LUKAS 7:13 - KITAB NU TUMPU ALLA LELE MA'IMAI'

¹³ Salatan i Tumpu Yesus nontoa boune aijo', Ia nolibos hi ia, lantas notatae, “Boli humaang kita Tina!”

LUKAS 7:13 Iomraidhean Croise

MAZMUR 103:13

Susumo tuuma mongkalibosi to ana-anaknyo, sumo aijo'mo na Tumpu mongkalibosi mian anu tulu-tulutan hi Ia.

MAZMUR 86:15

Panyo Belento, o, Tumpu, Tumpu anu pangkalibosi ka' manononghondo, sabaan hondo, saja' mongkalibosi, ka' manonong.

MAZMUR 86:5

Belento manonong, o, Tumpu, ka' kahanda' mongampuni, mian anu balado'a hi Belento, saja' nukalibosi nu Belento, nukalibosan anu madi' ko kamingkotannyo.

YESAYA 63:9

Iamo ahi' na kinona nu kasusa'an nu aha, Tumpu madi' nonsai mian kabai anu mombolosakon, posi Iamo ahi' na nompobebas aha kalana liibos ka' kalibosan-Nyo. Ia saja' ahi' monjagai aha daagi' pe'e naipuan mae.

YEREMIA 31:20

O Israel beleyum anak anu Ku kanonongi hondo anak anu oka'ima'i hondo, saja' o inau' i uno nu kinyonyoang-Ku. De Aku montambuha'imo bele saja'mo Ku inau' na beleyum ka' molibosmo. Beleyum na Ku atun ahi' ima-ima' nu kalibosan.

MARKUS 8:2

“Aku molibos hi mian da'isan aiya. Tolun sinaamo na kopinnyo aha nohingga-hinggat aku, ka' uuka aha madi'mo ko anu o kaan.

LUKAS 10:1

Lapas aijo' Tumpu nompile'i mule' pitumpulu' na anu saja' mombatuki, lantas nonsai aha toto ua'aha mamba i moona i toto sa'angu' na kota ka' tampat anu okahanda'i o lambani.

LUKAS 11:1

Daagi' ko sansinaan i Yesus binalado'a i sa'angu' na tampat. Noko balado'a sala'samian na anu saja' mombatuki Ia notatae, “Kita Tumpu, soba potingan mae na kami balado'a sumo i Yohanes nompotingan aha anu saja' mombatuki ia balado'a.”

LUKAS 11:39

Kalana aijo' Tumpu notatae hi ia, “Memang komiu to mia-mian nu Farisi saja' mombaso'i mangko' ka' lean i sasu sambiha'nyo, panyo i uno nu posi butongum saja' hondo panggaga ka' manjoo' na ka'idekan.

LUKAS 12:42

Tumpu nontaami, “Ihe na posaihon anu mohongo-hongo ka' pande, sahingga i hangkat nu tuannyo timbali kapala nu to posa-posaihon sangga'at da ia mombee'i aha mongkaan toka i tempo'nyo?

LUKAS 13:15

Tumpu nontaami, “Baleko' na komiu aiya! I sinaa nu Sabat iwi-iwi' na mian mompolapas sapi' kabai keledainyo i pangkungnyo, ka' oboa i sambiha'nyo da opo'inum nu aha.

LUKAS 17:5

To rasul-rasul notatae hi Tumpu Yesus, “Tumpu, pohosonakon mae na palesaya mami.”

LUKAS 17:6

Tumpu nontaami, “De komiu ko palesaya anu totu-totu'u sumo batu nu sasawi, komiu timbali motatae hi kau' murbei aiya, ‘Tonggaut na oko ka' tumuu' i ambai,’ tantu kau' aiya mombatuki palentaum.”

LUKAS 18:6

Lantas Tumpu notatae, “Soba hongo apaa na anu tinaeakonmo nu mian kopian anu madi' adin aijo'!

LUKAS 19:8

Lapas mule' kiijo' i laigannyo, i Zakheus tinuminjo ka' notatae hi Yesus, “Tumpu, sambahagian na halata'ku, ku halala'akon hi mian kasiasi; tiba ihehe na anu toho' ingakalanku, po'ule' ku bayan hi ia pimpaton lipat!”

LUKAS 22:61

I Yesus nonsiloi ka' nontoa i Petrus. Lantas i Petrus tinonginau'mo hi Tumpu notatae hi ia, “Ma'isa pe'e manuk mintutuhu' sinaa aiya, beleyum pintolunmo mompojalo Aku.”

LUKAS 24:3

Lantas aha ninsoop i uno nu pinongkubunan aijo', panyo madi'mo ko bangke' i Tumpu Yesus kiijo'.

