LUKAS 6:25 - KITAB NU TUMPU ALLA LELE MA'IMAI'

²⁵ Silaka na komiu anu mobosu uuka aiya; kalana komiu saidi' mae mo'ohopmo! Silaka na komiu anu kumojo uuka aiya; kalana komiu saidi' mae susa' na kinyonyoa ka' humaang!

LUKAS 6:25 Iomraidhean Croise

MAZMUR 49:19

Ka' mule' de samian mohumpakmo dale' i uno nu kantumuu'annyo, ka' sola'mo opuji'-puji' kalana kinohasinnyomo na usahanyo,

AMSAL 14:13

Moko lapas kumojo ugaat ko anumo humang; panyo kalame'an timbalije mule' mingahen nu kasusa'an.

AMSAL 30:9

Kalana bisuannyo aku kaya, ugaat aku motataemo, aku madi' mompalalui Beleyum. Ka' de aku kasiasi, ugaat aku bulingmo sahingga mombusikimo sanggo nu Belento.”

ANU MOMPOLELE POTATAE NU TUMPU 2:2

Aku mongkahanda'i da aku saja' balasanang ka' mule' lewa' bala inum anggur ka' mule'lewa mombau bau-bauon.

ANU MOMPOLELE POTATAE NU TUMPU 7:3

Kasusa'an nu kinyonyoa na lebe ma'ima' molingkudui kumojo. Maumo ohup otoa susa' asan kinyonyoa na sanang ahi'.

ANU MOMPOLELE POTATAE NU TUMPU 7:6

Kojoo nu mian anu ponga' madi' ko alati'nyo; sumomo behetek nu hii' de opapuimo.

YESAYA 28:7

Suele to nabi-nabi ka' to ima-imam nalangumo kalana talalomo nanjoo' na nonginum anggur tiba siu. Aha lumajang mahasungonanmo ka' mahatosumpunanmo kalana pikilan nu aha pinusingmo. To nabi-nabi madi'mo daagi' mapaham i hahan anu nu toa nu aha mongkona apaa na anu nu bee' nu Tumpu hi aha. To ima-imam madi'mo daagi' moko ala momputusi palakala-palakala anu nu boa mae nu mian hi aha.

YESAYA 65:13

Sabenannyo mian anu monsombah Aku na mongkaan ahi' padahan belemiu mo'ohop. Aha monginum, padahan belemiu megot. Aha bilahimo, padahan belemiu ma'ambangmo.

YESAYA 8:21

Aha to mia-mian anu sinoe'mo ka' no ohopmo sumolinsapmo ilipu' aijo'. Kalana no ohopmo, aha saja'mo motambuha' sahingga mongkutukimo tomundo' tiba Tumpu nu aha. Maumo pa' iya na nu tonto'i nu aha, mokiita

YESAYA 9:20

Aha mian nu Manasye tiba aha mian nu Efraim mompaha tumbu-tumbuhimo lantas mosangalumo mongewa Yehuda. Panyo Tumpu daagi' ahi' tataap motambuha' ka' tataap mule' ahi monabu'akon hukuman.

AMOS 8:10

Iwi-iwi' na lamean nu belemiu Ku bali'i timbali mohangi anu silaka, ka' nyanyian nu belemiu timbalimo montando'i. Ku bauje na belemiu mongkiis bulu nu ubakum ka' mompake hude kalung pontandai molibosmo. Belemiu timbalimo susumo tina tuuma anu mohangi anaknyo anu sa'a-sa'angu'nyo sinilakamo. Sinaa aijo' kapupusannyo talalo hondo mompopolibos.”

NAHUM 1:10

Beleyum opapuimo susumo hat anu nanggasmo, susumo kuhat anu ko hii'nyo anu ningkalekotmo.

LUKAS 12:20

Panyo Tumpu notatae hi ia, ‘O anu ponga'! Pihi uuka mule' beleyum matemo, lantas ihemo ahi' na mohumpak iwi-iwi' kakaya'an anu ilimu'umo bau kapentingan nu butongum?’

LUKAS 13:28

Tempo'nyo komiu montoa i Abraham, i Ishak ka' i Yakub tiba iwi-iwi' na nabi balame-lame' i uno nu Dunia Bu'ou nu Tumpu Allah, komiu humaang ka' nonta'up sansala, kalana komiu olaa'mo mamba i sambiha'nyo.

LUKAS 6:24

Panyo silaka na komiu anu kaya uuka aiya; kalana komiu nongoa'imo kasanangan!

LUKAS 6:26

Silaka na komiu de iwi-iwi' mompuji' belemiu; kalana sumo aitu suele na mompolee' nu aha nompuji'mo to nabi-nabi anu baleko' tempo'nyo u'utu mae.”

LUKAS 8:53

Aha nongkokojoi Yesus, kalana nusumbu' nu aha anak boune aijo' sinilakamo.

EFESUS 5:4

Madi' mule' pantas hi komiu montaloakon potatae anu mahenyu, anu masala' ka' anu madi' mingkona. Ola ahi' komiu maunyo montalima kase hi Tumpu.

1 TESALONIKA 5:3

De mian motatae, “Iwi-iwi' aman ka' madi' ko anu mombau hengge',” sahingga aitumo na tempo'nyo anu madi' osumbu-sumbu' nu aha, nutokaimo nu bala, ka' madi' ko samian pe'e na anu moko popalai. Han aijo' toka madi' osumbu-sumbu', sumo mongoa'i sakit monganak kona hi samian na boune anu mompohampemo.

YAKOBUS 4:9

Tionyo ahi' komiu totu-totu'u na mompele-pele' ka' humaang, ka' montando'i; tionyo ahi' kojoo miu timbali haang ka' lame' miu timbali kasusa'an!

ANU PINOTO'I HI YOHANES 3:17

Belemiu notatae, ‘Kami kaya ka' sukup; kami madi' kakulangan apa-apaa.’ Panyo madi' osumbu' miu, palias na ko kasiasinyo ka' ko susa'nyo na ka'ada'an miu! Belemiu kasiasi, to langgo-langgo' ka' mapisok.

1 SAMUEL 2:5

Mian anu u'utu mae mobosu, kalana manjoo' na kaanon, tempo' uuka aiya nongala tambomo, ola kalana da mohumpak anu okaan. Mian anu u'utu mae mo'ohop tempo uuka aiya na osamo kalana nanjoo'mo na anu okaan. Bengkele' anu lengke' tempo uuka aiya sinanangmo na kinyonyoanyo, popitu'mo na anaknyo na i hampe! Panyo bengkele' anu manjoo' na anaknyo, pinala ianmo, pinojohokmo da susa'.