LUKAS 6:7 - KITAB NU TUMPU ALLA LELE MA'IMAI'

⁷ To pia-piangkuka na gulu' agama mian nu Farisi mongka'oho' molio kasala'an i Yesus, da timbali mongkalaak Ia. Jadi, aha saja' mompotamatakon pa' Ia nompa'alinmo mian masakit i sinaa nu Sabat.

LUKAS 6:7 Iomraidhean Croise

MAZMUR 38:12

To sanga-sangalungku madi'mo mae ko anu mongohanii kalana panyakitku, pakalaus to julu-julungku mae nompolilitmo mae aku.

YESAYA 29:21

mian anu saja' mompobau-bau mian sangga'at, mian anu montewa' da boli ohukum na miana nu ma'idek na kinyonyoanyo ka' mule' mian anu saja' molea-leangakon sisik anu toto bale-baleko' da mian anu madi' tageo' na kinyonyoanyo boli obee'i ka adilan.

YEREMIA 20:10

Ihongomo na mian momo oyong iyaya mae, “Mongoa'i buhuk nokeangmo iyaya mae! Imbo' da okalakmo na ia hi anu balakuasa!” Pakalaus mule' iwi-iwi' na sangalu anu mompahakona hondo aku mongindimo da aku silakamo. Aku nontaloakon, “Ugaat depagalamo osale'i, timbalimo ia opoko ala ohungku'into da opoko alantomo na mombalosakon hi ia ka'idekanto.”

MATIUS 5:39

Panyo uuka Aku motatae hi komiu: Boli mombalosi idek hi mian anu mombau idek hi komiu. Ola ahi' de mian mohapa' gagisingum anu i koanan, pojohok da ia mohapa' gagisingum anu i kowi suele.

MARKUS 3:2

I kiijo' daagi' ko to mia-mian anu mongka'oho' molio kasala'an i Yesus, da Ia timbali o kalaak. Jadi aha saja' mompotomatakon Ia, pa' Ia mompa'alin mian i sinaa nu Sabat.

LUKAS 13:14

Kapala nu laigan pogalejaan aitu notambuha'mo, kalana i Yesus nompa'alinmo mian i sinaa nu Sabat, kalana aijo' ia notatae hi to mia-mian, “Daagi' anom na sinaa na mokalaja; toka mae i sinaa aijo' da opa'alin boli i sinaa nu Sabat!”

LUKAS 20:20

Jadi aha molio kasampatan anu ma'ima'. Aha nonsuu'akon hi mian da montiho susumo mian tobos, ka' monsai mian haha aijo' mompoki-pokilawa apa-apaa hi Yesus da o humpak na kasala'annyo, da aha timbali momboa Ia hi anu ko kuasa ka' pamalentah nu Gubernur.

YOHANES 9:16

To pia-pingkuka na mian nu Farisi haha aijo' notatae, “Madi' bisa mian anu nombau aiya nolengkat mae hi Tumpu, kalana Ia madi' mompajuli sinaa nu Sabat.” Panyo mian sangga'at notatae, “Iya na timbali mian anu baladosa' mombau anu okabangangi sumo aiya?” Lantas tinimbali painggagaan hi posi-posi aha.