LUKAS 24:34

Aha aijo' notatae, “Memang totu'u Tumpu po'ule'mo tinumuu'! Ia nompotoamo butong-Nyo hi Simon!”

LUKAS 7:12

Tempo'nyo i Yesus tinokamo i koko tumban nu kota, to mia-mian hau-haunyo momboa anu sinilakamo mosabat i kota. Anu sinilaka anak mo'ane, sami-samiannyomo na anak nu samian na balu. Da'isan na mian nu kota nonsangalui tinanyo.

LUKAS 7:14

Lapas aijo' i Yesus nongohani pinolembanan anu sinilaka aijo', ka' tiniiknyo. Sahingga anu nolemban tinolotinjo. I Yesus notatae, “O olitau, Ku pokau na beleyum pobula!”

LUKAS 7:19

Lantas nonsai aha namba hi Tumpu Yesus ka' mompokilawa, “Kitamo Tuuma na mian anu toka mae susumo anu jinanji'mo nu Tumpu, kabai tionyo kami montanda'i san-samianan?”

LUKAS 8:52

Iwi-iwi' na mian hau-haunyo humaang montando'i kalana kasilakan nu anak aijo'. Panyo i Yesus notatae, “Boli humaang. Anak aijo' madi' sinilaka, ia ola i hoyot!”

YOHANES 11:2

I Maria aijo'mo boune anu nondudu'akon minya-minya' manohong i tengke i Tumpu ka' nonsapui nu ubaknyo. Daagi' kino santempo'an i Lazarus nasakitmo.

YOHANES 11:3

Ua-ua'aha na utusnyo nompolelemo hi Yesus, “Tumpu, utus kami anu oka-okalibosi nu kita Tumpu aijo' nasakitmo.”

YOHANES 20:13

To mala-malaikat haha aijo' nompokilawa, “Kita Tina, kadaka' humaang?” I Maria nontaami, “Tumpungku ingalamo, ka' madi' ku sumbu' pa' iya na pinonguna'an Ia.”

YOHANES 20:15

I Yesus nompokilawa hi ia, “Kita Tina, kadaka' humaang? Kita Tina molio ihe?” I Maria nonsangka aijo' topo bau ale', sahingga ia notatae, “Kita Tuuma, de kita Tuuma na nolalin Ia lengkat i aiya, tulungi poto'iakon mae hi belengku iya na pinonguna'an nu Kita Tuuma Ia, da ku ala na ia.”

YOHANES 4:1

To mia-mian nu Farisi nohongo i Yesus nohumpak ka' nompalamandikan lebe da'isan molingkudui anu mombatuki Yohanes. (

YOHANES 6:23

Lapas aijo' daagi' ko to pia-piangkuka na duangan lengkat mae i kota Tiberias tinoka nadaduak koko tampat nu mian da'isan aijo' nongkaan roti salatan ilapas na Tumpu nompoita talima kaseh.

1 KORINTUS 7:30

mian anu humang, tumuu'mo susumo ia madi' ko kasusa'an, mian anu kumojo, susumo ia madi' lame'; mian anu nongolimo, apa-apaa susumo ia madi' ko apa-apaa;

1 TESALONIKA 4:13

To Utu-utus, okahanda'i mami na komiu da monsumbu' anu sahondo-hondonyo kona hi aha to mia-mian anu sinilakamo; da komiu boli susa' na kinyonyoa sumo to mia-mian sangga'at anu madi' ko anu otaha'imani.

IBRANI 2:17

Aiyamo na alati'nyo sahingga Ia tionyo timbali pokakana sumo to utu-utus-Nyo i uno nu iwi-iwi na han. Ka' tiba jalan anu sumo aijo' Ia noko alamo tinimbali Imam Daka' anu mohongo-hongo ka' anu ko kalibosan-Nyo. Kalana Ia nombaumo anu sumo aijo', sahingga dosa' nu mian ingampunanmo.

IBRANI 4:15

Imam Daka'to anu talasanggo aijo' misa' imam anu madi' moko ala mongoa'i apa-apaa na anu madi' opoko ala o oa'into. Panyo Ia sinobanmo i uno nu iwi-iwi' na han, pokakana sumo kita; ola Ia madi' nombau dosa'.

TO MIA-MIAN KOPIAN 10:16

Lapas aijo' ingalinmo nu aha iwi-iwi' na patong bapilogotan, lantas nonsombahmo Tumpu Allah. Sahingga Tumpu Allah nolibosmo na nontoa aha i uno nu kasansala'an aijo'.