LUKAS 7:7 - KITAB NU TUMPU ALLA LELE MA'IMAI'

⁷ Aijo' na sababnyo aku madi' baani na mangadap hi Kita Tuuma. Jadi, ola o palentahkon da pokauhonku ma'alin.

LUKAS 7:7 Iomraidhean Croise

MAZMUR 107:20

Ia nompa'alinmo aha ola pinalentah-Nyo, ka' nompolapasmo aha da boli minsoop i bolo nu kubun.

MAZMUR 33:9

Kalana Ia notatae, lantas iwi-iwi' pinotimbalimo Ia nompalentahmo, sahingga iwi-iwi' daagi'mo.

NOSABATMO 15:26

Tumpu nompoto'imo, “Tuluti na Aku totu-totu'u, ka' obau apaa na anu koong-Ku ma'ima', obau na aijo', tuluti iwi-iwi' na palentah-ngKu. De aijo' obau nu belemiu, belemiu madi' Ku hukum nu to panya-panyakit anu Ku pokona hi mian nu Mesir. Akumo na Tumpu anu nompo'alinmo belemiu.”

MARKUS 1:27

Iwi-iwi' na mian binangang hondo, ka' sinailapas aha notatae samian ka' sangga'at, “Ibeh apaa na aiya? Sa'angu' na pokinde' anu sala'je! Tiba palentah ka' kuasanyo, Ia mompalentah to roh-roh ma'idek nosabat, ka' aha nohongo Ia!”

LUKAS 4:36

Iwi-iwi' na mian binangang, ka' notatae samian ka' samian, “Palias hondo na potatae-Nyo. Ko angga'nyo ka' ko kuasa-Nyo na Ia nompalentah to roh-roh ma'idek mosabat, ka' aha mule' nosabatmo!”

LUKAS 5:13

I Yesus nompanya mian aijo' ka' notatae, “Aku mongka'oho', pa'alinmo!” Tempo'nyo aijo' panyakitnyo i na'alinmo.

LUKAS 7:6

Sahingga i Yesus namba hingga-hinggat tiba aha. Salatan i Yesus malia'mo toka i laigan aijo'. Suludadu aijo' nonsai to sanga-sangalunyo mamba hi ia da mompoto'i, “Bolimo kita Tuuma basusa-susa' mokiijo' i laiganku. Aku ma'isa pantas montalima kita Tuuma i laiganku.

LUKAS 7:8

Kalana aku suele ta'aluk i palentah anu i bawongku, ka'i alukku daagi' suele ko to sulu-suludadungku anu tionyo mohongo palentangku. De aku mompalentah samian na suludadu, ‘Lako'!’ ia mule' mamba; ka' de aku montaloakon hi sangga'at. ‘Imbo' aiya!’ ia mule' toka. Ka' de aku mompalentah posaihonku, ‘Bau na aiya!’ ia tionyo mombau.”

PO'ULE' INGULIT 32:39

Soba toa, olamo Aku sa'a-sa'angu'nyo na Tumpu Allah, madi' ko Tumpu Allah sangga'at, olamo ahi' Aku. Aku mompatei ka' mompotumuu', mombelai ka' mompa'alin. De aku mombaumo apaa na anu ku kahanda'i, madi' ko samian pe'e na anu moko ala mongewa.

1 SAMUEL 2:6

Tumpu mompatei, ka' mule' Ia mompotumuu' I dunia nu mian anu sinilakamo tinau akon-Nyomo na manusia. Ka' mule' Ia na mohangkat lengkat i kiijo'.