LUKAS 6:6 - KITAB NU TUMPU ALLA LELE MA'IMAI'

⁶ Daagi' ko sansinaan nu Sabat sangga'at, i Yesus namba nongajan i laigan pogalejaan. I kiijo' daagi' ko samian na limanyo lupe na sambiha'.

LUKAS 6:6 Iomraidhean Croise

1 TOMU-TOMUNDO' 13:4

Salatan i Yerobeam nohongomo potatae haha aijo', tiniju'nyomo na nabi aijo' ka' notatae daka-daka', “Hakop na mian aitu!” Panyo' balo i hojok na lima i Yerobeam sahingga madi'mo pinoko ala po'ule pinaku'nyo.

ZAKHARIA 11:17

Kinutukan na polaya' potuu'on anu madi' mingkaliangan aijo'! Ia nompala'imo pahasan nu dombanyo. Kakuasa'annyo belentimo de saidi' mae mahampatemo. Limanyo lundengmo ka' mule' matanyo anu sasu koanannyo mapisokmo.”

MATIUS 4:23

I Galilea, i Yesus nonsongkohi iwi-iwi' na lipu' ka' nongajan i laigan pogalejaan. Ia nompolele Lele Ma'ima' tukoonyo Tumpu tionyo mompalentah. Ka' Ia mule' nompa'alin to mia-mian anu masakit ka' anu madi' sampa' na butongnyo.

LUKAS 13:10

Daagi' ko sansinaan i sinaa nu Sabat, i Yesus nompogulu' i sa'angu' na Laigan Pogalejaan.

LUKAS 14:3

Lantas i Yesus nompokilawamo hi to gulu-gulu' agama tiba hi to mia-mian Farisi anu daagi' i kiijo', “De atulan nu agamanto, pa' timbali na kita nompa'alin mian masakit i sinaa nu Sabat kabai madi'?”

LUKAS 4:16

I Yesus namba mule' i Nazaret, tampat pinompodaka'an Ia. I sinaa nu Sabat, sumo kabiasa'an-Nyo Ia namba i laigan pogalejaan. Ia tinuminjo nombasa' Kitab nu Tumpu,

LUKAS 4:31

Lapas aijo', i Yesus nambamo i kota Kapernaum i Galilea. I kiijo' mae ia nongajan to mia-mian i sinaa nu Sabat.

LUKAS 6:1

Daagi' ko sansinaan nu Sabat, tempo'nyo i Yesus nosahak i sa'angu' na ale' nu gandum, anu saja' mombatuki Ia nontipu gandum. Piniopos nu aha na gandum aijo' nu lima ka' kinaan.

LUKAS 6:5

Lantas i Yesus notatae, “Anak nu Mian mongkuasai sinaa nu Sabat!”

YOHANES 5:3

I lambingnyo haha aijo' da'isan na mian masakit sika-sika male'; daagi' ko anu mapisok, daagi' ko anu pengko', daagi' ko anu kapi'. [Aha iwi-iwi' montanda'i uee nu talaga aijo', mokokembong.

YOHANES 9:16

To pia-pingkuka na mian nu Farisi haha aijo' notatae, “Madi' bisa mian anu nombau aiya nolengkat mae hi Tumpu, kalana Ia madi' mompajuli sinaa nu Sabat.” Panyo mian sangga'at notatae, “Iya na timbali mian anu baladosa' mombau anu okabangangi sumo aiya?” Lantas tinimbali painggagaan hi posi-posi aha.