LUKAS 6:47 - KITAB NU TUMPU ALLA LELE MA'IMAI'

⁴⁷ Opokakanakonto hi he na mian anu toka hi beleng-Ku ka' mohongo potataeng-Ku, ka' mombau anu kutaeakon? – Yo ii' da Kupotiju' hi belemiu –.

LUKAS 6:47 Iomraidhean Croise

YESAYA 55:3

Potombihing mae obansang-Ku, tokamo mae hi beleng-Ku, belemiu Ku bee'ije kantumuu'an anu totu'unyo. Kalana kalibosan ka' kanonongan anu jinanji'-Kumo hi Daud, Aku nontoongimo palajanjian anu madi' ko kamingkotanyo tiba belemiu.

MATIUS 12:50

Mian anu mombau pongka'oho' nu Tuumang-Ku anu i suluga', iamo na utus mo'ane, utus boune ka' tinang-Ku.”

MATIUS 17:5

Hau-haunyo i Petrus daagi' motatae, sehu' anu majingka hondo nohohungimo aha, ka' lengkat i sehu' aijo' tolohongo na potatae anu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku. Hongo na Ia!”

LUKAS 11:28

Panyo i Yesus nontaami, “Lebe bilahi mule' na mian anu mohongo potatae nu Tumpu ka' mombau palentah-Nyo!”

LUKAS 14:26

“De mian toka hi belengku panyo lebe mongkalibosi tinanyo, tuumanyo, bengkele'nyo, to ana-anaknyo, to utu-utusnyo, ka' suele posi butongnyo, ia madi' moko ala timbali mian anu saja' mombatuki Aku.

LUKAS 6:48

Ia sumo mian anu tempo'nyo mompotinjo laigan mongkeke leleeng, lantas mombau mesennyo opokoko i batu. De toka na iyaba' ka' uee nu kaunyo moleetabi laigan aijo', laigan aijo' madi' opoko anjuhakon, kalana pinotinjomo i bawo nu mesen anu madodo.

LUKAS 8:13

Bine' anu nanabu' i tampat anu ko batunyo sumomo mian anu mohongo lele aijo', kinyonyoanyo sanang na montalima. Panyo lele aijo' madi' nimbakat i kinyonyoa nu aha. Aha palesaya ola sasaingoni', ka' de soba'an toka, aha madi'mo mule' palesaya.

LUKAS 8:8

Panyo daagi' ahi' ko bine' anu nanabu' i tano' anu ma'omuk, lantas tinumuu' mohasinakon bua'nyo pininsa'atu lipat.” Lapas nonsisik kantuangan aijo', i Yesus notataemo, “De ko bihing, hongo!”

YOHANES 10:27

Domba-dombang-Ku mohongo potataeng-Ku. Aku monsumbu' aha, ka' aha nombatukimo Aku.

YOHANES 13:17

De osumbu'mo miu iwi-iwi' aiya, bilahi na komiu de mombau.

YOHANES 14:15

“De komiu mongkalibosi Aku, komiu tionyo monjalanakon to pale-palentah-ngKu.

YOHANES 5:40

Panyo komiu madi' mongka'oho' toka hi beleng-Ku da mohumpak kantumuu'an sidu-sidutu'.

YOHANES 6:35

“Akumo na roti anu mombee'i kantumuu'an,” tukoonyo i Yesus hi aha. “Mian anu toka hi beleng-Ku madi'mo mompo'ule' mo'ohop sidu-sidutu'. Ka' anu palesaya hi beleng-Ku madi'mo mompo'ule' megot sidu-sidutu'.

YOHANES 6:37

Iwi-iwi' mian anu binee'mo nu Tuuma hi beleng-Ku, toka hi beleng-Ku. Madi' Aku mongkangkang mau pe'e ihe na anu toka hi beleng-Ku.

YOHANES 8:52

Lantas to mia-mian nu Yahudi aijo' notatae hi Yesus, “Uuka sinumbu'mo mami, Beleyum aiya totu-totu'u pininsoopanmo nu setan! I Abraham pe'e natemo, sumo aitu na nabi iwi-iwi'. Panyo Beleyum motatae, ‘Mian anu mombatuki potataeng-Ku, sidu-sidutu' madi' mate.’

IBRANI 5:9

Sahingga salatan Ia pinotimbalimo anu momposalamat totu-totu'u, Ia tinimbalimo pinolengkatan nu kasalamatan anu sampe toka sidu-sidutu' kona hi iwi-iwi'na mian anu tulu-tulutan hi Ia,

YAKOBUS 4:17

Kalana aijo', mian anu monsumbu' apaa na anu ma'ima', anu tionyo obau panyo madi' obau, aijo' baladosa'.

1 PETRUS 2:4

Mokonyo aijo', tokamo mae hi Tumpu. Ia salaku batu anu tumuu', batu anu ingalinmo nu manusia kalana osangka madi' mingguna; panyo anu pinile'anmo nu Tumpu salaku batu anu ko angga'nyo.

2 PETRUS 1:10

Kalana aijo', to utu-utus bala usaha da belemiu anu i lagamo nu Tumpu ka' pinile'an-Nyomo na butong miu lebe mompaka bala usaha mule'. De belemiu mombau aijo', belemiu madi' mompala'i kapalesaya'an miu.

1 YOHANES 2:29

Komiu nonsumbu'mo taalu' i Kristus titumuu'mo tulu-tulutan i pongka'oho' nu Tumpu. Kalana aijo' komiu tionyo ahi' monsumbu' suele saba' batu-batu mian anu tumuu'mo tulu-tulutan i pongka'oho' nu Tumpu, atina' anakmo nu Tumpu.

1 YOHANES 3:7

To ana-anakku, boli mompobee' mau mule' ihe anu momposala' pikilan miu. Mian anu mombau pongka'oho' nu Tumpu atina'mo na anak nu Tumpu, susumo i Kristus Anak nu Tumpu.

ANU PINOTO'I HI YOHANES 22:14

Mohumpak ka'ima'an na mian anu nombaso'imo juba'nyo sampe belesi', ka' sahingga aha ko hakmo mongkaan bua' nu kau' kantumuu'an ka' minsoopmo i uno nu kota aijo' montului sabatan daka' aijo'.