LUKAS 7:6 - KITAB NU TUMPU ALLA LELE MA'IMAI'

⁶ Sahingga i Yesus namba hingga-hinggat tiba aha. Salatan i Yesus malia'mo toka i laigan aijo'. Suludadu aijo' nonsai to sanga-sangalunyo mamba hi ia da mompoto'i, “Bolimo kita Tuuma basusa-susa' mokiijo' i laiganku. Aku ma'isa pantas montalima kita Tuuma i laiganku.

LUKAS 7:6 Iomraidhean Croise

KAJADIAN 32:10

Aku madi' pantas montalima iwi-iwi' na kalibosan ka' kanonongan anu pinotoamo nu Tumpu hi belengku. Tempo'nyo aku nambamo mae notaap i Kaunyo nu Yordan, aku madi' mae nomboa apa-apaa, boli mompiakon tokon. Uuka aiya aku minsusule'mo mae tiba ohua' na tompukan aiya.

AMSAL 29:23

Mian anu takabun saidi mae madi'mo o'adati mian anu madi' takabun saidi mae o puji'mo.

MATIUS 20:28

Pokakana sumo Anak nu Mian aijo' suele Ia toka misa' da okalibosi, panyo da mongkalibosi, ka' mombee' nyawa-Nyo bau pompobebas mian da'isan.”

MATIUS 3:11

Aku mompalamandikan komiu nu uee da momponyata' saba' komiu binala tobatmo i dosa-dosa' miu; panyo lapas na aku tokaje mae na anu mompalamandikan komiu nu Roh nu Tumpu tiba apu. Ia lebe daka' molingkudui aku. Ka' momboa sapatu-Nyo pe'e aku madi' pantas.

MARKUS 5:24

Sahingga i Yesus namba nohingga-hinggat i Yairus. Da'isan na mian mombatuki Ia ka' mompakisa da ohani hi ia.

LUKAS 5:8

Salatan i Simon nontoa aijo', ia tinolodadupu nonsombah i ahop i Yesus, ka' notatae, “Pala'imo na aku Tumpu! Kalana aku mian baladosa'!”

LUKAS 7:4

Salatan tinokamo hi Yesus, to mia-mian haha aijo' nongkakase da Ia montulungiakon suludadu aijo'. “Suludadu aijo' pantas otulungi nu kita Tuuma,” koonyo nu aha hi Yesus,

LUKAS 7:5

“kalana ia mongkalibosi bansanto, ka' nompotinjomo laigan pogalejaan mami.”

LUKAS 7:7

Aijo' na sababnyo aku madi' baani na mangadap hi Kita Tuuma. Jadi, ola o palentahkon da pokauhonku ma'alin.

LUKAS 8:49

Hau-haunyo i Yesus daagi' motatae, samian na posaihon tinokamo lengkat mae i laigan i Yairus. Ia notatae hi Yairus, “Anak langkoyang nu kita Tuan sinilakamo. Bolimo kita Tuan momposusa' mule' Tuumanto Gulu'.”

SISIKON NU TO RASUL-RASUL 10:38

Komiu nonsumbu'mo saba' Tumpu nompile'imo i Yesus mian nu Nazaret aijo' ka' nombee' hi Ia Roh nu Tumpu ka' kuasa. Komiu mule' nonsumbu'mo saba' i Yesus namba iyaya mae da mombau anu ma'ima'; Ia nompa'alin iwi-iwi' mian anu kinuasanmo nu Ibilis, sabab Tumpu mongkalibosi Ia.

YAKOBUS 4:10

Tionyo ahi' komiu mompati'alukakon butong hi ahop nu Tumpu, sahingga nu hangkatje nu Tumpu na komiu.

YAKOBUS 4:6

Mau mule' sumo aijo', balakat nu Tumpu anu binee'nyomo hi kita lebe daka' molingkudui pongka'oho' nu rohto aijo'. Mokonyo aijo' i uno nu Kitab nu Tumpu tinulis mule', “Tumpu mompisala'i anu ko bubuun, panyo mule' Ia mongkalibosi mian anu kinyonyoanyo mati aluk.”