LUKAS 8:40 - KITAB NU TUMPU ALLA LELE MA'IMAI'

⁴⁰ Tempo'nyo i Yesus ninsusule'mo i santoa nu dowiwi, ilame'mo na to mia-mian nompolabot Ia, kalana aha hau-haunyo solaa' montanda'i Ia.

LUKAS 8:40 Iomraidhean Croise

AMSAL 8:34

Mohumpak kasaangan i uno nu kantumuu'an na mian anu mompotombihing mae aku, anu toka sansina-sinaa sumuhang montanda'i isabatan nu laiganku, ka' balajaga-jaga isabatan daka'nu laigan kajo-kajojoonganku.

MATIUS 9:1

I Yesus sinumake' i duangan, lantas notaap i dowiwi, ninsusule'mo i kampung kinahampean-Nyo.

MARKUS 12:37

Jadi, de i Daud monsanggo Tomundo' Pomposalamat aijo' ‘Tumpu’, mosiamo na Ia timbali lee' i Daud?” Mian da'isan anu kiijo' i Laigan nu Tumpu, sanaang na mohongo i Yesus mongajan.

MARKUS 5:21

I Yesus ninsusule' mule' nokiijo' i santoa nu dowiwi. I biwi nu dowiwi aijo', da'isan na mian anu toka mogombu ka' montikubi i Yesus.

MARKUS 6:20

Kalana i Herodes nonsaimo mian monjagai ima-ima' kasalamatan i Yohanes i talungku', kalana ia mabuhuk hi Yohanes. Ia monsumbu' i Yohanes samian na anu ma'ima' anu sinai mae nu Tumpu. Ka' memang totu'u de i Yohanes motatae, i Herodes mongka'ima'i mompotombihing mau mule' kinyonyoanyo madi' sanang hondo kalana hi ia.

LUKAS 19:48

panyo madi' mohumpak jalan da obau na han aijo', kalana iwi-iwi' na mian saja' mohongo Ia, ka' mongka'ima'i potatae-Nyo.

LUKAS 19:6

I Zakheus lia-lia' nintau' ka' nontalima i Yesus, ka' ilame'mo.

LUKAS 5:1

Daagi' ko tempo' sa'angu' i Yesus tinuminjo i biwi nu Dowiwi Genesaret. Da'isan na mian anu nompaha genso-gensotmo da mohongo sisik lengkat mae hi Tumpu.

LUKAS 8:39

“Pinsusule'mo ka' polele apaa na anu binaumo nu Tumpu hi beleyum.” Saba' mian aijo' i namba nompoto'i songko songko na puus nu kota, apaa na anu binaumo i Yesus hi ia.

YOHANES 5:35

I Yohanes aijo' sumo sulu' anu moak ka' monjingkai. Madi' pin na komiu sanang montalima jingkanyo aijo'.

SISIKON NU TO RASUL-RASUL 10:33

Aijo' na sababnyo aku nalia-lia' nonsai mian mamba molaga i Tuan. Ka' i Tuan totu'u ma'ima' na kinyonyoa da toka mae. U'uka aiya kami iwi-iwi' silimu'mo i ahop nu Tumpu, da mohongo iwi-iwi' anu osaiakon nu Tumpu da otaloakon i Tuan hi kami.”