LUKAS 7:16 - KITAB NU TUMPU ALLA LELE MA'IMAI'

¹⁶ Iwi-iwi' na mian nabuhukmo ka' nontampu'uni nompuji' Tumpu Allah. Koonyo nu aha, “Samian na nabi daka' tinokamo i totonga'to! Tumpu tinokamo da momposalamat miannyo anu palesayamo!”

LUKAS 7:16 Iomraidhean Croise

MAZMUR 65:9

Iwi-iwi' na anu jojoong i dunia aiya nabuhukmo ka' no holomatimo kalana nontoamo apa-apaa na anu binaumo nu Belento anu madi' hondo kogampanyo. Songko-songko na dunia lengkat mae i puusnyo sa'angu' toka-toka i puusnyo sa'angu', pinolame'mo nu Belento ka' lewa'mo nontaligalai.

NOSABATMO 4:31

Sahingga pinalesayamo na aha, ka' salatan aha nohongomo taalu' Tumpu daagi' monginau' bansa Israel ka' nontoamo iwi-iwi' na kasansalan nu aha, aha dinumaladupumo ka' nonsombahmo.

YEREMIA 33:9

Yerusalem mompolame'mo mae kinyonyoang-Ku ka' mompopodaka'mo mae Aku. Iwi-iwi' na bansa i dunia mabuhukmo ka' nu lakatmo ka' mule' moholomatimo mae Aku, de aha mohongomo palabuatan ma'ima' anu binaung-Kumo iwi-iwi' hi aha mian anu jojoong i Yerusalem ka' mongkona kamajuan anu binee'-Kumo i kota' aijo'.”

MATIUS 15:31

Mian da'isan anu daagi' i kiijo' binangang hondo, salatan aha montoamo mian momo' notataemo, mian pengko' na'alinmo, mian anu kapi' ilumajangmo, ka' mian anu mapisok nontoamo. Lantas aha nompuji-puji'mo Tumpu bansa nu Israel.

MATIUS 21:11

“Ia Nabi Yesus, lengkat mae i Nazaret i Galilea,” tinaaman nu mian da'isan anu nonsampo jalan i Yesus.

MATIUS 28:8

To bou-boune aijo' malia-lia' nompala'i kubulan aijo'. Kalana mongoa'i buhuk tiba lame' nogogalo'anmo, aha nopadeka' ka' nompoto'iakon han aijo' hi aha anu saja' mombatuki Yesus.

MATIUS 9:8

Tempo'nyo to mia-mian nontoamo anu tinimbali aijo', aha sinawe'mo nu buhuk ka' nompuji' Tumpu, kalana Tumpu nombee'mo kuasa anu daka' hondo hi mian.

LUKAS 1:65

Sampo dewe iwi-iwi' nabuhukmo, lele aijo' tinolelemo i tano' nu bungkutnyo nu Yudea.

LUKAS 1:68

“Imbo' da kita mompuji' Tumpu, Tumpu mian nu Israel! Ia tinokamo montulungi mian anu palesayamo hi Ia ka' mompobebas aha.

LUKAS 19:44

Nugalisi nu aha na beleyum tiba tumpu nu lipu'um; ka' madi' ko sambatu pe'e na batu nu pojohok nu aha tasusun i tampatnyo, kalana beleyum madi'mo mompalahatikan pa' hi pian na Tumpu toka mae momposalamat beleyum!”

LUKAS 2:20

Ninsusule' na to pola-polaya' domba i hemput padang, ka' aha nompuji' ka' nompopodaka' Tumpu, kalana iwi-iwi' na tinoa ka' i hongo nu aha, madi' sala' sumo anu tinaloakonmo nu malaikat.

LUKAS 24:19

“Te apaa na tinimbali?” tukoo-Nyo i Yesus. “Anu tinimbali hi Yesus, mian lengkat mae i Nazaret aijo',” tinaaman nu aha. “Ia nabi. Potatae-Nyo ka' anu nubau ko kuasa-Nyo hondo – mau i pontoa nu Tumpu, maumo i pontoa nu iwi-iwi' na mian.

LUKAS 5:26

Aha iwi-iwi' binangang hondo, lantas nompuji' Tumpu. Kalana nongoa'i nabuhukmo, aha notatae, “Mompobangang hondo na anu sinakisiantomo sinaa aiya!”

LUKAS 5:8

Salatan i Simon nontoa aijo', ia tinolodadupu nonsombah i ahop i Yesus, ka' notatae, “Pala'imo na aku Tumpu! Kalana aku mian baladosa'!”

LUKAS 7:15

Olitau anu sinilakamo aijo' nobulamo, sinumuhang ka' nontampu'uni binasisik. Lantas binee'mo i Yesus hi tinanyo.

LUKAS 7:39

Salatan mian nu Farisi anu nolaga i Yesus nontoa han aijo', ia notataemo i kinyonyoanyo, “De mian aiya nabi, tantu nusumbu' ihe na boune aijo' anu nongkanyang Ia, apaa mule' boune aijo' tumuu' i uno nu dosa'!”

LUKAS 8:37

Lantas songko-songko na anu jojoong i da'erah Gerasa aijo' nompoita sabole-bole da i Yesus mompala'i tampat aijo', kalana aha iwi-iwi' nabuhukmo hondo. Jadi, i Yesus sinumake'mo i duangan kahanda'mo minsusule'.

LUKAS 9:19

Aha nontaami, “Daagi' ko anu notatae, i Yohanes anu Mompalamandikan. Daagi' mule' ko anu notatae, i Elia, sangga'at mule' notatae, sala'samian na nabi naipuan mae anu po'ule'mo tinumuu'.”

YOHANES 1:21

“Desumo aitu, beleyum ihe?” pinokilawa nu aha. “Pa' beleyum i Elia?” “Misa',” na koonyo i Yohanes. “Pa' beleyum Te Nabi?” pinokilawa nu aha mule'. “Misa',” na koonyo.

YOHANES 1:25

nompokilawa, “De beleyum misa' Tomundo anu Momposalamat, misa' i Elia, misa' mule' Te Nabi, kadaka' beleyum mompalamandikan?”

YOHANES 4:19

“Uuka aiya kusumbu' kita Tuan samian na Nabi,” na koonyo nu boune aijo'.

YOHANES 6:14

Salatan tinoa nu mian da'isan na anu okabangangi binau i Yesus, aha notataemo, “Totu'u aiyamo na Nabi anu ota-otanda'i toka i dunia!”

YOHANES 9:17

Sahingga nompokilawa mule' hi mian aijo' na to mia-mian nu Farisi, “Mosia na hi beleyum pikilan mongkona Ia anu nompotimbalimo beleyum noko ala nontoa?” “Ia nabi,” na koonyo nu mian aijo'.

SISIKON NU TO RASUL-RASUL 5:5

Salatan i Ananias nohongomo potatae aijo', ia notua' lantas natemo. Iwi-iwi' mian anu nohongo mongkona apaa na anu tinimbali aijo' i nabuhukmo.

SISIKON NU TO RASUL-RASUL 7:37

Iamo suele na i Musa anu notatae hi bansa Israel, ‘Tumpu Allah mombee'je hi beleyum samian na nabi anu pinile'an lengkat hi posi komi-komiumo atina', susumo Ia nompile'imo aku.’

GALATIA 1:24

Sahingga aha nompuji'mo Tumpu kalana aku.

PO'ULE' INGULIT 18:15

Panyo ola mule' ahi' anu aiya hi posi bansanto na monsai samian na nabi mamba hi belemiu susumo aku aiya ka' tionyo ahi' tulu-tulutan na belemiu hi Ia.