LUKAS 8:13 - KITAB NU TUMPU ALLA LELE MA'IMAI'

¹³ Bine' anu nanabu' i tampat anu ko batunyo sumomo mian anu mohongo lele aijo', kinyonyoanyo sanang na montalima. Panyo lele aijo' madi' nimbakat i kinyonyoa nu aha. Aha palesaya ola sasaingoni', ka' de soba'an toka, aha madi'mo mule' palesaya.

LUKAS 8:13 Iomraidhean Croise

AYUB 19:28

‘Mosia na kita mombau da okalakmo na Ia?’ Belemiu moliomo jalan da mahampalakalamo.

AMSAL 12:12

Mian anu ma'idek na kinyonyoanyo mongkahanda'i mohumpak ka untungan hi mian anu madi' talakana; panyo mian anu manonong sumomo kau' anu ko bua'nyo.

AMSAL 12:3

Madi' ko samian pe'e na moko ala tataap sanang na kantumuu'annyo kalana mombau palabuatan ma'idek; panyo mian anu madi' tageo' na kinyonyoanyo tataap madodo madi' opoko ala ogegut.

YESAYA 58:2

Aha monsombah Aku sansina-sinaa, ka' mongka'ima'i monsumbu' kahanda'-Ku da kokoonyo aha nombaumo anu ma'ima', ka' nontulutimo atulan-Ku. Aha notatae, tukoonyo nu aha sanang hondo na aha monsombah Aku ka' mongka'ima'i atulan-Ku anu adin.”

YEHEZKIEL 33:32

Beleyum o'anggap mian anu saja' manyanyi anu monyanyiakon palasinta'an anu sualanyo ma'ima' hondo ka' mule' pande na mongkuti' kasapi'. Memang nu hongo ahi' nu aha na potatae nu beleyum panyo madi' ahi' montuluti.

HOSEA 6:4

Panyo Tumpu notataemo, “O Israel tiba Yehuda! Apaa na anu tionyo Ku bau hi belemiu? Liibosum hi beleng-Ku malia' hondo saimpotulu susumo sehu' kabai dondu'ok daagi' subu-subu hondo.

MARKUS 6:20

Kalana i Herodes nonsaimo mian monjagai ima-ima' kasalamatan i Yohanes i talungku', kalana ia mabuhuk hi Yohanes. Ia monsumbu' i Yohanes samian na anu ma'ima' anu sinai mae nu Tumpu. Ka' memang totu'u de i Yohanes motatae, i Herodes mongka'ima'i mompotombihing mau mule' kinyonyoanyo madi' sanang hondo kalana hi ia.

LUKAS 8:12

Bine' anu nanabu' i jalan sumomo to mia-mian anu mohongo potatae aijo'. Panyo Ibilis tinoka ka' nongagoi lele aijo' i kinyonyoa nu aha, da aha boli palesaya ka' oposalamat.

LUKAS 8:14

Bine' anu nanabu' i totonga' nu hemput hii'on, sumomo mian anu mohongo lele aijo', panyo bata-bata i kantumuu'an nu aha, ka' mongindi tumuu' molabi ka' sanang i dunia aiya. Iwi-iwi' aijo' mompeedi aha sahingga madi' mohasinakon bua' matantu.

YOHANES 15:2

To panga-panga' anu hi beleng-Ku anu madi' mimbua' nu tutu'akon-Nyo, ka' to panga-panga' anu mimbua' nuga'ai na hoon-Nyo ka' nu tetep da lebe mahampe na bua'nyo.

YOHANES 15:6

Mian anu madi' saja' mosa'angu' tiba Aku, o'alin sumo panga', lantas timbali manggas. To panga-panga' susumo aijo' olimu' ka' olumbu'akon mokiijo' i uno nu apu.

YOHANES 5:35

I Yohanes aijo' sumo sulu' anu moak ka' monjingkai. Madi' pin na komiu sanang montalima jingkanyo aijo'.

1 KORINTUS 13:2

Mau mule' aku pande na mompotokakon lele lengkat mae hi Tumpu, ka' monsumbu' iwi-iwi' ilimu', ka' monsumbu' iwi-iwi na apaa, ka' mule' talalo palesaya hi Tumpu sahingga timbali moko ala molalin bungkutnyo, panyo aku madi' mongkalibosi to mia-mian sangga'at, saba' aku madi' ko alati'nyo apa-apaa!

1 KORINTUS 15:2

De komiu montoongi dodo-dodo apaa na anu pinolelengkumo aijo', yo Lele Ma'ima' aijo' momposalamat komiu; asan ahi' boli ola kita Utus palesaya padahan madi' mangalati'.

