LUKAS 8:22 - KITAB NU TUMPU ALLA LELE MA'IMAI'

²² Daagi' ko sansinaan i Yesus tiba anu saja' mombatuki Ia sinumake' i duangan. “Imbo' da kita mamba i santoa nu dowiwi,” koonyo i Yesus hi aha. Lantas aha nambamo.

LUKAS 8:22 Iomraidhean Croise

MATIUS 14:22

Lapas aijo' i Yesus nonsaimo anu saja' mombatuki Ia da sumake'mo i duangan, ka' momonanyo motaap pe'e i dowiwi, hau-haunyo Ia nonsaimo mian da'isan aijo' da minsusule'mo.

MATIUS 8:18

Manjoo' hondo na mian anu montikubi Yesus. Salatan i Yesus nontoamo aha iwi-iwi', Ia nompokaumo anu saja' mombatuki motaapmo i dowiwi.

MARKUS 5:21

I Yesus ninsusule' mule' nokiijo' i santoa nu dowiwi. I biwi nu dowiwi aijo', da'isan na mian anu toka mogombu ka' montikubi i Yesus.

MARKUS 6:45

Lapas aijo' i Yesus lia-lia' nonsai anu saja' mombatuki Ia namba imoona tiba duangan mokiijo' i Betsaida i santoa nu dowiwi, hau-haunyo aijo' Ia nonsaimo mian da'isan aijo' da ninsusule'mo.

MARKUS 8:13

Lantas i Yesus nompala'i aha, ka' ninsoop i uno nu duangan; lapas aijo' nambamo i santoa nu dowiwi aijo'.

LUKAS 5:1

Daagi' ko tempo' sa'angu' i Yesus tinuminjo i biwi nu Dowiwi Genesaret. Da'isan na mian anu nompaha genso-gensotmo da mohongo sisik lengkat mae hi Tumpu.

LUKAS 8:23

Tempo'nyo aha hau-haunyo tinalabut, i Yesus kinahoyotanmo. Monti-montiik baleba' makansang nombokolimo dowiwi aitu. Uee nontampu'unimo ninsoop i duangan, sampe nombahayaimo aha iwi-iwi'.

LUKAS 8:33

I Yesus sinetuju, saba' to roh-roh ma'idek aijo' nosabat nompala'i mian ka' ninsoop i bau' haha aijo'. Lantas to bau-bau' haha aijo' nopadeka' ka' ningkanabu' nokaiyong i dowiwi ka' nolomos.

YOHANES 6:1

Madi' pinin ilapas aijo', i Yesus nambamo i santoa nu Dowiwi Galilea, anu biasa osanggohi Dowiwi Tiberias.

SISIKON NU TO RASUL-RASUL 27:2

Kami sinumake' i kapan anu tinoka lengkat mae i Adramitium, lapas aijo' inamba tiba kapan aijo' anu sinadiamo talabut mokiijo' i to labu-labuan i Provinsi Asia. I Aristarkhus, mian nu Makedonia anu tinoka lengkat mae i Tesalonika, talabut suele hingga-hinggat tiba kami.