LUKAS 6:30 - KITAB NU TUMPU ALLA LELE MA'IMAI'

³⁰ De mian mompoita apa-apaa hi beleyum, bee'mo na aijo' hi ia, ka' de anu miu o agoi bolimo po'ule' opoita.

LUKAS 6:30 Iomraidhean Croise

MAZMUR 112:9

Ia mombagi-bagiakon halata'nyo, ka' mombee'i apa-apaa hi mian anu kasiasi; ia saja' mombau anu ma'ima', kalana aijo' ia balakuasa ka' oholomati.

MAZMUR 41:1

Anu mongkapalai panyanyi. Mazmur i Daud.

AMSAL 19:17

Montulungi mian anu kasiasi pokakanamo sumo monsaboli Tumpu; Tumpuje suele na mombalosakon.

AMSAL 21:26

Sansinaa-sinaa ia ola ahi' mompopikilakon mongkona apaa na anu nuka milui. Pada han mian anu madi' tageo' nakinyonyoanyo moko ala mombee'i molabi-labi.

AMSAL 22:9

Mian anu manonong nu balakati nu Tumpu kalana Ia mombee'i dale' hi mian anu madi' ko apa-apaanyo.

ANU MOMPOLELE POTATAE NU TUMPU 11:2

Balanjakon na doi nu beleyum ingangahan nu badagangan; Olio na usaha jonjoo'. Kalana mian palalu saja balajaga-jaga; mau ma'isa pe'e ko balaa' montokai mae.

ANU MOMPOLELE POTATAE NU TUMPU 8:16

Salatan binala usahamo na aku da mohumpak kapandean bapikin; ka' pinalahatikankumo iwi-iwi' na anu jinadimo i dunia aiya, saba' sinumbu'kuje na aku taalu' maumo ahi' kita basusa-susa' sinaa ka' pihi madi'mo milawe,

MATIUS 18:35

I Yesus nompomingkot sisik-Nyo nu potatae sumo uuka, “Sumo aijo'mo na Tuumang-Ku i suluga' mombau komiu toto samian, de madi' sanang na komiu mongampuni utusum.”

MATIUS 5:39

Panyo uuka Aku motatae hi komiu: Boli mombalosi idek hi mian anu mombau idek hi komiu. Ola ahi' de mian mohapa' gagisingum anu i koanan, pojohok da ia mohapa' gagisingum anu i kowi suele.

MATIUS 6:12

Ampuniakon na kasala'an mami, sumo kami mongampuni mian anu mombau sala' hi kami.

LUKAS 11:41

Anu i uno nu mangko' ka' i leanum aijo', aijo'mo na anu tionyo obee' miu hi to mia-mian anu kasiasi. Tiba jalan aijo', iwi-iwi' timbalije mompobelesi' butong komiu.

LUKAS 12:33

Pobaluk na anu daagi' hi beleyum ka' bee' na doinyo hi mian kasiasi. Pombaumo dompet bau kapentingan nu butongum, anu madi' toho' ma'idek, aijo'mo halata' anu opo una' i suluga'. Halata' aijo' madi' ko kapolapusannyo, kalana madi' nupoko ala nu anu buling, ka' atak madi' moko ala mongidei.

LUKAS 18:22

Nohongo aijo', i Yesus notatae, “Daagi' ko sa'angu' na han na anu tionyo nu bau: Pobaluk na anu iwi-iwi' hi beleyum, bee' hi mian kasiasi na doinyo, mohumpakje halata' i suluga' na beleyum. Lapas aijo' tokaje mae mombatuki Aku.”

LUKAS 6:29

De nuhapa' nu mian na gagisingum sambiha', pojohok da nuhapa' na gagisingum sambiha' mule'. De juba'um ingagoan, bee' mule' na baju'um.

LUKAS 6:31

Obau na kalakuan hi mian sangga'at sumo anu oka'ima'i miu, nubau nu aha hi komiu.

LUKAS 6:38

Bee'i na mian sangga'at, da Tumpu suele mombee'i beleyum; komiu montalimaje pombee'i molabi-labi anu tinakanmo ma'i-ma'ima' bau bagi miu. Kalana anu opake pontakanan komiu hi mian sangga'at, aijo'mo suele na opake pontakanan anu miu, nu Tumpu.”

SISIKON NU TO RASUL-RASUL 20:35

I iwi-iwi' na han, aku nombee'imo sonto' hi komiu saba' kalana mokalaja totu-totu'u montulungimo to mia-mian anu madi' mahoson. Kalana tionyo ahi' o inau'to apaa na anu pinosi taloakonmo i Tumpu Yesus, ‘Lebe sanang na mombee'i ka' de mule' ola montalima.’ ”

2 KORINTUS 8:9

Kalana osumbu' miu hondo kita talalo nukalibosi i Yesus Kristus Tumpunto. Ia kaya, panyo Ia nompotimbalimo butong-Nyo kasiasi kalana kapentingan miu da kalana Ia kinasiasimo aijo', komiu timbalimo kaya.

EFESUS 4:28

Mian anu biasa mombuling, bolimo daagi' ia mombuling. Sahanyo ia mokalaja keke-keke, da hasin nu kalajanyo ia mohumpak kaanon ka' timbali montulungi anu kakulangan.