GALATIA 3:1

To Utu-utus mian nu Galatia! Komiu talalo hondo ponga'! Pa' ihe na nonsale'i komiu? I Kristus sinilaka kalana sinalib pinotalangkumo sahondo-hondonyo hi komiu!

GALATIA 3:4

Te ola palasuma na iwi-iwi' anu ingoa'anmo miu aijo'? Te ola palasuma!

EFESUS 3:17

Ku'amalakon kalana komiu pinalesayamo hi Kristus, i Kristus jojoongmo i uno nu kinyonyoa miu, ka' kantumuu'an miu mompintoongimo ka' nu kuasaimo nu kalibosan.

KOLOSE 1:23

Panyo tantu komiu tataap ahi' saja' palesaya, ka' tuminjo hoso-hoson i kapalesaya'an miu. Boli saidi' mae komiu molapasakonmo anu otaha'imani, anu binee'mo hi komiu salatan komiu nontalimamo Lele Ma'ima' lengkat mae hi Tumpu. Lele aijo' pinokalebamo hi toto samian i songko-songko na dunia. Ka' kalana aijo' suele aku, i Paulus, tinimbalimo posaihon.

KOLOSE 2:7

ka' mimbakatmo hi Ia. Tionyo ahi' komiu tumuu'mo hi Kristus salaku bau kahosonan. Tionyo ahi' komiu mompaka palesayamo hi Kristus, susumo apaa na ingajanakonmo hi komiu. Ka' tionyo ahi' kinyonyoa miu saja' montaloakon talima kase.

1 TESALONIKA 3:5

Mokonyo aijo' aku nonsaimo i Timotius, kalana aku mongka'oho' hondo monsumbu' mosia na kamajuan miu i uno nu han palesaya hi Kristus. Aku bata-bata dumo Ibilis lako' monggoda komiu, sahingga iwi-iwi' na lawe mami ola palasuma.

1 TIMOTIUS 1:19

Bala usaha mintoong i kapalesaya'an anu totu'u ka' obau ahi' nu kinyonyoa anu ma'ima' ka' susi'. Daagi' ko to mia-mian anu madi' montapali posi isi nu kinyonyoanyo anu ma'ima', sahingga natemo na kapalesaya'an nu aha.

IBRANI 10:39

Kita aiya misa' mian anu tolo sule' ka' sala' na jalan. Panyo kita mian anu pinalesayamo hi Tumpu ka' anu pinosalamatmo.

YAKOBUS 2:26

Yo, susumo butong madi'mo ko rohnyo atina' butong anu i sinilakamo, sumo aitumo suele na iman de madi' ko bukuti'nyo i han anu ma'ima', atina' iman anu sinilakamo.

2 PETRUS 2:20

Mian anu monsumbu' Tumpu ka' anu Momposalamat kita aijo'mo i Yesus Kristus, madi'mo nukuasai nu dunia anu mompohenyu mian. Panyo de lapas aijo' ia po'ule' mule' tagoda sahingga nuhungku'i mule' nu kuasa haha aijo', saba' bauon nu mian aijo' ahennyo lebemo ma'idek nulingkuduimo na anu momonanyo.

2 PETRUS 2:22

Apaa na anu binaumo nu aha mompototu'umo kahondoan nu basa' aiya, “Dedeng po'ule'mo mongkaan apaa na anu i lua'akonnyomo,” ka' “Bau' anu pinindi'mo po'ule'mo mingkaliade' i uno nu hensek.”

1 YOHANES 2:19

Anu monsampo Bali' i Kristus aijo', atina'mo to mia-mian anu nompala'imo kita, kalana aha memang misa' to mia-mian gampanto. De aha to mia-mian gampanto, tantu aha tataap hi kita. Panyo aha nompala'imo kita, da manasa saba' madi' ko samian pe'e anu aijo' hi aha na totu-totu'u tonsoop timbali gampanto.

YUDAS 1:12

Tempo'nyo komiu nombau bau-bauon nongkakaan, kalakuan nu mian haha aijo' nonsaduakonmo komiu to'ua. Kalana aha mongkaan mabebes madi' ko ambangnyo, ka' ola mosi tutugi posi butong. Aha sumo sehu' anu nu puhakon nu mombuun, panyo madi' montudunakon ujan. Aha mule' suele sumo kau' anu madi' mimbua' mau mule' lonunyomo nu pimbua'an nu kau'; to kau-kau' anu ginautakonmo na bakatnyo ka' i nanggasmo hondo-hondo.