LUKAS 7:14 - KITAB NU TUMPU ALLA LELE MA'IMAI'

¹⁴ Lapas aijo' i Yesus nongohani pinolembanan anu sinilaka aijo', ka' tiniiknyo. Sahingga anu nolemban tinolotinjo. I Yesus notatae, “O olitau, Ku pokau na beleyum pobula!”

LUKAS 7:14 Iomraidhean Croise

1 TOMU-TOMUNDO' 17:21

Lapas aijo' i Elia lewa'mo nongokobakon saha'annyo hi anak aijo' pinintolun, ka' binalado'a, “O Tumpu, Tumpu Allah-ngku potuu'akon mae paya' na anak aiya!”

1 TOMU-TOMUNDO' 17:22

Tumpu nohongomo do'a i Elia anak aijo' po'ule'mo ningkinyonyoa ka' tinumuu'mo.

AYUB 14:12

sumo aijo'mo na manusia anu sinilakamo: ia madi'mo po'ule' tumuu'. Ia madi'mo daagi' tolosikangkang de daagi' ko langit aita' ia hoyo-hoyot madi'mo daagi' toho' mobula.

AYUB 14:14

Kalana de bisuannyo manusia silakamo te ia daagi' po'ule' tumuu'? Toka sansina-sinaa na aku montanda'i sampe tokaje na tempo'nyo madi'mo ko kasansala'anku anu sumo aiya.

MAZMUR 33:9

Kalana Ia notatae, lantas iwi-iwi' pinotimbalimo Ia nompalentahmo, sahingga iwi-iwi' daagi'mo.

YESAYA 26:19

Mian anu palesayamo hi Belento sisinilakamo saidi' mae po ule'mo tumuu', bangke-bangke' nu aha po ule'mo tumuu'. Mian anu ilamunmo i uno nu tano' saidi' mae po ule'mo tumuu' ka' lame'mo na lewa' molo ais. Sumomo dondu'ok mompoloopmo tano', Belento mompotumuu'mo mian anu palesayamo hi Belento anu pini-pininmo na sinilaka.

MARKUS 5:41

I Yesus nontoongi lima nu anak aijo' ka' notatae hi ia, “Talita kum,” alati'nyo; “Anak boune, Aku motatae hi beleyum: pobula!”

LUKAS 7:13

Salatan i Tumpu Yesus nontoa boune aijo', Ia nolibos hi ia, lantas notatae, “Boli humaang kita Tina!”

LUKAS 7:15

Olitau anu sinilakamo aijo' nobulamo, sinumuhang ka' nontampu'uni binasisik. Lantas binee'mo i Yesus hi tinanyo.

LUKAS 7:17

Lele mongkona i Yesus aiya, tinolelemo i songko-songko na Yudea ka' i da'erah anu mompaha ohani.

YOHANES 11:25

“Akumo na mombee'i kantumuu'an ka' po'ule' mompotumuu' mian mate,” koo-Nyo i Yesus hi Marta, “Mian anu palesaya hi beleng-Ku po'ule' tumuu' mau mule' ia natemo.

YOHANES 5:21

Tuuma aijo' po'ule' mompotumuu' mian mate, ka' mombee'i aha kantumuu'an anu talakana' ka' toka sidu-sidutu'; sumo aitu mule' Anak mombee'i kantumuu'an sidu-sidutu' hi mian anu nuka'oho' Nubee'i kantumuu'an.

YOHANES 5:25

Palesayamo: Tokaje na tempo'nyo – aitu pe'e tinokamo na tempo'nyo – mian mate mohongo potatae nu Anak nu Tumpu. Ka' mian anu mohongo Ia tumuu'.

ROMA 4:17

Kalana Tumpu notatae sumo uuka hi Abraham, “Aku mompotimbalimo beleyum tuuma nu manjoo' na bansa.” Sumo aijo'mo na Tumpu nombee' janji' aijo' hi Abraham. Ka' i Abraham pinalesayamo hi Ia. Iamo na Tumpu anu mompotumuu' mian silaka; Iamo ahi' na Tumpu anu ola motatae aku mombau apaa na anu madi' toho' daagi', timbali daagi'.

EFESUS 5:12

Kalana hahan anu nu nubau nu aha opohowini aijo', mau pe'e ola mombisalakon mongambangimo.)