LUKAS 8:28 - KITAB NU TUMPU ALLA LELE MA'IMAI'

²⁸ Salatan nontoa i Yesus, ia noloboo'mo, lantas tinolodadupumo i ahop i Yesus, ka' notatae daka-daka', “Yesus Anak nu Tumpu Anu Matangkas na Kuasanyo! Nu posiamo na aku aiya? Ku poita boli monsakisa aku!”

LUKAS 8:28 Iomraidhean Croise

YESAYA 27:1

Tempo'nyo aijo' Tumpu monggunakonmo bajak-Nyo anu ko aja'nyo ka' ma katajom hondo kalana kahanda'mo mohukum ulo anu lewa'mo nombialos kahanda'mo mombutu', ka' mule' kahanda'mo mompatei talenga'nyo nu ulo i ambai.

MATIUS 8:29

Aha nosabat lengkat mae i bolo' nu kubulan, ka' ko kihi-kihis, “Anak nu Tumpu, nu posiamo na kami? Te Belento kahanda'mo monsakisa kami mau mule' ma'isa pe'e tempo'nyo?”

LUKAS 8:27

Tempo'nyo i Yesus nintau'mo i katano'an, Ia i lambanan mae nu samian na mo'ane anu sinoku'onmo nu roh ma'idek. Mian aijo' lengkat mae i kota. Pininmo na ia madi' mibaju' ka' madi' mongka'oho' jojoong i laigan. Ia ola mongka'ima'i lewa' jojoong i liang pompo'una'an mian anu silakamo.

LUKAS 8:29

Mian aijo' notatae sumo aitu, kalana i Yesus nompalentah roh ma'idek aijo' mosabat lengkat hi ia. Saja'mo ia nukona nu roh ma'idek aijo', sahingga mau mule' lima ka' tengkenyo o pungumo nu lante' ka' ia o toongi hoso-hoson hondo, ia daagi' moko botu'akon lante' aijo', lantas nuboa nu roh ma'idek i padang bone'.

YAKOBUS 2:19

Te madi' opalesaya miu Tumpu ola sa'angu'? Jadi to roh-roh ma'idek suele palesaya ka' nulakat nu kabuhukan na aha!

2 PETRUS 2:4

To mala-malaikat pe'e anu baladosa' madi' nu pojohok nu Tumpu da opobebas madi' mohumpak hukuman, panyo o'alin i uno nu nalaka. Aha oposoopmo i uno nu bolo' anu pintung da opo'una' i kiijo' sampe toka i Sinaa Pomputusianmo.

1 YOHANES 3:8

Panyo mian anu sabau-baunyo dosa' atina'mo na anak nu Ibilis, kalana Ibilis binaladosa' salatanmo pe'e momonanyo. Kalana han aijo' sahingga Anak nu Tumpu tinoka mae aijo'mo da monggalisi pakalaja'an nu Ibilis.

ANU PINOTO'I HI YOHANES 20:10

Lapas aijo' Ibilis anu nongakalimo aha aijo', i lumbu'akonmo i uno nu apu anu sumo ndalangon ka' belelang. I kiijo'mo na tampatnyo nu binatang ka' nabi anu madi' totu'u aijo' ingalin momonanyo. Aha sinakisamo sinaa ka' malom sampe toka sidu-sidutu'.