LUKAS 7:39 - KITAB NU TUMPU ALLA LELE MA'IMAI'

³⁹ Salatan mian nu Farisi anu nolaga i Yesus nontoa han aijo', ia notataemo i kinyonyoanyo, “De mian aiya nabi, tantu nusumbu' ihe na boune aijo' anu nongkanyang Ia, apaa mule' boune aijo' tumuu' i uno nu dosa'!”

LUKAS 7:39 Iomraidhean Croise

2 TOMU-TOMUNDO' 5:20

i Gehazi posaihon i Elisa, binapikinmo, “Ibeh kadaka' ia pinobee'mo namba madi' nombayan? Sabenannyo Tuan aku mongala ahi' anu pinombayan nu mian Siria aijo'. I uno nu sanggo nu Tumpu anu tumuu', tionyo ku loloi'mo na ia, da mohumpak apa-apaa mae hi ia!”

AMSAL 23:7

Kalana, ia saidi mae motatae, “Imbo' da mongkaan; mompaka tuangi pe'e,” padahan makisudnyo misa' sumo aijo'. Ia ola motatae ma'ima', panyo kinyonyoanyo sangalasan.

YESAYA 65:5

Aha notatae, ‘Lako'mo patikojo'on boli mondedes kami kalana kami susi' ka' madi'mo mati ohani tiba belemiu!’ Aku madi'mo moko ala montoa kalakuan nu aha! Tambuha'-Ku hi aha sumomo apu anu madi' toho' mate.

MATIUS 20:16

Lantas i Yesus po'ule' notatae, “Sumo aitumo na to mia-mian anu tongkoimihi, timbali anu i moona, ka' to mia-mian anu i moona timbali anu tongkoimihi.”

MATIUS 21:11

“Ia Nabi Yesus, lengkat mae i Nazaret i Galilea,” tinaaman nu mian da'isan anu nonsampo jalan i Yesus.

MARKUS 7:21

Kalana lengkat i unonyo, aitumo lengkat i uno nu kinyonyoa, lubat na pikilan-pikilan ma'idek anu monsabapi mian mombau anu masala', montomang, mompatei,

LUKAS 12:17

Mian kaya aijo' nontampu'unimo binapikin i uno nu kinyonyoanyo, ‘Madi'mo daagi' ko tampat bau pompo'una'an hasin nu tano'ku. Mosia na pikilanku tempo' uuka?’

LUKAS 15:2

To mia-mian Farisi ka' to gulu-gulu' agama mulaimo nompisala'i. Aha notatae, “Se', na mian aiya montalima to mia-mian anu madi' ma'ima', ka' aijo' mongkaanmo hingga-hinggat tiba aha!”

LUKAS 16:3

Saba' pongulus doi aijo' binapikin, ‘Apaa na kubau uuka? Tuanku ka'oho'mo mompobelenti aku. Mompason, aku madi' mahoson; lewa' momoita aku ma'ambang.

LUKAS 18:4

U'utu mae mian kopian aijo' madi' mongka'oho' montulungi balu aijo'. Panyo ahennyo mian kopian aijo' binapikinmo, ‘Mau mule' aku madi' mabuhuk hi Tumpu, ka' madi' mompajuli mau mule' pa' ihe,

LUKAS 3:8

Potoa'i kalakuanum, de komiu binala tobatmo, madi'mo mombau dosa-dosa' miu! Boli montampu'uni motatae, tukoo miu i Abraham aijo' mompolee' miu! Inau': Te batu pe'e aiya, Tumpu moko ala mombau lee' i Abraham!

LUKAS 7:16

Iwi-iwi' na mian nabuhukmo ka' nontampu'uni nompuji' Tumpu Allah. Koonyo nu aha, “Samian na nabi daka' tinokamo i totonga'to! Tumpu tinokamo da momposalamat miannyo anu palesayamo!”

LUKAS 7:37

I kota aijo' daagi' ko samian mule' na boune anu tumuu' i uno nu dosa'. Tempo'nyo ia nohongo i Yesus hau-haunyo mongkaan i laigan nu mian Farisi aijo', ia tinoka ka' nomboa sa'angu' na boton pualam ko isinyo minya-minya' manohong.

LUKAS 7:38

Ia tinuminjo i hiku i Yesus koko tengke-Nyo, ka' i humaang ka' nohumpisi tengke i Yesus nu lolu'nyo. Lapas aijo' tengke i Yesus ingambu'annyomo nu ubaknyo, lantas ingookannyo ka' dinudu'annyo nu minya-minya' manohong.

LUKAS 7:40

Lantas i Yesus notatae hi Simon, “Simon, daagi' ko apa-apaa anu ka'oho' Kutaloakon hi beleyum.” “Ii', Tuumangku Gulu',” tinaaman i Simon, “taloakonmo.”

YOHANES 4:19

“Uuka aiya kusumbu' kita Tuan samian na Nabi,” na koonyo nu boune aijo'.

YOHANES 7:12

Da'isan na mian lewa'mo mongoyongakon Ia. Daagi' ko anu motatae, “Ia mian ma'ima'.” Daagi' mule' ko anu motatae, “Madi'! Ia monsaduakon pikilan nu mian da'isan timbali ponga'.”

YOHANES 9:24

Lantas aha po'ule' nolaga mian anu u'ukanyo mapisok aijo' ka' notatae hi ia, “Basumpa' da beleyum motatae anu sahondo-hondonyo. Osumbu' mami mian aijo' mian baladosa'.”