LUKAS 8:43 - KITAB NU TUMPU ALLA LELE MA'IMAI'

⁴³ I kiijo' daagi' mule' ko samian na boune anu umunnyo sampulu'mo ohua' na taun masakit binuntulan nu home, ola kalana tinokamo na adat nu boune. Ia nongingkotimo iwi-iwi' na halata'nyo bau bapakuli' hi dokoten, panyo madi' ko anu noko pa'alinakon.

LUKAS 8:43 Iomraidhean Croise

2 TAWARIKH 16:12

I taun kino tolumpulu'nyomo ka' osio' na i Asa nompalentah ia kinonamo nu panyakit anu mahan hondo i tengkenyo ua-uambiha'. Maumo sumo aijo' ia madi'mo nomoita tulung hi Tumpu, panyo ola ahi' hi dokoten.

AYUB 13:4

kalana kaponga'an nu belemiu okulubimo nu belemiu nu han nu belemiu anu mongakali, madi' sala' sumomo ahi' sando anu madi' totu'u.

MAZMUR 108:12

O, Tumpu, pa' madi' mamba na Belento hingga-hinggat tiba kami? Pa' madi' mamba na Belento hingga-hinggat tiba suludadu mami?

YESAYA 2:22

Jadi boli montaha'imani mian anu madi' tumuu' batu kalana ia madi' ko angga'nyo.

MARKUS 12:44

Kalana aha iwi-iwi' mombee' labih nu halata'nyo. Panyo balu aijo' mau pe'e talalo kasiasi nombee'mo iwi-iwi' apaa na anu daagi' hi ia – aijo'mo anu nu palalui i kantumuu'annyo.”

MARKUS 9:18

De roh aijo' mongkonamo ia, butongnyo nupada-padahakon i tano', nganga'nyo mimbuha', bese'nyo koyokoban ka' iwi-iwi' na butongnyo timbalimo hojok. Pinoitangku da anu saja'; mombatuki Kita Tuuma molaa'akon roh ma'idek aijo', panyo madi' pinoko bau nu aha.”

LUKAS 13:11

I kiijo' daagi' ko samian na boune masakit sampulu'mo ka' uwalu' na taun, kalana daagi' ko roh ma'idek i uno nu butongnyo. Boune aijo' tabohukut ka' madi'mo moko tuminjo hodi-hodi'.

LUKAS 13:16

Yo, uuka aiya daagi' ko samian na boune lee' i Abraham, anu sampulu'mo uwalu' na taun na kopinnyo pinungu nu Ibilis. Pa' madi' ia olapasakon kiijo' pungu-pungu na ia i sinaa nu Sabat?”

LUKAS 8:27

Tempo'nyo i Yesus nintau'mo i katano'an, Ia i lambanan mae nu samian na mo'ane anu sinoku'onmo nu roh ma'idek. Mian aijo' lengkat mae i kota. Pininmo na ia madi' mibaju' ka' madi' mongka'oho' jojoong i laigan. Ia ola mongka'ima'i lewa' jojoong i liang pompo'una'an mian anu silakamo.

LUKAS 8:42

kalana samba-sambatunyomo na anaknyo boune umunnyo sampulu'mo ohua' na taun, me ise-ise' sinilakamo. Hau-haunyo i Yesus laja-lajang mokiijo' i laigan i Yairus, to mia-mian nogogensotanmo mokiijo' hi Ia anu lengkat iyayamae.

LUKAS 8:44

Boune aijo' nongohani Yesus lengkat mae i hiku, lantas nontiik puus nu juba'-Nyo. Sinangkinihap home nu boune aijo' kinowotmo.

YOHANES 9:1

Tempo'nyo i Yesus i lumajang, Ia nontoamo mian anu mapisok salatanmo pe'e i hampe.

YOHANES 9:21

Panyo nosia na ia ka' noko alamo nontoa uuka aiya, kami madi' monsumbu'. Ka' ihe na nompotimbali ia noko alamo nontoa aijo', kami mule' madi' monsumbu'. Pokilawamo hi ia, ia tu'amo; nu posi taamije.”

SISIKON NU TO RASUL-RASUL 3:2

I kiijo' mae i sabatan anu osanggohi “Sabatan Ma'ima'”, daagi' ko samian na mo'ane anu kapi' salatan pe'e i hampe. Toka sansina-sinaa mian aijo' oboa mokiijo' da momoita hi to mia-mian anu minsoop i Laigan nu Tumpu.

SISIKON NU TO RASUL-RASUL 4:22

Mian anu nongoa'i na'alinmo, anu okabangangi aijo', umunnyo labimo patom pulu' na taun.