LUKAS 7:40 - KITAB NU TUMPU ALLA LELE MA'IMAI'

⁴⁰ Lantas i Yesus notatae hi Simon, “Simon, daagi' ko apa-apaa anu ka'oho' Kutaloakon hi beleyum.” “Ii', Tuumangku Gulu',” tinaaman i Simon, “taloakonmo.”

LUKAS 7:40 Iomraidhean Croise

1 TOMU-TOMUNDO' 2:14

Lantas ia po'ule' notatae, “Daagi' ko anu kahanda' ku poita hi belento pontina'on.” “Apaa?” na pinokilawa i Batsyeba.

YEHEZKIEL 33:31

Aha toka mae manjoo' hondo na mian ka' salaku mian anu palesayamo hi belengku, aha sumuhangmo mompotombihing potatae nu beleyum, panyo apaa na anu nu palentahkon nu beleyum madi' ahi' nu tuluti nu aha. Biwi nu aha montaloakon potatae mongka'ima'i panyo kinyonyoa nu aha na ola ahi' mompotutugakon mosia na mohumpak ka'untungan.

MALEAKHI 1:6

Tumpu Anu Daka' na kuasanyo notataemo hi to ima-imam, “Samian na anak mongadati tuumanyo, ka' mule' samian na posaihon mongadati tuannyo. Aku aiya Tuuma nu beleyum; kadaka' belemiu madi' mongadati Aku? Aku aiya tuan nu beleyum; kadaka' belemiu madi' mabuhuk hi beleng-Ku? Belemiu mongalu Aku, panyo belemiu mompokilawa, ‘Tiba jalan nosia na kami nongalumo Belento?’

MATIUS 26:49

Salatan tinoka i tampat aijo', i Yudas lau-laus namba hi Yesus ka' notatae, “Tabea', Kita Tuumangku Gulu'!” Lantas ia nongooki i Yesus.

MATIUS 7:22

I Sinaa Kakiamatan da'isan na mian motatae hi belengku, ‘Tumpu, Tumpu, te misa' sanggonto na o pake mami mompotoka potuunon nu Tumpu? Ka' te misa' sanggo nu Tumpu suele, kami mule' nola'mo to roh-roh anu ma'idek, ka' nombau manjoo' na anu okabangangi?’

LUKAS 18:18

Samian na Polaya' nu Yahudi nompokilawa hi Yesus, “Tuumangku Gulu' anu ma'ima', apaa na tionyo kubau da mohumpak tumuu' kopian sidu-sidutu'?”

LUKAS 5:22

Nusumbu' i Yesus apaa na anu pinokilawa nu aha. Jadi Ia notatae, “Ka' kadaka' komiu mompokilawa sumo aitu i uno nu kinyonyoa miu?

LUKAS 5:31

I Yesus nontaami, “Mian anu mahoson madi' mompalalui dokoten; ola mian anu masakit.

LUKAS 6:8

Panyo nusumbu' i Yesus na tanga'an nu aha. Sahingga Ia notatae hi mian anu limanyo lupe aijo', “Imbo' tinjo aiya i ahop!” Mian aijo' nobula, ka' tinuminjo i kiijo'.

LUKAS 7:39

Salatan mian nu Farisi anu nolaga i Yesus nontoa han aijo', ia notataemo i kinyonyoanyo, “De mian aiya nabi, tantu nusumbu' ihe na boune aijo' anu nongkanyang Ia, apaa mule' boune aijo' tumuu' i uno nu dosa'!”

LUKAS 7:41

I Yesus notatae, “Daagi' ko ua'aha na mian anu bina samaya' hi mian anu nonsabonakon doi. Samian binasamaya' lima'atu na doi salaka, ka' anu samian mule' limampulu' na doi salaka.

YOHANES 13:13

Komiu molaga Aku Gulu' ka' Tumpu. Memang ahi' sumo aijo'.

YOHANES 16:19

Nusumbu' i Yesus na aha kahanda'mo mompokilawa hi Ia. Jadi Ia notatae, “Uuka tinaloakon-Ku, ‘Me sasaingoni' komiu madi'mo montoa Aku, ka' mule' me sasaingoni' komiu po'ule'je montoa Aku.’ Aijo'mo na lewa' opo ileeki' nu bubuu' komiu?

YOHANES 16:30

ka' osumbu' mami te Tumpu monsumbu' iwi-iwi'. Madi' pilenje samian mompokilawa apa-apaa hi Tumpu. Kalana aijo' opalesaya mami Tumpu nolengkat mae hi Tumpu.”

YOHANES 3:2

Ia tinoka pihi-pihi hi Yesus ka' notatae, “Tuumangku Gulu', osumbu' mami na Kita Tuuma sinai mae nu Tumpu. Kalana madi' ko samian anu moko ala mombau anu okabangangi susumo anu binau nu Kita Tuuma, de Tumpu madi' montombaya'i ia.”