LUKAS 8:24 - KITAB NU TUMPU ALLA LELE MA'IMAI'

²⁴ Anu saja' mombatuki Yesus nambamo hi Ia, ka' nombulakon Ia. Aha notatae, “Tuumangku Gulu', Tuumangku Gulu', kita silakamo!” I Yesus nobula ka' nonsegai baleba', ka' bokon anu hau-haunyo kumelembuang aijo'. Baleba' ka' bokon aijo' binelenti ka' dowiwi aijo' tinendamo hondo.

LUKAS 8:24 Iomraidhean Croise

MAZMUR 65:7

Kalana kahosonan nu Belento, pinotinjomo nu Belento, na to bungku-bungkutnyo bau pompotoa kakuasa'an nu Belento anu moko ala hondo mombau apa-apaa.

YESAYA 50:2

Kadaka' aijo' aha mian anu palesayamo hi beleng-Ku mau samian madi' ko anu montaami mae, tempo'nyo Aku tokamo mae molaga aha? Pa' ugaat aha ola ahi' momohokot kalana monsangka Aku madi' moko ala mompobebas ka' mule' madi' moko ala momposalamat aha? Padahan mau ola Ku palentah na ambai timbali mo'oti, iwi-iwi na kaunyo timbali Ku pojadi padang tampat anu mateges, sahingga to ika-ikan matemo ka' mabusikmo.

YEREMIA 5:22

Aku na Tumpu; kadaka' belemiu madi'mo nongkabuhuk Aku? Sabenannyo belemiu tionyo ahi' langkakatan mae hi beleng-Ku! Aku na nompotimbali sonibi nu ambai binau potempasan nu ambai anu madi' nu poko ala nu tului sampe toka sidu-sidutu'. Ambai timbali mokokembong ka' bokon timbali mangamu', panyo madi' moko ala moliu-liu potempasan aijo.

NAHUM 1:4

Ia nonsegaimo ambai ka' nompo 'otimo iwi-iwi' na kaunyo pinojadimo notiis na ueenyo. Bungkutnyo nu Karmel ka' iwi-iwi na padang anu kiijo' i Basan madi'mo na omuk ka' kiijo' i Libanon nagayoumo iwi-iwi' na bunga-bunga.

MATIUS 14:30

Panyo salatan i Yesus nontoa, palias na kinodaka'nyo na baleba' i dowiwi aijo', ia nabuhukmo ka' nontampu'unimo tinonu'. “Tumpu, tulung!” ia noloboo'.

MATIUS 8:25

Lantas anu saja' mombatuki nambamo hi Ia ka' nombulakon Ia. “Kita Tuuma! Tulungi! Silakamo na kita!” Loboo' nu aha.

MARKUS 4:39

I Yesus nobula, lantas nonsegai baleba' aijo', ka' notatae hi dowiwi, “Hokot, tumendamo!” Baleba' aijo' binelenti, ka' dowiwi tinimbalimo nolino.

LUKAS 4:35

“Hokot!” sinegaan i Yesus na roh ma'idek aijo'. “Posabatmo lengkat hi mian aiya!” Lantas roh ma'idek aijo' nonsapahakon mian aijo' i ahop nu aha iwi-iwi', lapas aitu nosabatmo lengkat hi mian aijo', madi'mo nompasakiti.

LUKAS 4:39

I Yesus namba i kahoyotan nu totina aijo', lantas nolaa'mo anu nonsihabi aijo'. Anu nonsihabi aijo' i na'alinmo, tina nu bengkele' i Simon balo nobula ka' nongatuni apa-apaa na anu palalu hi aha.

LUKAS 5:5

“Tuumangku Gulu',” tinaaman i Simon, “Sinampahu na uutu kami binakalaja totu-totu'u, panyo madi' ko anu pini humpa-humpak! Panyo kalana opokaunto Tuumangku, ma'ima'mo; da po'ule' ku sambuangakon na buani'.”

LUKAS 8:25

Lantas i Yesus notatae hi anu saja' mombatuki Ia, “Ka' kadaka' komiu madi' palesaya hi beleng-Ku?” Aha binangang ka' nabuhuk. Ka' notatae na aha samian ka' samian, “Ihe sabenannyo na mian aiya sampe mompalentah baleba' ka' bokon, ka' Ia mule' i hongonyomo!”