LUKAS 8:33 - KITAB NU TUMPU ALLA LELE MA'IMAI'

³³ I Yesus sinetuju, saba' to roh-roh ma'idek aijo' nosabat nompala'i mian ka' ninsoop i bau' haha aijo'. Lantas to bau-bau' haha aijo' nopadeka' ka' ningkanabu' nokaiyong i dowiwi ka' nolomos.

LUKAS 8:33 Iomraidhean Croise

MATIUS 8:32

“Lako'mo!” Koonyo i Yesus. To roh-roh ma'idek aijo' namba nompala'i mian ua'aha aijo', lantas ninsoop i uno nu to bau-bau' aijo'. Ka' bau' haha aijo' mule' nalaimo, ka' ningkanabu' i biwi nu tungebe nokaiyong i uno nu dowiwi, lantas nolomosmo.

LUKAS 5:1

Daagi' ko tempo' sa'angu' i Yesus tinuminjo i biwi nu Dowiwi Genesaret. Da'isan na mian anu nompaha genso-gensotmo da mohongo sisik lengkat mae hi Tumpu.

LUKAS 8:32

Koko tampat aijo', daagi' ko bau' manjoo' hondo anu hau-haunyo molio mongkaan i sohipi' nu bungkutnyo. To roh-roh ma'idek haha aijo' nongkakase hi Yesus da opobee' minsoop i uno nu to bau-bau' haha aijo'.

LUKAS 8:34

Anu monjagai bau' haha aijo' nontoa anu tinimbalimo aijo'. Saba' aha nopadeka'mo namba ka' nompaha poto'i lele aitu i kota, ka' i kampung toto ise-ise' anu mompaha ohani.

YOHANES 8:44

Ibilis na tuuma miu, ka' komiu mongka'oho'mo mombatuki kahanda' nu tuuma miu. Lengkat pe'e imoonanyo Ibilis aijo' saja'mo nompatei. Ia madi' toho' mosambiha' i kahondoan, kalana madi' ko kahondoan hi ia. De ia baleko', aijo' pantas, kalana sumo aijo'mo na sipatnyo. Ia baleko' ka' pinolengkatan nu leko'.

1 PETRUS 5:8

Balajaga-jaga ahi' na komiu ka' mosadia! Kalana Ibilis atina'mo na sampo bali' miu. Ia sumo singa lumajang mokiijo', mo'uuka, ka' molohuu' molio kaanonnyo.

ANU PINOTO'I HI YOHANES 9:11

Aha daagi' ko tomundo'nyo anu mompalentah aha, ka' tomundo aijo' atina'mo na malaikat anu monjagai tumban nu kapatean aijo'. Sanggonyo i uno basa' Ibrani aijo'mo i Abadon; ka' i uno nu basa' Yunani Apolion (anu alati'nyo “Pongidei”).