LUKAS 7:25 - KITAB NU TUMPU ALLA LELE MA'IMAI'

²⁵ Komiu namba montoa apaa? Samian na anu mimbaju' ma'ima'? To mia-mian anu mipake sumo aijo', ka' anu tumuu' molabi jojoong i laigan nu tomundo!

LUKAS 7:25 Iomraidhean Croise

2 SAMUEL 19:35

Umunku walumpulu'mo na taun, ka' madi'mo ko anu timbali momposanang kinyonyoangku. Madi'mo ko anu ku oa'i sanang na anu ku kaan kabai ku inum, ka' madi'mo moko ala mohongo anu manyanyi. Aku monsansalamo belento Tomundo'.

1 TOMU-TOMUNDO' 10:5

mosia na ia mongatun anu ko pangkatnyo mokalaja i laigan nu tomundo' ka' mule' pibaju' nu aha anu pokakana na buhitnyo, ka' laigan kajojoongan nu aha. Ia nontoamo kaanon ka' anu o inum tinatuakon, mosia na to pangga-panggalima mokalaja i bau-bauon, ka' iwi-iwi' na koloban anu osombahkon i Salomo hi Laigan nu Tumpu. Tomundo' boune nu lipu' Syeba salatan nontoamo aijo' iwi-iwi', binangangmo ka' naha unda'anmo.

2 TOMU-TOMUNDO' 1:8

“Juba'nyo ka' pombutu'nyo kilit na binau,” na koonyo nu aha. “O, itina' i Elia!” na koonyo i tomundo'.

ESTER 1:11

Pinalentahnyo na aha aitu da mamba mompoboa mae i Wasti Bengkele'nyo ka' momposongko' mae songko' nu kalaja'an. Bengkele' nu tomundo aijo' handa hondo, i tomundo kahanda' mompotoa kahandanyo aijo' hi to mia-mian anu kopangkat matangkas ka' hi to mia-mian anu i laganyomo i bau-bauon aijo'.

ESTER 1:3

I taun kototolu'nyomo na ia nompalentah, i Tomundo' Ahasyweros nombaumo bau-bauon anu daka' hondo, da molaga iwi-iwi' na anu ko pangkatnyo matangkas tiba to pega-pegawenyo. To tale-talenga' nu Persia tiba Media suele tinoka i bau-bauon aijo', sumo aijo' mule' to gubernur-gubernur tiba to mia-mian anu talasanggo na pangkatnyo kiijo' i propinsi.

ESTER 4:2

I ahop nu sabatan daka' nu laigan i tomundo ia tinolotinjomo, kalana mian anu mompusok baju' kalung madi' timbali minsoop.

ESTER 5:1

I sinaa kino itolunnyomo na ia binapuasa', i Ester po'ule'mo nompusok baju'nyo salaku bengkele' nu tomundo lantas nambamo nokiijo' tinuminjo i popasan nu laigan nu tomundo i ahop nusabatan anu lewa' kasuhangan i tomundo. I Tomundo tempo'nyo aitu aijo' suha-suhang i kasuhangan nu tomundo mongahopi sabatan aijo'.

ESTER 8:15

Lapas aijo' i Mordekhai nompala'imo laigan nu tomundo puso-pusok na baju' pesalin buhitnyo mobilu' ka' mopute', jubah mingkamumu' hude lenan ma'ima' hondo ka' songko' mosoni' nu kalaja'an anu ma'ima' hondo. Kota Susan nontaligalaimo kalana ilame'mo.

YESAYA 59:17

Ia nompake ka'adilan ka' kasalamatan, salaku baju' besak ka' songko' anu ko aja'nyo. Ia ko kahanda' mompokopiani kaadaan ka' mombalosi anu madi' adin.

MATIUS 11:8

Komiu mamba da montoa apaa? Samian anu mipake ma'ima'? To mia-mian anu mipake sumo aijo', jojoong i laigan nu tomundo'!

MATIUS 3:4

I Yohanes nompake baju' bulu nu unta. Pombutu'nyo kilit na binau, ka' kaanonnyo kihi-kihi' ka' juu' nu uani'.

MATIUS 6:29

panyo i Tomundo' Salomo sumo aijo'na ko kayanyo madi' mompake pakean anu ko ima'nyo sumo bunga-bunga aijo'!

LUKAS 16:19

“Daagi' ko samian anu kaya. Pakeannyo to maha-mahan, tiba mule' kantumuu'annyo tumuu' molabi-labi sansina-sinaa.

LUKAS 7:24

Salatan to posa-posaihon i Yohanes aijo' nambamo, i Yesus nontampu'unimo notatae hi mian da'isan mongkona i Yohanes, tukoo-Nyo, “Komiu namba i padang bolaa montoa apaa? Santake na hemput anu nupuuhakon nu mombun?

LUKAS 7:26

Jadi, komiu nosabat da montoa apaa? Pa' nontoa samian na nabi? Totu'u, aitu pe'e molingkuduimo samian na nabi.