LUKAS 7:22 - KITAB NU TUMPU ALLA LELE MA'IMAI'

²² I Yesus nontaami, “Pinsusule'mo hi Yohanes, ka' opoto'iakon apaa na anu ihongomo miu ka' tinoa: mian anu mapisok montoa, mian anu lupe i lumajang, mian anu ko panyakit kilit okabuhuk i na'alin, mian anu mabongon nohongo, mian anu sinilakamo po'ule' tinumuu', ka' Lele Ma'ima' lengkat mae hi Tumpu pinoto'iakon hi to mia-mian kasiasi.

LUKAS 7:22 Iomraidhean Croise

AYUB 29:15

Kona hi mian anu mapisokmo akumo na timbali mata; kona hi mian anu madi'mo moko ala lumajang, akumo na bau tengke nu aha.

MAZMUR 146:8

ka' mian anu mapisok opo'alinmo sahingga moko alamo montoa. Ia na mohangkat mian anu tinohumpukmo, ka' mongkalibosi mian anu hodi' na kinyonyoanyo.

YESAYA 42:16

Bansang-Ku anu napisokmo Ku taka'mo montulu jalan anu madi' nu sumbu' nu aha; aha Ku taka'mo montulu jalan anu madi' nu sumbu' nu aha. Kapintungan Ku potimbalimo da majingka hi aha, ka' jalan anu milebo-lebok Ku pohatamo. Aijo'mo na anu Ku bau hi aha, ka' memang ahi' Ku baumo.

YESAYA 43:8

Tumpu notatae, “Palentah da mamba mae i ahop, bansang-Ku anu napisokmo, maumo ahi' ko matanyo; anu nabongonmo maumo ahi' ko bihingnyo.

YEREMIA 31:8

Lengkat mae isasu utara sinule'akon-Kumo na aha Pinosihukumo na aha lengkat mae ipuus nu tano'. Mian anu napisokmo tiba mian anu kinapi'mo mambamo hingga-hinggat tiba aha, ka' suele boune anu sala'je nompohampe anak tiba anu poboa malia'mo monganak. Aha iwi-iwi' po ule'mo mae toka ka' manjoo'mo hondo na mamba mae ilipu' aiya.

ZEFANYA 3:12

Ikiijo' mae Ku pobee'mo da tataapmo na sa'angu' na bansa anu madi' takabun anu montaha'imani da Aku ahi' na montulungi. Aku timbalimo jojoong ikiijo' mae.

MATIUS 11:5

Mian anu mapisok montoa, mian anu lupe moko lumajang, mian anu ko panyakit kilit anu okabuhuk ma'alin; mian mabongon nohongo, mian anu mate po'ule' tumuu', ka' Lele Ma'ima' lengkat hi Tumpu opotokakon hi to mia-mian kasiasi.

MATIUS 21:14

To mia-mian anu mapisok ka' anu lupe tinoka hi Yesus i Laigan nu Tumpu, ka' Ia nompa'alin aha.

LUKAS 4:18

“Roh nu Tumpu daagi' hi beleng-Ku, kalana Ia nohangkatmo Aku da mompolele Lele Ma'ima' hi mian kasiasi. Ia nompokau Aku da mompoto'iakon opobebasmo na mian anu i hakop ka' kapa'alinan nu mian mapisok; da bau pompobebas mian anu o sansala

LUKAS 7:21

Tempo'nyo aitu i Yesus nompa'alin da'isan na mian, ka' nolaa' manjoo' na roh ma'idek tiba mule' nompotimbali da'isan na mian mapisok timbali nontoa.

LUKAS 7:23

Kopi-kopian na mian anu madi' ko kabalatan mongka'ideki Aku.”

YOHANES 1:46

Panyo i Natanael nontaami, “Toho' mule' anu ma'ima' molengkat mae i Nazaret?” “Imbo' posi toa,” na koonyo i Filipus.

SISIKON NU TO RASUL-RASUL 26:18

da aha mosabat lengkat i kapintungan ka' minsoop i uno nu jingka; da aha molapas i ponggodaan nu Ibilis, lantas nu kuasaimo nu Tumpu. Kalana palesaya hi beleng-Ku to dosa-dosa' nu aha o ampunimo ka' aha timbalimo mian anu palesayamo hi Tumpu, anu pinile'anmo na aha.’ ”

SISIKON NU TO RASUL-RASUL 8:7

Kalana to roh-roh ma'idek nosabatmo ka' naha kihisanmo nompala'imo mian da'isan anu pininsoopanmo nu setan. To mia-mian kapi' ka' pengko da'isan na anu pino'alinmo.

YAKOBUS 2:5

O inau', to Utu-utus anu okanonongi! Mian anu kasiasi i dunia aiya, pinile'anmo nu Tumpu da timbali mian anu kaya i uno nu iman. Mian haha aijo' pinosoopmo da timbalimo mian anu palesayamo hi Tumpu, sumo anu jinanji'mo nu Tumpu hi mian anu mongkalibosi Ia.