima'i.

1 SAMUEL 16:4

I Samuel nombaumo susumo anu pinoto'imo nu Tumpu. Salatan ia tinokamo i Betlehem, to pola-polaya' kiijo' i kota' kinobanga-bangangmo na nolabot ia, ka' nompokilawa, “Pa' katokaan nu belento Tuuma aiya momboa mae kasalamatan?”